ملتان

ملتان मुल्तान , MULTAN
Multan Saraiki
حیثیت:	میٹروپولیٹین سٹی، انتظامی مرکز سرائیکی وسیب بذریعہ وسیب سول سیکرٹریٹ، سٹی ڈسٹرکٹ
ہمسایہ شہر:	بہاولپور، ڈیرہ غازی خان، مظفر ڳڑھ
مقامی تے اکثریتی زبان:	سرائیکی
اقلیتی زباناں:	پنجابی، میواتی، ہریاݨوی، اردو،
آبادی:	2,215,381 نفوس بمطابق 2023ء دی مردم شماری
رقبہ:	560 مربع کلومیٹر
سرکاری ٹی وی چینل:	پی ٹی وی نیشنل ملتان
ریڈیو اسٹیشن:	ریڈیو پاکستان ملتان
ماتحت ڈویژن :	بہاولپور، ملتان، ڈیرہ غازی خان
سرکاری ویب سائٹ	، ایڈیشنل چیف سیکریٹری جنوبی پنجاب سیکرٹریٹ

ملتان پاکستان دا چھیواں تے سرائیکی وسیب یا سنٹرل پاکستان دا پہلا وݙا شہر تے خطے دا سیاسی، ثقافتی تے صنعتی و تجارتی تے انتظامی مرکز اے۔ اتھوں دی مقامی تے اکثریتی زبان سرائیکی اے۔ 2005ء اچ اینکوں سٹی ڈسٹرکٹ دا درجہ ݙے کے ایندے چھی ذیلی انتظامی ٹاؤنز تشکیل ݙتے ڳئے جنہاں اچ ٻوسݨ ٹاؤن، شاہ رکن عالم ٹاؤن، شیر شاہ ٹاؤن، ممتاز آباد ٹاؤن، شجاع آباد تے جلالپور پیروالہ شامل ہن۔ ایں طرح ملتان شہر دی حدود اچ کراچی تے لہور سمیت ٻئے وݙے شہراں دی طرح سارا ضلع شامل تھی ڳیا۔

ملتان دی تاریخ

کہیں زمانے اچ راوی دا دریا ملتان دے پراݨے قلعے دے نال وہندا ہا، تے اینکوں ہک دریائی بندرگاہ دی حیثیت حاصل ہائی ، ٻیڑیں ( کشتیوں) دے ذریعے صرف سکھر بھکر ہی نئی، بلکہ منصورہ ، عراق ، ایران ، مصر ، کا بل، دلی (دہلی) تے حیدرآباد دکن تک دی تجارت ہوندی ہئی، ایں واسطے ملتان کوں دنیا دے بہوں وݙے علمی، تجارتی تے مذہبی مرکز دی حیثیت حاصل تھئی، تے صرف ہندوستان ہی نہی بلکہ پوری دنیا اچ ملتان دی شہرت ہای ۔قلعہ ملتان دی قدامت بارے آکھیا ویندے ، کہ اے پنج ہزار سال پرانا ھ، لیکن ہو سگدے، کہ اے ہنیں تو وی زیادہ پراݨا ہووے ،ایں ڳال تے پر سارے مورخین دا اتفاق ھ، کہ ملتان تے قلعہ ملتان دا وجود قبل از تاریخ دیو مالائی دور کنوں وی پہلے دا ھ ، افسوس دا مقام اے ھ۔ ، جو حملہ آوراں نے ہمیشہ ایں قلعے کوں نشانہ بنڑا تے اینکوں فتح کرݨ توں بعد خوب لُٹ مار کریندے رہ ڳئے، پر اینکوں بحال کرݨ دا کہیں نا سوچیا، 1200قبل مسیح " دارا " نے اینکوں تباہ کیتا ، 325 قبل مسیح سکندر اعظم نے ایندے اُتے چڑھائی کیتی، ولا عرب ، افغان ، سکھ تے انگریزاں حملہ آوراں قدیم قلعہ ملتان کوں برباد کرݨ اچ کوئی کسر نہ چھوڑی ، ہنڑ فرزندان ملتان تے سرائیکی وسیب دے سارے واسیاں دا فرض ھ، کہ او اپنڑی پراݨی کوتاہیں تے غور کرِن ، تے اپنڑے وسیب دے نال تھیونڑوالی پنج ہزار سالہ زیادتیاں دی تلافی کرݨ، تے اپنڑے فخر (عظمت رفتہ) کوں سنڄانڑن.

