رمضان طالب

1935ء تا۔۔۔۔۔

حضرت رمضان طالبؔ 19اپریل1935ء کوں محمد بخش دے گھر ڈیرہ غازیخان وچ پیدا تھئے، تعلیمی حوالے نال ایم اے اسلامیات کر کے محکمہ تعلیم اچ بحیثیت مدرس تعینات تھئے۔شعر و شاعری دے حوالے نال آپ حضرت نور محمد سائل دے شاگرد ہن ۔آپ اپنْے زمانے وچ اردو ، سرائیکی (مکس) ماہنامہ ’’فرید رنگ‘‘ وی شائع کریندے رہ گٖئے۔جیندے وچ ادبی مواد دے بجائے مذہبی مواد زیادہ پاتا ویندا ہا ، تہوں خالص ادب دے متمنّی لوک رسالہ پڑھکے مایوس تھی ویندے ہن۔

رمضان طالب بانی فرید سرائیکی سنگت بلاک 48 دیرہ غازی خان۔ رمضان طالب سرائیکی اتے اردو شاعر ہَن۔آپ دی تاریخِ پیدائش 27 رمضان 1314 ہجری ہئی. آپ دی وابستگی شعبہ تعلیم نال ہئ آپ 1981 اچ ھائی سکول نمبر 1 دیرہ غازی خان اچ ریٹائیر تھئے آپ نے منظوم اتے منثور ݙوہیں ادب دی خدمت کیتی۔ آپ نے نعت پندھ وہاݨی، سیرتِ نبوی، قرآنِ پاک دا ترجمہ، آپ وہاݨی، سی حرفی ݙوھڑا، غزل اتے حمد لکھئی.شاعری اچ آپ دے استاد نورمحمد سائل صاحب آپ نے 1989 اچ ماہنامہ فرید رنگ اتے روزنامہ اختر دے ناں نال اخبار شائع کیتا۔آپ دے 32 کتاباں اتے کتابچے شائع تھئ چُکِن۔ آپ 11 نومبر 2009 اچ ایں دنیائے فانی توں جھوک لݙا ڳئے۔

کتاباں

1. سوجھل سوچاں. 2. سفر سوھݨے دیس دا. 3. اوچھݨ 4. سوجھل سیرت 5. سک سمندر 6. سوچاں سکھ دیاں 7. دعائیں پناھیں 8. سوجھل خبراں 9. سورتاں دا ترجمہ تے تشریح 10. پیارے نبی کی پیاری دعائیں 11. نبی سئیں دی نماز 12. حسین ھے حسین 13. سوجھل نعمتاں 14. سوچ سمندر 15. جھریٹاں 16. سوہݨے سائیں دے سوہݨے سنہیے 17. دعائیں پناھیں 18. ۲۰۰ حدیثاں 19. ۱۰۰ حدیثاں 20. چالھی حدیثاں 21. رمضان والقرآن 22. سی حرفی 23. ݙاہ غازی 24. ݙاہ دوزخی 25. ݙاہ شھید 26. ݙاہ ولی 27. ایصال کا آسان طریقہ 28. دل ایک سمندر 29. میں کون؟ 30. ارکانِ اسلام