جدید دور اتے لوک قصّے کہاݨیاں
اڄ دی ایہ ماڈرن صدی وی ہک جدید قصہ ہے۔ جیندا انداز نویکلا ہے۔ ایں قصے وچ ہر قوم اپݨا کلچر، زبان، تہذیب و تمدن، جغرافیہ اتے ادب دی ڄاݨ سنڄاݨ کر سڳدی ہے۔ ماہرین دا آکھݨ ہے سارے دنیا دے قصے تقریباً ہکو سانویں ہن۔ پر جیویں جیویں قصہ اپݨی جا اتے مقام تبدیل کریندے ایویں قصہ وی وقت دے نال دھرتی دا لباس، زبان دی خوشبو، جغرافیے دا کلچر، علاقے دی تہذیب و تمدن دے نال نال ہک نواں بیانیہ بیان کریندے۔ جیڑھا خالص اوہ تل وطنی لوکاں دا فلسفہ تے حکمت ہوندی ہے۔ لوک قصہ دی اہمیت ایں سانگے زیادہ معتبر تے اہم ہے جو قصہ دراصل انسانی حیاتی دے ہزاراں سالاں تجربات اتے مشاہدات دا نچوڑ ہوندے اتے ایندی سمت Direction ٹھیک ہوندی ہے۔ قصہ ساکوں ماضی دے حالات کیتے ہک نواں لالحہ تیار کرݨ سانگے نواں جذبہ تے جوش مہیا کریندے۔ اڄ دا جدید قصہ دراصل ٹیکنالوجی دا قصہ ہے۔ جتھاں ساکوں قصولی فلم، تھیٹر اتے ثقافتی جھمر وچ رنگیا نظردے۔ کیوں جو جدید قصے دا تعلق گلوبل ویلج نال ہے۔ گلوج ویلج وچ ساکوں سرائیکی لوک قصے کو مناسب جگہ تے اہمیت کیتے ڈھیر سارا کم تے پندھ کرنا پوسی۔[١]
لوک قصّے کہیں وی تہذیب و تمدن، ثقافت، زبان اتے جغرافیے اتے اوں قوم دی سنڄاݨ تے شناخت ہوندن۔ اساں قصیاں توں کہیں علاقے دی لوک دانش، حکمت اتے دانائی دا پتہ لا سڳدے ہیں۔ خود اللہ تعالیٰ قُرآن مجید وچ مختلف قوماں دے قصے بیان کر تے آوݨ والے انساناں کیتے بھلائی اتے چنگائی دا رستہ ݙکھائے۔ قصہ ایں سانگے معتبر ہوندے جو کہیں ہک زبان دی لوک ریت اتے لوک دانش کوں آسانی نال paint پینٹ کر گھندے۔ قصہ مجموعی طور تے کہیں وی قوم دے عظیم اتے ذہین لوکاں دے مشاہدات تے تجربات دا ناں ہوندے۔ جیندے وچ ٻاہوں تلخ تجربات دا نچوڑ ݙسدے۔[٢]
ٻِیا ݙیکھو[لکھو | ماخذ وچ تبدیلی کرو]
حوالہ جات[لکھو | ماخذ وچ تبدیلی کرو]
- ↑ از: سئیں ڈاکٹر خالد اقبال۔ لائبریری۔
- ↑ از: الطاف ݙاہر ۔ ڳول پھرول لِکّھت: "سرائیکی ادب وِچ لوک قصّے دی اہمیّت تے افادیت"۔ ریسرچ جنرل "نڳال-2" (سرائیکی)۔ سرائیکی ایریا سٹڈی سنٹر، بہاء الدین زکریا یونیورسٹی ملتان جولائی تا دسمبر ٢٠١٩ء تُوں چَھپّے ہوئے تُوں آرکائیو تِھیا ہویا۔