لوک قصّے دا اساݙی حیاتی تے اثر

لوک قصے دی اہمیت انسانی حیاتی کیتے پاݨی وانگوں ٻہوں اہم ہے۔ لوک قصے اپݨے جغرافیہ، کلچر، تاریخ اتے تہذیب و تمدن کوں نشابر کریندن۔ کہیں قوم دی ابتدائی ، انفرادی تے اجتماعی زندگی بارے قصے کہانیاں وچ ڈھیر کجھ موجود ہوندے۔ جیندے نتیجے دے طور تے انہاں دی اہمیت اڳوں تے آ ویندی ہے۔

لوک قصّہ تے لوک کہاݨیاں اساݙی حیاتی تے اثر انداز تھیوݨ والے طرزِ احساس ، طرز فکر تے طرزِ عمل کوں بیان کریندے تے خواہشاں کوں ہر حالت وچ پورا کریندے ۔ انہاں کہاݨیاں دا گاٖنڈھا حیاتی نال کریندے ہوئے

لوک قصے اساݙی حیاتی وچ حیران کر ݙیوݨ والی کیفیت ، ذہنی تجسس تے نویں دنیا کوں ڄاݨݨ تے سمجھݨ کیتے زندگی دے عملی سفر دے پاندھی بݨدن۔ ایہ حیاتی دے ٻانہہ ٻیلی ہوندن ۔ انہاں داسفر ذہنی وی ہوندے تے جسمانی وی ۔ زندگی دے آفاقی پہلوئواں نال وی اساݙی ڄاݨ سُنڄاݨ کرویندن تے جیندے نال اساݙی زندگی وچ حسن پیدا تھیندے ۔ ایہ کہاݨیاں قصے اساݙی ابتدائی زندگی کنوں گھن کراہیں آخری دم تک راہندن ۔ انہاں وچ اساݙا ٻلپݨ کھیݙدے ،جوانی آلساں گھندی ہے۔بعض لوک انہاں قصیاں کوں غیر عقلی تے ناقابل فہم آکھ کراہیں نظر انداز کر ݙیندن۔ اُنہاں دا طرزِ عمل ایویں ہوندے

جینویں رنگ و روغن نال سنگری پُنگری عظیم عمارت دی تکمیل دے بعد اوں گارے مٹی دی حیثیت کوں انکار کر ݙتا ونڄے ۔ جہڑا ایندی تخلیق ، عظمت تے سنگار دا ڳُݨ ہِن

ایں بارے ڈاکٹرگیان چند آہدن:

"انہاں قصیاں کوں خیالی یا لغو آکھ کراہیں نظر انداز نی کیتا ونڄ سڳدا۔ ایہ ہک قوم دی ابتدائی فکر دی تاریخ وچ پہلی تہذیب دا ہار سنگار ہِن ۔ کون ڄاݨے اساݙیاں بعض کہاݨیاں پنج ݙاہ ہزار سال پہلے دور وچ آ ڳیاں ہوون۔"

ٻِیا ݙیکھو

• سرائیکی ادب وِچ لوک قِصّے دی اہمیّت

• لوک قِصّہ کیا ہِے؟

• لوک قِصّے تے لوک کہاݨیاں دی اہمیّت

• لوک قصّہ تے انسانی حیاتی

• جدید دور اتے لوک قصّے کہاݨیاں

ٻاہرلے جوڑ

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔ ۔