ملتان سرائیکی وسوں دا ھک پراݨا شھرھےـ پراݨے ویلےکنوں ھی اےانج صوبہ ھےـانگریزاں اینکوں پنجاب ءچ رلاݙتےـ ایں وی دنیاءچ اٹھ کروڑکنوں ودھ سرائیکی ہن

مغل دور وچ صوبہ ملتان (سرائیکستان)

ملتان پاکستان دا ہک شہر اے۔ ایتھے 1,423,919 وسدے ہن۔ اے ضلع ملتان دا گڑھ وی اے۔ ملتاں دریاۓ چناب دے کنڈے تھلویں پنجاب وچ اے- اے پاکستان دے پرانے شہراں اچوں اے۔تاریخ اساکوں ݙسیندی ھ، کہ ملتان(کوٹ مولتان ، مولتان) ہک شہر ہی نی، بلکہ ہک تہذیب تے ہک سلطنت دا ناں وی ھ ۔ 372ہجری کتاب ’’حدود العالم بن المشرق الی المغرب‘’ وچ ملتان دی حدود دے بارے لکھیا ھ، کہ قنوج دے راجہ تے امیر ملتان دی سرحدیں جالندھر تک ہوندیاں ہن،’’ سیر المتاخرین‘‘ وچ اقلیم ملتان دی حدود ایں طرح بیان کیتی ڳئی ھ ، کہ ملتان اول، دوم تے سوم اقالیم کنوں زیادہ وݙا (فراخ) ہا، کیونکہ ٹھٹھہ ایں صوبے تے ودھیا( زیادہ) ہا، فیروز پور کنوں سیوستان تک چار سو ترہی(٤٣٠) کوس لمبا تے چتوڑ کنوں جیسلمیر تیئں ہک سو اٹھ (١٠٨)کوس چوڑا ہا، ݙوجھے پاسوں طول کیچ تے مکران تک چھ سو سٹھ (٦٦٠)کوس ہا، ا یندے پوواد ﴿مشرق﴾ رویہ سرکار سرہند تک ہا،اُبھی ( شمالی) دریائے شور اچ، تے لمی(جنوبی)صوبہ اجمیر تک ھ، تے پچادھ﴿مغرب﴾ اچ کیچ تےمکران ہا ۔ ابوالفضل نے اپنڑی مشہور عالم کتاب "آئین اکبری " اچ صوبے ملتان دی حدود اے بیان کیتی ہن ، صوبے ملتان دے نال ٹھٹھہ دے الحاق کنوں پہلے اے صوبہ فیروز پور کنوں سیوستان تک ۶۲۴کروہ ھا ، چوڑائی اچ " کھت پور" کنوں جیسلمیر تک۶۲۱ کروہ ھا، ٹھٹھہ دے الحاق دے بعد اے صوبہ "کیچ" تے "مکران" تک وسیع تھی گیا ، ایندا اے فاصلہ ۰۶۶ کروہ ھا.

ملتان دا قدیم نقشہ

پوواد (مشرق ) اچ ایندی سرحداں سرہند سرکار نال، ابھے پاسوں (شمالی) پشاور نال ، لمے پاسوں(جنوب )اجمیر دے صوبے نال، تے پچادھ الے پاسوں ( مغرب) کیچ مکران نال ملدیاں ہن۔ کیچ تے مکران پہلے صوبہ سندھ اچ شامل ہن، ملتان دے صوبے اچ تراے سرکاریں ﴿ملتان خاص، دیپال پور تے بھکر﴾ ہن، تے کل اٹھاسی پراگنے ﴿ضلعے ﴾ ہن۔ ملتان دی وسعت تے عظمت تے تاریخ اج وی ناز( رشک )کریندی ھ ، ملتان دی قدامت دے ہم پلہ دنیا اچ شاید ہی کوئی شہر ہووے ۔پاکستان اچ جیہڑے شہراں کوں مصنوعی طریقے نال ملتان کنوں کئی گنا وݙے شہر بنڑائے ڳن ، آج کنوں چند سو سال پہلے اے ملتان دی مضافاتی وستیاں ہن، ایں ڳال دی شہادت حضرت داتا گنج بخش(رح) نے اپنڑی کتاب ’’کشف المجوب‘‘ اچ ’’لاہور یکے از مضافاتِ ملتان‘‘ ݙے ݙتی ھ ۔

