رت دیاں ہنجوں
سرائیکی لوک ادب دا تذکرہ "رت دیاں ہنجوں" جیندے مولف صادق بشیر ہن منتخب سرائیکی لوک ادب دے شعراء دے منتخب کلام تے مشتمل ایہ تذکرہ 500 دی تعداد وچ پہلی واری 1967ء وچ چھپیاتے بعد وچ ݙوجھی واری 1986ء اتے تریجھی واری 1997ء وچ سرائیکی ادبی مجلس بہاول پور وی طرفوں چھپیا۔ تریجھے ایڈیشن دی قیمت 60 روپئے ہے تے ایں تذکرے کوں حکومت پنجاب دے مالی تعاون مال چھاپیاڳیا۔ ایں تذکرے دے صفحات دی کل تعداد 127 ہے۔
سرائیکی لوک ادب دا تذکرہ "رت دیاں ہنجوں" دے پیش لفظ وچ سردار نجم الدین خان لغاری ایڈووکیٹ ہائی کورٹ مغربی پاکستان، بہاول پور، اپݨی رائے دا اظہار کریندے ہوئے لکھدن:
"مرحوم شعراء دا کلام اگرچہ ٻہوں اہم ہے اتے انہاں شعراء دے مکمل کلام یا نمونہ کلام دی اشاعت نہات ضروری ہے لیکن صادق بشیر نے جو کوشش موجودہ شعراء دے کلام دے نمونے دی اکٹھے کرتے پیش کیتی ہے اور واقعی سرائیکی زبان دی وݙی خدمت ہے اگرچہ ایہ شاعریں دی فہرست نامکمل بالکل سخت ناکافی ہے۔ ایں زبان دے موجودہ شعراء دی تعداد ٻہوں زیادہ ہے اتے ایں تالیف کوں صرف چند شعراء دے نمونہ کلام دے مجموعے داناں ݙتا ونڄ سڳدے۔ وت وی صادق بشیر صاحب داکم واقعی قابل تعریف ہے۔"[١]
تذکرہ ’’رت دیاں ہنجوں‘‘ وچ کل 26 شعراء دا منتخب کلام تے نامکمل حالات زندگی دے کوائف درج ہن۔
ایں تذکرے ’’رت دیاں ہنجوں‘‘ دی ترتیب مطابق شعراء دے ناں کجھ ایں طرحاں درج ہن۔
- نادم
- مسرور
- گل صاحب
- مہجور صاحب
- پنوں زادہ
- بھنور صاحب
- شمیم صاحب
- عثمانی صاحب
- ریاض
ایں تذکرے وچ انہاں شعراء دے مختصر اتے نامکمل حالات زندگی دے کوائف درج ہن مگر کہیں شاعر دا سن پیدائش درج نی کیتا ڳیا البتہ شاعر دے شہر ، جائے پیدائش ، تے اوندی شاعرانہ خصوصیت بارے کجھ سطراں موجود ہن۔[٢]
ٻیا ݙیکھو[لکھو | ماخذ وچ تبدیلی کرو]
حوالہ جات[لکھو | ماخذ وچ تبدیلی کرو]
- ↑ نجم الدین، پیش لفظ ، ’’رت دیاں ہنجوں‘‘ سرائیکی ادبی مجلس بہاول پور، اشاعت 1997ء، ص :7
- ↑ از: سئیں ڈاکٹر خالد اقبال۔ مقالہ پی ایچ ڈی۔