راجن پور
ڈیرہ غازی خان ڈویژن دا ہک ضلع ہے۔ ایں ضلع دے شمال اچ ضلع ڈیرہ غازی خان ہے۔ مشرقی سرحد دے نال نال دریائے سندھ وی واہندے۔ دریا دے پار ضلع رحیم یار خان تے ضلع مظفر گڑھ ہے۔ مغرب اچ کوہ سلیمان دے سلسلے ہن جیڑھے ضلع راجن پور کوں بلوچستان دے ضلع سبی توں جدا کریندن۔ جنوب مغرب اچ صوبہ سرحد دے ضلع جیکب آباد دی حداں ایں ضلع توں ملدین۔ پہلے راجن پور ضلع ڈیرہ غازی خان دی ہک تحصیل ہئی۔ جولائی 1982ء اچ ایکوں انج ضلع بݨایا ڳیا۔ ایندیاں ترائے تحصیلاں ہن۔ راجن پور ، جام پور، تے روجھان۔ راجن پور ضلع دی لمبائی 110میل تے چوڑائی 60میل ہے ۔ شہر راجن پور ڈیرہ غازی خان توں 70میل تے دریائے سندھ توں 17میل دے فاصلے تے ہے۔ تقریباً پنج سوسال پہلے اتھاں پٹھاݨاں دے ہک خاندان ناہر نے حکومت قائم کیتی۔ مغلیاں دے عہد اچ ناہر سرداراں نے انہاں دی اطاعت کیتی۔ ول احمد شاہ ابدالی نے ایں علاقے تے قبضہ کر گھٖدا۔ 1732ء اچ سیت پور دے ہک زمیندامخدوم شیخ راجن نے اے شہر راجن پور آباد کیتا۔1883ء اچ اتھاں ٻہوں سیلاب آیا۔ چنانچہ حکومت نے ہک وݙا پشتہ تعمیر کرایا۔ 22اپریل 1973ء کوں جݙاں ایکوں ریلوے لائن نال مربوط کر ݙتا ڳیا تاں ایندی تجارتی حیثیت اچ نمایاں تبدیلی آ ڳئی ۔
ناں دی وجہ
[لکھو | ماخذ وچ تبدیلی کرو]راجن پور دا ایرا مخدوم راجن شاہ 1931ء کنے 1933ء ءِچ ٻَݙھاـ مخدوم سائیں سیت پور دا درباری ہا وت جݙاں نہڑیں دی حکومت ڈھلی تھائیں تے مخدوم سائیں ہوݨی راجن پور دی زمین ہتیکی کر کھدی تے امیری دی لکھت دلی سرکار مغل بادشاہ کنے کھدی تاہوں سیت پور دے نہڑیں کجھ نہ کر سڳےـ مخدوم راجن شاہ بھلے لوکیں کیتے جنگھل دے وݨ تھݙ کراہیں رہاکی کیتے زمیں بݨوائی تے کئی دھنڈیں کڈھوائیاں کیوں جو دربھیں تے رہاکیاں کو پاݨی پلایا ونڄےـ لوکیں کیتے مہان کرݨ دی وجہ نال مخدوم راجن شاہ لوکیں دے اگواݨ بݨ گےـ مدتیں تیکر لوک انہاں کوں یاد کریندے ریہےـ
راجن پور تحصیل کیویں بݨیا
[لکھو | ماخذ وچ تبدیلی کرو]1862ء وچ سندھو سائیں دی ٻوڑ کوٹ مٹھن دے وسدے شاہر کوں بر چا کیتُس جاہ ٹکاݨے آلے، مال دھار تے ڈانگرے آلے، وپاری سبھیں چٹے پدھر ان تڑرٹھے اوں ویلھے کوٹ مٹھن تحصیل ہائی پر ٻوڑ دی وجہ نال جھوک تاں ٻُݙ ڳئی تے تحصیل دا درجہ لݙ ڳیاـ کوٹ مٹھن دے ٻݙݨ دے باد راجن پور کوں عارضی تحصیل ٻݨا ݙتی ڳی کوٹ مٹھݨ وت اسرا پر تحصیل دا تھاݨ وت نہ ملاـ 1982ء راجن پور ضلع بݨ ڳیا تے حالی تائیں ضلع ہـیے پیا۔ روجھاݨ، عمر کوٹ، شاہوالی، بنگلہ اچھا،بنگلہ ھدایت،مرغائی،بنگلہ دھیگن،کوٹ مٹھن،راجن پور، کوٹلہ نصیر،کوٹلہ عیسن، فاضل پور، محمد پور،ڄام پور،ہڑند،حاجی پور،فتح پور کمال راجن پور دے اہم علاقے ہن۔
مزید ݙیکھو
[لکھو | ماخذ وچ تبدیلی کرو]- بہاولنگر
- بہاولپور
- بھکر
- دیرہ غازی خاں
- جھنگ
- خانیوال
- خوشاب
- لیہ
- لودھراں
- میانوالی
- ملتان
- مظفر گڑھ
- اوکاڑہ
- پاکپتن
- رحیم یار خان
- ساہیوال
- سرگودھا
- ٹوبہ ٹیک سنگھ
- وہاڑی