ہِک ہِک تھِی تے ملک بچاؤ لوک نظم
سئیں ابن کلیم احسن نظامی شاعر ادیب و صحافی دی ہِک سرائیکی لوک نظم اُتّے سرائیکی وسیب دے مہان٘درے لِکّھت کار سئیں حاجی احمد نواز سومرو دا تبصرہ [١]۔
ایں نظم ءِچ وسیب دے ہَکّے لوکاں سی ڳالھ اِیں کِیتی ڳئی اے ڄو او تاں آپݨی ݙینہہ رات دی محنت مشقت نال آپݨا اِتے ملک دا ناں روشن کریندے پَین اِتے کوئی وِی مشکل سِر تے آوَنڄنے اُندا صبر تے شکر نال مقابلہ کریندن، تے آپݨے پالݨہار کُوں پر ݙُکھے ویلے یاد کرکے توبہ استغفار کریندِن۔ پر ڄیڑھے اَمیر کبیر تے وَݙیرے ہِن، اَتے وَت کئی سیاسی لوک تے کُرسی آلے ہِن او آپݨے عیش آرام ءِچ غرق تھِی تے لالچ اَتے لوبھ ءِچ اِینویں اَندھے تھئے ہِن ڄو اللہ دی مخلوق تے وِی ظلم کریندِن، وَت بَندیاں دا حق وِی اُنہاں کُوں نِیں ݙیندے اَتے نَہ ءِی آپݨے مالک دَا کوئی کوئی حق اَدا کریندِن۔ اِیں لوک نظم ءِچ اختیار آلے لوکاں کُوں خبردار کِیتا ڳے ڄو ١٩٧١ء اِچ اِیں ملک دا مشرقی حِصّہ کھَسوا تے وِی نوّےِ سَنبھلے؟ قوم تاں کھٹا تھِوݨا چاہندی اے پر وسیب دے کئی مذہبی، سیاسی اَتے حکومتی اختیار آلے لوک ہِن او نہ آپ ہِک ہِک تھِیندن تے نہ قوم کُوں ہِک ہِک تھِوݨ ݙیندِن، ڄݙاں ڄو قوم "اتحّاد" دا مطلب سمجھدی ہِے تے ہِک ہِک تھی تے پر مشکل دا مقابلہ کرنا چاہندی اے۔ نظم دے اَخیر ءِچ اے سُول مارِیا ڳے ڄو اِیں قوم کُوں پِیانہ اَزماؤ اَتے آپݨے ذاتی مفاداں کُوں بھُل تے اجتماعی، قومی مُلکی فائدے کُوں سُنڄاݨ گھِنو تاں ڄو اے ملک ہر آفت تے مصیبت توں بچ وَنڄے۔
ٻِیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابن کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