رحیم یار خان

Rahim Yar Khan
شہر
رحیم یار خان
Rahim Yar Khan Location of Rahim Yar Khan Rahim Yar Khan Rahim Yar Khan (Pakistan)
Coordinates: 28°25′12″N 70°18′0″E

رحیم یار خان سابقہ ریاست بہاولپور دا ہک پراݨا شہر ہے۔ اے تحصیل و ضلع رحیم یار خان دا صدر مقام اے۔ سرائیکی ثقافت دا اے شاہکار شہر اپݨی خوبصورتی تے ترقی دے پاروں شہرت رکھدے۔

تاریخ

بہاول پور ڈویژن دا ہک ضلع ہے۔ایندا رقبہ چار ہزار 394مربع میل تے موجودہ آبادی 20لکھ توں ودھ ہے۔ ضلع رحیم یار خان دے شمال اچ ضلع مظفر گڑھ تے ضلع راجن پور ہن۔ مشرق اچ ضلع بہاول پور، مغرب اچ ضلع جیکب آباد تے ضلع سکھر، جنوب اچ بھارت دا علاقہ ہے۔ضلعے دی چار تحصیلاں ہن رحیم یار خان، لیاقت پور، خان پور تے صادق آباد ۔ ضلع دا ݙو ہزار 555مربع میل دا علاقہ چولستان اچ شامل ہے تے آخری کنارہ بھارت دی سرحداں نال ونڄ ملدے۔او علاقہ جیڑھا جنوب اچ دور تک چلا ڳیا ہے۔ صحرائے کبیر سݙویندے۔ ایندی سطح اُچی ہے تے زمین ریتلی ہے۔صحرائے کبیر دا کل رقبہ ست ہزار مربع میل ہے۔ چولستانی جݙاں ’’روہی ‘‘ دا ناں گھندے ہن تاں انہاں دی مراد صحرائے کبیر ہوندا ہے۔ شہر رحیم یار خان دی بنیاد 1751ء اچ فضل الٰہی خان نے رکھی تے ایندا ناں نو شہرہ رکھیا۔ 1880ء اچ اتھاں ریلوے لائن وچھائی ڳی۔ ریاست بہاول پور دے حکمران سر صادق محمد خا عباسی چہارم نے ایندا ناں تبدیل کر تے اپݨے مرحوم پُتر دے ناں تے ’’رحیم یار خان‘‘ رکھ ݙتا۔1881ء اچ نظامت خان پور توں رحیم یار خان تبدیل کر ݙتی ڳئی۔1866ء توں عدالتی نظام شروع تھیا۔ 1905ء اچ ایکوں ’’ٹائون کمیٹی‘‘ دا درجہ ݙتا ڳیا۔ 1923ء اچ میونسپل کمیٹی بݨا ئی ڳئی ۔ قیام پاکستان دے بعد 1949ء اچ میونسپل کمیٹی دا پہلا اجلاس تھیا تے ست ارکان منتخب تھئے۔ 1954ء اچ امپرومنٹ ٹرسٹ دے ذریعے ٹائون پلاننگ دی سکیم تیار کیتی ڳئی جیندے تحت بزنس مین کالونی، آفیسرز کالونی ، زمیندار ہ کالونی، ماڈل ٹائون ، صادق بازار ، شاہی روڈ تے بانو بازار وجود اچ آئے۔

تعلیم

• خواجہ فرید یونیورسٹی برائے انجینئرنگ تے انفارمیشن ٹیکنالوجی (RYK )
• ڈگری کالج خواتین ( RYK)
• تاج ڳڑھ کالج

کارخانے

• یونی لیور
• فوجی فرٹیلائزر ( کھاد)
• فاطمہ فرٹیلائزر
• اتحاد شوگر مل
• JDW شوگر مل
• گندم دا گودام (چک 64/NP )
• ڄیٹھہ بھٹہ شوگر مل

شخصیات

لکھاری و شاعر ۔ حضرت فیاض حسین قاصر فریدی

شاعر ۔ سراج احمد گل ( گل آرٹس شیخ واہن )

شاعر ۔ فرھاد فریدی ( چک 64/Np غلہ گودام )

نعت خواں ۔ منیر احمد فریدی واصفی

نعت خواں ۔ مشرف حسین نوناری ( بستی روشن آباد)

شاعر و نعت خواں ۔ عبدالمجید گانگا ( یوسف آباد)

شاعر ۔ عبدالحکیم ( ٹبی کورائیاں )

شاعر ۔ اختر حسین زخمی ( ٹبی کورائیاں )

شاعر ۔ صوفی رسول بخش ثاقب ( دنیا پور گانگا)

اولیاء

سلطان التارکین حضرت حمیدالدین حاکم ( مئو مبارک )

مولوی لطف علی ( جیں سیفلوالملوک )

حضرت خواجہ غلام فرید ( کوٹ مٹھن)