لُوت ٻُوٹی لوک نظم
سئیں ابن کلیم [١] احسن نظامی شاعر ادیب و صحافی دی ہِک سرائیکی لوک نظم اُتے تبصرہ
نظم "لُوت ٻُوٹی" ہِک وکھری سوچ دا اِظہار اَتے بے باکی دا کمال اِے، چھوٹی ڄیں اِیں نظم دِے وِچ اِڄ کل وطنِ عزیز دے مہاندرے (کرتا دھرتا) سیا ستداناں دی "ہارس ٹریڈنگ دِی صُورت ءِچ ڄینویں خریدو ݙروخت پئی تھِیندی اِے، تے وَت کئی ایہو ڄیں سیا ستکار ڄیرھے ڄو آپݨیاں بد عملیاں ءِچ مشہور تھی ڳین تے فانی دُنیا دے لوبھ ءِچ اِینویں پئے مردن ڄو آخرت دِی فکر وی نِنّے ڄو اُنہاں مَرنا وِی نِیں۔ انہاں دا عُرس پڑھے۔ اَتےِ وَت ڄیرھے وزیر، مُشیر بَݨ ویندن او حکومت آلیاں نال رَل تے ڄینویں مرضی آندی نیں قومی خزانے کُوں ڳلیندن، ڄیکر کہیں ملک دے دَورے تے چلے وَنڄِن تے کروڑاں روپے برباد کرکے آویندن، انہاں دِی بِے حسّی ذاذِکر اِیں نظم ءِچ سوہݨے طریقے نال کِیتا ڳے۔ اَتےِ وَت اِیں خِطّے دے وݙیرے، ݙبّے پِیر، اَتے اُ٘نہاں دے چمچیاں کڑچھیاں کُوں وِی دھوتےِ بلکہ میں آکھسَاں ڄو انہاں ساریاں کُوں شیشہ ݙکھا ݙِتّا ڳے ڄو او اِیندے وِچ آپݨی اِے شکِل ݙیکھ تے بد اعمالیاں توں باز آونڄن۔ اتے ہُݨ وِی ویلا ہے ڄو تَوباں تائب تھِی تے ملک و قوم دی خدمت کُوں آپݨا ایمان بݨا گھِنِّن۔ لالچ اَتےِ لوبھ دِی ہَلہ شیری ءِچ نہ جُتّے راہوِن۔ اِتے ہِک ساوِل نال بھرے ہوئے تروتازہ درخت تے ڄیکر "لُوت ٻُوٹی آپُووے تاں اُوں درخت دی سَاری ساوِل کُوں چٹ کر ویندی اِے تے اُوندا ککھ نِیں راہندا۔ اِے ملک وِی ہِک ساوے سوکھے درخت دِی مثال ہِے۔ اللہ نہ کرے ڄو ایندی ساری خوشنمائی، سُݨھپ اَتے خوشحالی کُوں کوئی خَینس آوے ہِیں کِیتے اِیں نظم کُوں ہِک نصیحت ڄاݨ کے پڑھیا وَنڄے اَتےِ اِیں توں چنگا سبق گھِدّا ونڄے۔ کوئی تخلیق کار او شاعِر ہووے یا نثر نِگار ڄَڈاں معاشرے ءِچ وَسدے لوکاں دا ݙُکھ درد محسوس کریندے تاں نیک نِیتی دے جذبے نال حق سچ دے اکھراں ءِچ اُوندا اظہَاز کر چھُڑیندے تاں ڄو اُو کُوں پڑھ تے ظالم آپݨا ہتھ ظلم اے سوہݨی دھرتی اَتے اِیندے وَاسِی سَاوِے سَوکھے تے کھِلدے ہَسدے راہوِن۔
ٻِیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ لِکّھت: سئیں شبیر لکھیسر۔ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابن کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