ملتان دے حوالے نال فارسی دا شعر

چہار چیزاز تحفہ ملتان است

گردو گرما گداوگورستان است

گرد دا مطلب ہے کہ اتھاں اندھاریاں ٻہوں آندیاں ہن ۔ گرما دا مطلب ہے کہ گرمی ٻہوں ہونفی ہے ، گدا دا مطلب ہے کہ اتھاں اللہ والے بہت لوگ ہن تے گورستان دا مطلب ہے کہ اتھاں قبرستان بہت ہن۔ گرمی دے حوالے نال ’’گرمے‘‘ دی ڳالھ کوں چھوڑ کے محققین کوں اس ڳالھ تے غور کرنا چاہیدا اے کہ دنیا دی امیر کبیر شہر ، دنیا دی بہت وݙی تہذیب ، ݙوجھا سب توں پراݨا قدیم شہر تے دنیا دی عظیم سلطنت کوں گورستان وچ کس نے تبدیل کیتا ؟

ملتان بول ملاستہان توں بݨیا اے جیڑا سورج دیوتا دا ایتھے اک وڈا مندر ہائی۔ یونانی سکندر وی ایتھے آیا ہائی۔664 چ اموی خلیفہ معاویہ دا جرنیل مہلب بن ابی صفراہ ایتھے آیا ہائی۔ پر اسلامی دنیا نال گوڑا جوڑ اموی خلیفہ ولید بن عبدالملک دے ویلے ہویا جݙاں بنو امیہ دی فوج اودے جرنیل محمد بن قاسم نال ملتان آئی تے ملتان پکا اسلامی دنیا نال جڑ گیا.

ملتان تے عرباں نے پہلی صدی ہجری وچ قبضہ کر گھدا ہڑی تے اے اس وقت تک خلافت دے زیر اثر ریہا جݙݨ تک مرکزی حکومت مضبوط رہی۔ مگر خلافت عباسیہ دی کمزوری نال دور دراز دے علاقے خود مختار تھی گئے، تے ایں وجہ نال ملتان دا صوبہ (موجودہ خطہ سرائیکستان) وی خود مختار تھی گیا۔ اے اگرچہ ابتدا وچ منصورہ دے ماتحت ریہا، مگر تریجھی صدی ہجری دے وسط وچ ملتان، سندھ توں علحیدہ تھی تھی کے ہک خود مختار ریاست بݨ گیا۔ اتھوں دے اوں وقت دے مورخین تے جغرافیہ داناں دے بیانات توں معلوم تھیندا ہے کہ ملتان وچ سامہ بن لوی کی حکومت ہئی جیہڑا قریشی نسل تے سنی ہئی تے عباسی خلفاء دا خطبہ پڑھدے ہن.

ایں دور دے بعد بشاری مقدسی ملتان آیا ہئی۔ اس دا بیان ہے کہ ملتان دے لوگ اسماعیلی شیعہ ہن تے اذان وچ ’حی علی خیر العمل‘ پڑھدن تے اقامت وچ ݙو دفعہ تکبیراں آکھدن ۔ خطبے وچ فاطمی اسماعیلی مستعلی خلیفہ دا ناں گھدا ویندا ہے تے اس دے حکم نال ہی پورے خطے دے انتظامات چلائے ویندن تے اتھوں برابر تحائف ملتان بھیجے ویندے ہن۔

