سرائیکی شاعری دے کجھ مہاندرے شاعر

وکیپیڈیا توں

سرائیکی لوک ادب وِچ سرائیکی لوک شاعری دے شاعراں دا تذکرہ "سرائیکی شاعری دے کجھ مہاندرے شاعر" جیندے مصنف تے مؤلف ، دلشاد کلانچوی ہن۔ ایہ تذکرہ ’’اکادمی سرائیکی ادب (رجسٹرڈ) بہاول پور دی طرفوں 1994ء وچ چھپیئے۔ جیندے وچ یارھاں (۱۱) شاعراں دے حالات زندگی ، نمونہ کلام سن پیدائش اتے مرحومین شاعراں دے سن وفات ، اتے اُنہاں دے کلام دے سن دے نال نال فنی طور خامیاں بارے بھرویں انداز نال جائزہ پیش کیتا ڳئے۔ ایں تذکرے وچ کلاسیکل اتے جدید ݙوہیں اسلوب رکھݨ والے شاعر موجود ہن۔ تندیر کجھ ایں طرحاں ہے۔

دلشاد کلانچوی ، سرائیکی زبان اتے ادب دی ٻہوں زیادہ خدمت کیتی اتے اور ٻہوں ڈھیر کم کرݨ دی سک وی رکھدے ہن۔ اپݨے ایں مذکورہ تذکرے کنوں پہلے او ’’چار سرائیکی صوفی شاعر‘‘ سرائیکی ادب دے قارئین تے طالب علماں کیتے پیش کرچکے ہن۔ پر انہاں دی ایہ خواہش اتے کوشش ہئی جو سرائیکی شاعراں بارے کوئی مکمل تذکرہ ہووݨاں چاہیدے۔ جیندا ذکر او ایں کتاب ’’سرائیکی شاعری دے کجھ مہاندرے شاعر ‘‘ وچ ایں طرحاں کریندن :

"میݙی ایہ کتاب کوئی تکمیلی یا آخری کتاب کائنی۔ ایہ تاں ہک منزل دُو ٹور ٹوری ہے ، تاں جو ٹردی رہوے تے او ݙینہہ وی آوے جو سرائیکی شاعراں دا یا کم از کم سارے مہاندرے شاعراں دا ہک مکمل تذکرہ لکھیج ونڄے تے ضرورت دی ضرورت پوری کرݨ لگ پووے۔"[١]

دلشاد کلانچوی دا ایہ تذکرہ ’’سرائیکی شاعری دے کجھ مہاندرے شاعر‘‘ وچ کلاسیکل اتے جدید شاعراں دے حالات زندگی ٗ انہاں دے کلام دا نمونہ تے وت کلام (شاعری) دا فکری فنی جائزہ وی پیش کیتا ڳئے۔ کلاسیکل شاعراں دے سن پیدائش اتے سن وفات بارے اُنہاں دی تحقیق مانگویں ہے مثلاً کتاب دے صفحہ نمبر 9 اُتے ، بابا فرید الدین مسعود گنج شکر ؒ اور لکھدن:

"ایندی پیدائش دے سن بارے کافی اختلاف ہے۔ پروفیسر آصف خان نے انہاں دے ڄمݨ دے سال تے وفات دے سال وی وݙی تحقیق کرتے آکھئے جو او 584 ھ مطابق 1188ء وچ جمیئے ہن تے منگل دے ݙینہہ 679ء مطابق ست مئی 1280ء کوں وفات پاڳئے ہیں۔"[١]

دلشاد کلانچوی نے پروفیسر آصف خان دی کیڑھی کتاب توں سن پیدائش / سن وفات دا حوالہ گھدے۔ ایں ڳالھ دی تحقیق کیتے کوئی فٹ نوٹ ، بنیادی مآخذ ، مخطوطے یا کہیں دا کوئی ذکر نہیں ملدا۔[٢]

ٻیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. ١.٠ ١.١ دلشاد کلانچوی ،’’سرائیکی شاعری دے کجھ مہاندرے شاعر‘‘، اکادمی ادبی سرائیکی ادب ، بہاول پور ،اشاعت ، جون 1994ء، ص: 8
  2. از: سئیں ڈاکٹر خالد اقبال۔ مقالہ پی ایچ ڈی۔

ٻاہرلے جوڑ[لکھو | ماخذ وچ تبدیلی کرو]