میانوالی
میانوالی سرائیکی وسیب دا ہک قدیم شہر یے۔ اے ضلع میانوالی دا ہیڈکوارٹر اے۔ ایں شہر دی اکثریتی آبادی سرائیکی زبان ٻولیندی اے۔
میانوالی سرائیکی وسیب دا ہک اہم شہر ہے۔ ضلع دی آبادی 1981ء دی مردم شماری دے مطابق7لکھ 14ہزار ہئی تے رقبہ 5840مربع میل ہے۔ ایں ضلع دے شمال مشرق اچ ضلع اٹک شمال مغرب اچ کوہاٹ ، مغرب اچ ضلع بنوں ، مشرق اچ خوشاب تے جنوب اچ بھکر دے اضلاع واقع ہن۔ سطح دے اعتبار نال ایکوں پہاڑی علاقہ، میدانی علاقہ تے علاقہ تھل اچ تقسیم کیتا ونڄ سڳدے۔دریائے سندھ علاقے دی اراضی کوں سیراب کریندے۔ میانوالی کوں 1901ء اچ ضلع بݨایا ڳیا ہا۔ ایں توں پہلے اے ضلع بنوں اچ شامل ہا۔ ہُݨ اے ݙو تحصیلاں میاں والی تے عیسیٰ خیل تے مشتمل ہے۔ جݙاں 1946ء اچ میدانی علاقیاں اچ دریائے سندھ تے پہلا بیراج بݨیا تاں میانوالی دی اہمیت ودھ تھی ڳئی۔ ایں بیراج کوں اڄ ’’جناح بیراج‘‘ آکھدن۔ ’’جناح بیراج‘‘ دے علاوہ چشمہ بیراج وی میانوالی اچ ہے۔جݙاں مجوزہ کالا باغ ڈیم وی ضلع میانوالی دے شمالی حصے اچ ہے۔ کوئلہ ،لوہا چونے د ا پتھر، نمک ، شیشہ ، ریت ، اہم معدنیات ، سیمنٹ، کھاد ، تے کپاہ ویلݨ دیاں صنعتاں وی موجود ہن۔ضلع میانوالی دے بݨئے ہوئے مٹی دے گھڑے، صراحیاں ،ہنڈیا ، کھیس تے لحاف وی مشہور ہن۔شہر میانوالی ضلع دا صدر مقام ہے۔
شخصیات
[لکھو | ماخذ وچ تبدیلی کرو]- خواجہ سید احمد الدین گانگوی
- خواجہ غلام فخر الدین گانگوی
- مولانا محمد اکبر علی صاحب
- حضرت مولانا محمد ابراہیم سیالوی
- حضرت مولانا میاں محمد بھوروی
- مولانا عبدالستار خان نیازی
- مولانا عنایت اللہ خان مہل شریف
- حکیم نور محمد خان
- نواب امیر محمد خان
- امیر عبداللہ خان روکھڑی
- ملک محمد ممتاز بھچر
- گل حمید خان روکھڑی
- خان امیر تابش نیازی
- شیرافگن نیازی
- محمد حمیرحیات خان روکھڑی
- امجد علی خان
حوالے
[لکھو | ماخذ وچ تبدیلی کرو]تاریخ میانوالی
*
Gazetteer of Mianwali 1915