اسماعیلیاں دے کئی شاخاں ہن۔ انہاں وچ قرامطہ، دروزی تے نزاریہ (باطنیہ یا ملاحدہ) اہم فرقے ہن۔ انہاں وچ صرف صدارت یا امامت دا فرق ہے، ورنہ عقائد دے لحاظ نال اے متفق ہن۔ چونکہ قرامطہ دولت اسمٰعیلہ دے آغاز توں پنجاہ سال پہلے ظاہر تھئے، اس واسطے بعض لوگاں دا خیال ہے کہ قرامطہ توں اسمٰعیلی نکلے ہن۔ جب کہ باطنیہ یا ملاحدہ پنجویں صدی دے ݙوجھے نصف حصہ وچ ظاہر تھئے ہن۔ ایہا وجہ ہے کہ مورخین کوں ملتان دے اسمٰعلیاں دے بارے وچ شبہ تھیا ہے۔ اس شبہے دی وجہ نال کہیں نے انہاں کوں قرامطہ تے کہیں نے ملاحدہ لکھ ݙتا ہے۔ساݙے ایں موقف دی تائید بشاری مقدسی دے بیان توں تھیندی ہے کہ جیہڑا پہلے درج کیتا گیا ہے۔ تے آگوں مزید تفصیل آسی ۔ اس واسطے اساں انہاں کوں اسمعیلی لکھا ہے۔

اسماعیلیاں دے مطابق امام محمد بن اسمٰعیل دے بعد دے ترئے ائمہ عبد اللہ، احمد تے حسین تھئے۔ اے تریہے بہت پوشیدہ زندگی بسر کریندے ہن۔ انہاں دے خاص نقیباں دے سوا کہیں کوں انہاں دا پتہ نہ ہئی۔ انہاں دے ناواں وچ وی اختلاف ہے۔ انہاں دے دور وچ ملتان تے سندھ وچ اسمٰعیلی داعیاں دی آمد دا سلسلہ شروع تھی گیا ہئی۔ آخری مستور امام حسین بن احمد بن محمد بن اسمعیل بن جعفر بن صادق نے ابو القاسم بن فرح کوں یمن وچ داعی بݨا کے بھیجا۔ اس سندھ تے ملتان وچ ہثیم کوں داعی بݨا کے بھیجا۔ اس طرح ملتان تے سندھ وچ 72ھ وچ اسمٰعیلی دعوت دی ابتدا تھی گئی ہئی۔ اس دے بعد وی داعی اتھاں آندے ریہے تے انہاں نے مقامی باشندیاں کوں تبلیغ دے ذریعے اسماعیلی بݨا گھدا۔

سقوط ملتان دے بعد بحیثیت ڈویژنل صدر مقام ڈویژن

ملتان ڈویژن پاکستان دے صوبہ پنجاب دی ہک انتظامی تقسیم ہئی۔ 2000ء دی حکومتی اصلاحات دے نتیجے وچ اس تریجھے درجے دی تقسیم کوں ختم کر ݙتا گیا۔ 2008ء دے عام انتخابات دے بعد پنجاب نے اس دے آٹھ ڈویژناں کوں بحال کر ݙتا۔

تاریخی طور تے ملتان ڈویژن دراصل برطانوی ہند دے صوبہ پنجاب دا ہک انتظامی ڈویژن ہئی۔ دریائے ستلج اینکوں بہاولپور توں جدا کریندا ہئی جبکہ جنوب مشرق وچ دریائے سندھ جزوی طور تے اس ڈویژن وچ وڳدا ہئی تے مغرب دے نال اس دی سرحد بݨیدا ہئی۔ ایہ پنج اضلاع تے مشتمل ہئی.

