حمید الفت ملغاݨی

اصل ناں    عبدالحمید

قلمی ناں    حمید الفتؔ ملغانی

جٖمنْ        1959ء

جاہ پتہ      قصبہ سوکڑ تحصیل تونسہ شریف

حمید الفتؔ ملغانی دا تعلق سرائیکی دے ممتاز شاعر سئیں اقبٖالؔ سوکڑی دے نسبتی قصبہ سوکڑ نال ہے۔آپ مٹھی زبان سرائیکی دے مٹھے لہجے دے شاعر ہن۔شاعری توں علاوہ آپ دیاں سرائیکی ادب اچ نثر نگاری دے حوالے نال وی بٖہوں ساریاں خدمات ہن خاص طور تے تحقیق دے میدان اچ آپ دا کم قابلِ تحسین ہے۔پروفیسر ڈاکٹر حمید الفت سرائیکی دانشور ہن۔سرائیکی کتابیات دے حوالے نال انہاں کافی کم کیتے۔

غزل

کوئی گھر دے سوکھ لَو گھر توں سفر تئیں آ گٖئے

کوئی چیتے دے چکر وچ ولدا گھر تئیں آگٖئے

جیندی خاطر زندگی لٹوا ڈٖتم ہک پل دیوچ

اوہو میڈٖا ناں مٹاونْ لو قبر تئیں آگٖئے

روہی ، تھل ،دامان دی حالت پچھنْ سانگے ہونْیں

روہ ودھ کے پردہء دیوار و در تئیں آگٖئے

شام ویلے دا انہیں کیتا ہا وعدہ آ ویسوں

منتظر رہونْ میڈٖاآخر سحر تئیں آ گٖئے

کون ہے الفتؔ سڈٖیندا ڈٖینہ ڈٖوپہریں اجٖ اتھاں

کون اپنْی موت سانگے تھل تے بر تئیں آگٖئے

؎اوکھے سوکھے ویلے دے اے ہن بھئوال سفر وچ

کہیں دی یاد دے بٖلدے ڈٖیوے گھن ونجٖ نال سفر وچ

اکھ پئی پھُرکے ،کاں وی کرکے ،ہتھوں بھورے ڈھہندن

ایویں لگٖدے اجٖ تاں جیویں ہے لجٖپال سفر وچ

کتاباں

شاعری

٭سِک سوجھل                                                                                           (سرائیکی شعری مجموعہ)

٭مِیم دے اولے                                                                                (اسماء النبیؐ بارے مُعّرا نظماں)

سفرنامہ

٭پاندھی پُچھاں واٹیں تکاں (سرائیکی وسیب دی پندھ وہاݨی)

تاریخ تے ثقافت

٭سرائیکی لوک رِیت                                                                        (لوک ادب)

٭دھرتی قائد مُحابیو                                                                                     (قائد اعظم تے پاکستان دی تحریک)

تحقیق تے تنقید

٭لکھت تے لکھاری                                                                (سرائیکی ادبی مضامین)

٭ادب کہاݨی                                                   (25سال دا سرائیکی ادب)

٭سرائیکی افسانوی ادب          (افسانہ ناول ، ڈرامہ)

٭جانباز جَیندا ناں ہے                     (فن تے شخصیت)

٭جانباز جتوئی : فن و شخصیت                                              (اکادمی ادبیات پاکستان کا سلسلہ: پاکستانی ادب کے معمار)

٭طاہر محمود کوریجہ: فن و شخصیت                                 (بشریٰ ناہید کے اشتراک کے ساتھ)

٭پاکستانی زبانوں کا ادب         (براہوی، بلوچی، پشتو، پنجابی، سرائیکی ، سندھی اور شمالی علاقہ جات کی زبانیں)

٭کتابیات سرائیکی ادب        (۵ہزاروں ودھ کتاباں دے کوائف)

فریدیات

٭سِلک سلوک فریدی                                                                   (مرتبہ مضامین)

تراجم

٭ڳل ڳلانواں رِیت دا                    (ممتاز مفتی دے اُردو ڈرامہ دا سرائیکی ترجمہ)

٭نازو                               (ظفر لاشاری دے اولین سرائیکی ناول دا اُردو ترجمہ ،اکادمی ادبیات پاکستان دی اشاعت)