جدید سرائیکی لوک نظم دا پندھ

جدید سرائیکی لوک نظم دے پندھ کوں اڳونہاں ٹورݨ آلے لوکیں اِچ ہک اہم ناں ارشاد تونسوی دا وی ہے ۔ اُنہاں بندے دے وجود (Existence) کوں سنوارݨ سانگھے ہک بھرویں کوشش کیتی ہے۔

دنیا اِچ ساریاں قوماں دے آپنے آپنے اخلاقی، معاشی، سیاسی، معاشرتی، مابعدالطبیعاتی تے روحانی تصورات ہوندن۔ پر قوماں اِنہاں تصورات دے نال نال آپنے عصری تقاضیاں کوں وی سامنے رکھیندن۔ اُنہیں دا عصری شعور اِتنا وسیع ہوندے جو او کہیں وی طرح دی یوٹوپیا اِچ پناہ نئیں گھندے۔ عملی زندگی اِچ او  قوماں کہیں رومانس دا شکار نئیں تھیندیاں۔

سئیں ارشاد تونسوی اِتھوں دی اجتماعی بے خبری دے خول کوں تروڑ تے ، لوکیں کوں نویںفکر ڈِتی نیں۔ اُنہیں آپنا نویکلا دَگ چنڑے۔ اے سماجی تے ثقافتی قدریں کوںنویں ترتیب نال پیش کرن دا  آہر ہے۔ سرائیکی شاعری دے مزاج کوں بدلن دا اے ڈوجھا وڈا مظاہرہ ہئی۔ تِریمتِیں دے عالمی ڈینہہ تے اُنہیںدی لکھی ہوئی ہِ نظم ملاحظہ فرمائو۔

بابل تیں توں کجھ نہیں منگدے

نہ گھر ٻار ، نہ کنت ، نہ ڈھول

ساکوں ساݙے پیر ، ولا ݙے

ساݙے پیریں جھانجھر پا ݙے

ہک واری ساکوں ٹُرݨ سِکھا ݙے

نویں سرائیکی نظم کوں عزیز شاہد نیں معتبر بناون اِچ اہم کردار ادا کیتے۔ او پچھلے پنجاہ سال توں اپنے قاری نال جڑے گھڑئین۔ کہنیں ویلھے عزیز شاہد دا قاری چُݨ پُچݨ (2000۔1960ء) اِچ اوندا ٻانہہ ٻیلی بݨدے ۔ عزیز شاہد اوکوں پُھل سرمی دے وی ݙکھیندے تے اوکوں جوڳ وچ وی آپݨا بھائیوال رکھیندے ۔ اوندا قاری 2001ء توں 2011ء تئیں دی چُݨ پُچݨ وچ اوکوں نئیں چھڑیندا ۔ عزیز شاہدؔ دا قصہ ‘ پݨیال توں شروع تھیا ہویا دھمی تئیں جاری ہے۔ اے قصولی اپݨے اسلوب نال ‘ اپݨے لفظیں نال‘ اپݨے خیال دے رنگینی نال ‘حیران کر ݙیوݨ آلیاں ڳالھیں وی کریندے۔ سُوہݨے سوہݨے فوٹو (لفظی پیکر تراشی  تے منظر کشی) وی ایں طرح پیش کریندے جو ہک دفعہ تاں سامع تے جادوائی کیفیت طاری تھی ویندی ہے۔

ٻیا ݙیکھو

• نویں سرائیکی لوک نظم ۔ تجزیاتی مطالعہ

• سرائیکی شاعری اَتے روائتی لوک شاعری

• چولستان اتے سرائیکی لوک شاعری

• نویں لوک نطم وِچ لہجے دی تبدیلی

• سرائیکی وسیب دی ثقافت تے دانشور

ٻاہرلے جوڑ

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