لودھراں

لودھراں ہک ضلع ہے۔ تے تحصیل وی ہے تے لودھراں ہک شہر وی ہے۔ لودھرا ہک ذات ہے، ایں ذات دی نسبت نال شہر دا ناں لودھراں ہے۔ لودھراں دریائے ستلج دے ابھے پاسے بہاولپور کنوں اٹھارھاں کلومیٹر تے پندھ تے ہے۔

لودھراں کوں 1991ء اچ ضلع بݨایاڳیا۔ لودھراں دریائے ستلج دے اُبھے اچ واقع ہے۔ لودھراں دے اُبھے اچ اچ ملتان تے خانیوال دے ضلع، جݙاں جو بہاولپور دا ضلع لَمے اچ واقع ہے۔ پودادھ اچ وہاڑی تے بہاولپور دے ضلع شامل ہن۔ گرمیاں اچ ایں ضلع دا درجہ حرارت 28 ڈگری سینٹی گریڈ توں 42 ڈگری سینٹی گریڈ تئیں پُڄ ویندے ، جݙانجو سردیاں اچ 5 ڈگری سینٹی گریڈ توں 21 ڈگری سینٹی گریڈ تئیں آ ویندے۔ ایں ضلع دا رقبہ 1790 مربع میٹر ہے۔ ایں دی سطح زمین ریتلی تے ہموار ہے۔ کپاہ ، کݨک، دالیں ، مکئی ، ڳنا، ٻاجرہ ،چاول تے تل ایں ضلع دی اہم فصلاں ہن۔ ایں ضلع دی آبادی 472188 ہے۔ شرح خواندگی 29.9فیصد ہے۔

ریلوے ٹیشݨ

لودھراں دا ریلوے ٹیشݨ ہک جنگشن ہے۔ ایتھوں ہک ریلوے لائن سدھی خانیوال ویندی ہے، ہک لائن کہروڑ پکا، میلسی وہاڑی، بوریوالا، عارفوالا، پاکپتݨ توں تھیندی ہوئی قصور تے وت لہور ویندی ہے۔

زبان

لودھراں دی زبان سرائیکی ہے۔

تعلیم

• زکریا یونیورسٹی ملتان دا کیمپس
• گورنمنٹ پوسٹ گریجویٹ کالج لودھراں

حوالہ

• کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء