قدیم سرائیکی شاعر تے ادیب

"قدیم سرائیکی شاعر تے ادیب" دلشاد کلانچوی دی ایہ کتاب 1987ء وچ اکادمی سرائیکی ادب بہاول پور توں چھپی اے۔ جیندے وچ تیرہ ادیباں، شاعراں دا تذکرہ موجود ہے۔

"سرائیکی زبان و ادب" دل شاد کلانچوی دی کتاب ہے۔ جیڑھی 1987ء وچ سرائیکی ادبی مجلس، بہاول پور دی طرفوں چھپی اے تے ایں کتاب کوں اکیڈمی آف لیٹرز دی طرفوں ایوارڈ وی ݙتا ڳئے۔ ایں کتاب وچ سرائیکی شاعری تے جدید نثری ادب اتے ادبی شخصیات بارے تذکرہ کیتا ڳئے۔

تذکرہ "قدیم سرائیکی شاعر تے ادیب‘‘ دے مصنف دلشاد کلانچوی ہن۔ ایہ تذکرہ اکادمی سرائیکی ادب بہاول پور دی طرفوں چھاپیا ڳئے۔ اینداسن اشاعت اپریل 1987ء ہے۔ ایندے وچ 14 کلاسیکل شاعراں، ادیباں دے حالات زندگی، تاریخ پیدائش، تاریخ وفات اتے انہاں دے کلام دیاں خصوصیات، نمونہ کلام دے نال نال انہاں دی فکر، فلسفہ، اوں عہد دے سیاسی، سماجی حالات کوں دی بیان کیتا ڳئے۔ تذکرہ ’’قدیم سرائیکی شاعر تے ادیب‘‘ کل 80 صفحات اتے مشتمل ہے۔ تعداد چھپائی 500 ہے تے مل (10) ݙاہ روپئے ہے۔ مصنف دلشاد کلانچوی ایں تذکرے دا تعارف ’’پہلوں پہلوں دے عنوان نال کریندے ہوئے صفحہ نمبر 5 وچ لکھدن:

"ایں مختصر کتاب وچ میں آپݨے قدیم شاعراں تے ادیباں کوں عملی ادبی مرتبے یا فنی پختگی دے پیمانے نال کَچھ تے قطار وچ نہیں کھڑا کیتا۔ بلکہ زیادہ تر انھاں دی تاریخ پیدائش یا یوم فوتیدگی دے مطابق انہاں دی تندیرٻدھی ہم۔ میݙے نزدیک ایہ سارے حضرات آپݨے آپݨے مرتبے دے مطابق نویکلی حیثیت دے مالک ہن۔ سرائیکی ادب دی شناخت ہن اتے سرائیکی زبان و ادب دا مان ہن۔ایہ چھوٹی جھئیں کتاب جہڑا کجھ وی ہے۔ سرائیکی زبان و ادب دی تاریخ دا ہک اہم حصہ ضرور ہے۔ ٻیا کجھ نھیں تاںایں وقت جو کجھ ہتھ لگے اوکوں اڳوں آوݨ والے مؤرخین کیتے کم از کم محفوظ ضرور کر گھدا ڳئے تے وݙی امید ہے جو سرائیکی زبان تے ادب دا مطالعہ کرݨ ویلھے اینکوں ضرور سامݨے رکھیا ویسی۔ اندھارے وچ چھوٹی جھئیں مشعل وی وݙا کم ݙے ویندی ہے۔"

ٻیا ݙیکھو

• ماہنامہ فکرِ فرید اتے ٻئے رسالے

• سرائیکی لوک ادب دے رسالے

• لوک شاعری اَتے لوک نثر دا تذکرہ

• سرائیکی لوک ادب وِچ مرثیہ نگاری

• مینگھ ملہار

ٻاہرلے جوڑ

• سئیں ڈاکٹر خالد اقبال دی لائبریری ݙیکھو

• سئیں ڈاکٹر خالد اقبال دا تعارف انگریزی وِچ

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