بحالی حیثیت بطور انتظامی مرکز سرائیکی وسیب

یکم جولائی 2020ء کوں ملتان شہر اچ سول بیوروکریسی تے پولیس بیوروکریسی دے انتظامی سیکرٹریٹ دا قیام عمل اچ آیا جیندے زیر انتظام سرائیکی وسیب دے 13 اضلاع ہن۔ 30 جون 2020ء کوں جناب زاہد اختر زمان دی تقرری بطور پہلے تے تاریخی ایڈیشنل چیف سیکریٹری تے جناب انعام غنی دی تقرری بطور پہلے تے تاریخی ایڈیشنل انسپیکٹر جنرل دے کیتی ڳئی۔ وزیراعلٰی پنجاب سردار عثمان احمد خان بزدار ہوراں نے انہاں ݙوہاں انتظامی سربراہان نال خصوصی ملاقات اچ نیک تمناواں دے بعد سرائیکی خطے دے معاملات تے مسائل بارے تبادلہ خیال کیتا۔ انہاں ݙوہاں سربراہان نے ݙو جولائی 2020ء کوں سرائیکستان دے انتظامی سیکرٹریٹ (سرکاری ناں جنوبی پنجاب سیکرٹریٹ) کیتے باقاعدہ طور تے اپݨے ذمہ داریاں سنبھال گھدے۔ اے سول سیکرٹریٹ سرائیکستان دے ترئے ڈویژناں (ملتان، بہاولپور تے ڈیرہ غازی خان) دے تیرہاں ضلعیاں دا انتظام چلیندے۔ ایں طرح ملتان دی قدیم تاریخی تے مرکزی حیثیت بحال تھئی۔

مشہور حکمران

• چندرگپت موریا،

• شنگ کوشان،

• یونانی باختری

• سفیدہُن، مہرا کولا ٥٢٠ء توں ٥٣٠ ء

• ٦١٠ء کنوں ٦٢٦ء تائیں ملتان تے ساسانیاں دا قبضہ ریہا تے نوشیرواں دے پوترے خسرو پرویز نے ملتان وچ سونے تے چاندی دے سکے ڈھالے۔ ٦٦٨ء وچ راجا چچ حملہ کیتا تے اتھوں دا حاکم بݨا مگر راجا چچ دے حملے توں پہلے اتھاں ہک چینی سیاح ’ہیون سانگ‘ آیا۔ اُوندا سفرنامہ ہند، سندھ دی تاریخ کیتے کہیں خزانے کنوں گھٹ کائنی۔

• صوبہ ہند (ساسانی) ٢٦٢ء توں ٤٨٤ء
• ٤٨٥ء کنوں ـــ ٦٦٢ء رائے خاندان
• رائے ݙیوا جی ٤٨٩ءتوں ۔۔۔۔
• رائے سہسی ݙو ۔۔۔۔ توں ٦٣٢ء
• راجہ چچ ٦٣١ء توں ٦٧١ ء
• راجہ چندر ٦٧١ء توں ٦٧٩ء
• راجہ داہر ٦٩٥ء توں ٧١٢ ء

• ٧١٢ء ــــ ٧٥٠ ء عرب
• ٨٥٥ء __ ١٠١٠ء امارت ملتان

• ١٠٢٦ء ـــ ١٣٥١ سومرہ خاندان

• ١٤٤٥ ـــ ١٥٢٤ء لنگاہ خاندان

• ١٥٢٤ ـــ ١٧٣٩ مغل دور

• ١٧٥٠ ــ احمد شاہ ابدالی نے ملتان وچ آپݨاں ہندو گورنر صوبے دار ملک بان٘وری لایا۔

• ١٧٥٧ کنوں ـــ١٧٥٨ مرہٹیاں صرف ہک سال

• ١٧٥٨ ــکنوں ١٨١٨ ابدالی خاندان

• ١٨١٨ ـــ کنوں١٨٤٩ سکھ سلطنت (باوی جنوری اٹھارھاں سو انجاہ)

١٨٤٩ کنوں ــ ١٩٤٧ برطانوی راج

ملتان دے تاریخی، علمی، روحانی تے ثقافتی مقامات

قلعہ کہنہ قاسم باغ ملتان، باغ لانگے خان عوامی لائبریری ملتان، جناح پارک ملتان، مزار شاہ یوسف گردیز ملتان، مزار حضرت بہاؤالدین زکریا ملتان، مزار شاہ شمس سبزواری ملتان، مزار حضرت شاہ رکن عالم ملتان، عیدگاہ ملتان، مزار نواب مظفر خان سدوزئی احاطہ حضرت بہاؤالدین زکریا ملتانی، ملتان میوزیم، ملتان ٹی ہاؤس، شاہ شمس پارک ملتان

