جانباز: جیندا ناں ہے
"جانباز: جنیدا ناں ہے" سرائیکی زبان دے معروف شاعر جانباز جتوئی دے فن و شخصیت بارے ایہ کتاب حمید اُلفت ملغانی ہوراں نے ترتیب ݙتی ہے تے سرائیکی ادبی بورڈ (رجسٹرڈ) ملتان دی طرفوں ، 2005ء وچ چھپی ہے۔ ایں کتاب وچ جانباز جتوئی دے مختصر کوائف ، انہاں دی حیاتی ، شعری صنفاں ، فن تے فکر ، ایوارڈ تے اعزازات دے تذکرے دے نال چوݨواں کلام وی شامل ہے۔ ایہ تحقیقی بنیاداں اُتے استوار ہک تذکرہ ہے۔ جانباز جتوئی دی شخصیت اُتے اوندی شاعری بارے جو بنیادی مواد اتے مآخذات میسر آئن اُتھوں استفادہ کیتا ڳئے تے کتاب دے چھیکڑ تے حوالہ جات ، کتابیات دی فہرست ݙتی ڳئی ہے۔ ڈاکٹر طاہر تونسوی پہلا صفحہ دے عنوان نال لکھدن :
"اے کتاب سرائیکی زبان دے مہاندرے شاعر سئیں جانباز جتوئی دے فن تے اُنہیں دی شخصیت دا بھرپور احاطہ کریندی ہے۔ دراصل اکادمی ادبیات پاکستان ، اسلام آباد معروف لکھاریاں بارے کتابیاں لکھواوݨ تے چھاپݨ دا پروگرام بݨایا ہا تے اے سلسلہ مفید وی ہاتے تحقیق و تنقید دے حوالے نال اہم وی ۔ کیوں جو ایندے نال اُردو تے پاکستانی زبانیں دے دانشوریں دا ہک جائزہ سامݨے آویندا تے مکمل تعارف دی ہک صورت نکل آندی۔ پر ایہ منصوبہ پورا نہ تھی سگیا۔"[١]
اکادمی ادبیات پاکستان ، اسلام آباد دی طرفوں ، اردو تے ٻئیاں پاکستانی زباناں دے معماراں بارے کتاباں چھاپݨ دا ایہہ سلسلہ زیادہ دیر اگاٖں نہ ٹر سڳیا۔ بہرحال ایں سلسلے وار مطبوعات دے تحت ’’جانباز جتوئی : شخصیت اور فن‘‘ دے حوالے نال اُردو زبان وچ حمید اُلفت ملغانی دی ایہ کتاب 2007ء وچ چھپی۔ ایہ کتاب حمید الفت ملغانی ہوراں دی کتاب ’’جانباز : جیندا ناں ہے۔‘‘ دا سرائیکی توں اُردو ترجمہ ہے۔[٢]
ٻیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ طاہر تونسوی، ڈاکٹر ،پہلا صفحہ ،’جانباز: جیندا ناں ہے‘‘ ، مرتبہ :حمید الفت ملغانی ، سرائیکی ادبی بورڈ (رجسٹرڈ) ملتان،سال 2005ء ،ص: 9
- ↑ از: سئیں ڈاکٹر خالد اقبال۔ مقالہ پی ایچ ڈی۔