ملتان اچ قائم علاقائی تے انتظامی مراکز تے سرکاری دفاتر

سرائیکستان سول سیکرٹریٹ، واپڈا (میپکو ملتان)، پاکستان پوسٹ (پوسٹ ماسٹر جنرل آفس جنوبی پنجاب سرکل)، پاکستان ٹیلی ویژن، ملتان مرکز، پی ٹی وی نیشنل ملتان، ، ریلوے کنسٹرکشن پاکستان (ریجنل آفس ملتان)، دی انسٹی ٹیوشن آف انجینئرز پاکستان، ملتان سنٹر، پاکستان انجینئرنگ کونسل، برانچ آفس ملتان ، ایف آئی اے، ملتان، اے ٹی آئی آر، ملتان آفس ، نیشنل ہائی وے اتھارٹی، جی ایم کنسٹرکشن ، پنجاب ساؤتھ، ملتان ، ساؤدرن پنجاب ایمبرائیڈری انڈسٹریز (پبلک پرائیویٹ پارٹنرشپ)، نیشنل ہائی وے اینڈ موٹروے پولیس، ڈی آئی جی سینٹرل 2، ملتان ، پوسٹل لائف انشورنس کمپنی لمیٹڈ، ریجنل ڈائریکٹر ملتان ، پاکستان ٹیلی کمیونیکیشن اتھارٹی، ریجنل آفس ملتان، پاکستان کونسل فار ریسرچ ان واٹر ریسورسز، ریجنل آفس بہاولپور، پاکستان سائنس فاونڈیشن، ڈپٹی ڈائریکٹر ملتان، پی ایس کیو سی اے، ڈپٹی ڈائریکٹر ملتان زون، ڈائریکٹوریٹ آف حج، ملتان، وفاقی شرعی عدالت، جنوبی پنجاب، ملتان ، ریجنل نیب ملتان، ایس ایم ای بی ایف سی ساؤتھ پنجاب، ملتان، نادرا ریجنل ہیڈکوارٹر ملتان، دفتر ایڈیشنل ایڈوکیٹ جنرل، بہاولپور تے ملتان، قومی امن کمیٹی برائے بین المذاہب ہم آہنگی، حکومت پاکستان، ڈائریکٹر ٹریڈ ڈیویلپمنٹ اتھارٹی پاکستان، ملتان، ڈی جی آڈٹ، جنوبی پنجاب، ملتان، پریس انفارمیشن ڈیپارٹمنٹ، ریجنل آفس ملتان، ڈپٹی جنرل مینیجر پیمرا، ملتان، ریجنل دفتر نیشنل ٹیلی کمیونیکیشن کارپوریشن، ملتان، پاکستان ریلوے پولیس ملتان ڈویژن ، پاکستان ریلوے، ڈویزنل سپرنٹنڈنٹ ملتان ، پاکستان پریس ڈیپارٹمنٹ، ریجنل آفس ملتان ، اسٹیٹ لائف انشورنس کارپوریشن آف پاکستان، ملتان ریجن ، این ایل سی، ریجنل آفس ملتان ،ساؤتھ ائیر، ملتان، ایف ڈبلیو او، ڈیرہ اسماعیل خان، فوجی فاؤنڈیشن، دفاتر ملتان، میانوالی، مراکز قومی بچت پاکستان، ملتان، بہاولپور ،اکادمی ادبیات پاکستان، برانچ آفس ملتان، ، پولیس ٹریننگ اسکول ملتان، ، دفتر ایڈیشنل آئی جی پولیس سرائیکی وسیب ملتان

مزید ݙیکھو

• سرائیکی زبان
• سرائیکی ذاتاں
• سرائیکی النسل قبائل
• سرائیکستان سول سیکرٹریٹ
• سرائیکستان دے ضلعے
• ریاست بہاولپور
• صوبہ ملتان
• امارت ملتان

ٻاہرلے جوڑ

• ہمارا ملتان ویب سائٹ
• ملتان ضلعی حکومت دی ویب سائٹ
• اٹلی فار ملتان
• بھارت دی ملتانی سرائیکی برادری دی ہک ویب سائٹ
• ملتان ریڈیو