ہُݨ گھر گھر بجلی آ ڳئی اے

سئیں ابن کلیم احسن نظامی شاعر ادیب و صحافی دی ہِک لوک نظم۔
ہُݨ گھر گھر بجلی آڳئی اے
صَارِف دِا دل پڑپا گئی اِے
ہُݨ بجلی بݨ تمَاشہ ڳئی
وَت مَہنگی بے تحَاشہ تھئی
اَکھ نُکڑی کھیݙدی راہندی اِے
نِت لوڈ شیڈنگ ءِچ راہندی اِے
ترسیل تاں بھَانویں گھٹ ڳئی اِے
پر واپڈا" لیکھاؤٹ ڳئی اِے
لوڈ شیڈنگ دا آیا دَورِے
رات اندھارا کالی چورے
ݙِینہَ کم دِی ترٹی چَوڑے
اے بجلی عذاب تاں تھی ڳئی اِے
شہری دا خون وی پی ڳئی اِے
ایندی ساری کھٹی کھا ڳئی اِے
ہُݨ گھر گھر بجلی آڳئی اِے
ہُݨ تھِی اندھارا گھُپ ڳئے
متقبِل وِی تاں لُک ڳئے
اِیندا ٻل ما ہورا ڄو آندا اِے
پر شخص کُوں اِے پڑپاندا اِے
وِچ انکم ٹیکس وِی لڳیَا اِے
سَرچارج وِی اِیں ءِچ لڳیا اِے
اے جبر دَا منبع کامِل اِے
واٹر تے پاور ڈِیویلپ مِنٹ
ہِک وَکھری اِے اَتھارٹی اِے
ڳچِیّ تے رَمبا پَارٹی اِے
مزدور کُوں تاں کڑکا ڳئی اِے
ہُݨ گھر گھر بجلی آڳئی اِے
ہر ٻچّہ ٹیکس گزار تھِیَا
ٻِل بجلی توں آزار تھِیَا
سَرچارج اِضافی لڳیا اِے
اِیں قوم کُوں رَڄ کے ٹھڳیا اِے
ڄَݙاں جُون مہینہَ آندا اِے
اِیندے تن دَا ماس وِی کھاندا اِے
وَل وَاپڈا والے آدھے ہِن
ساکُوں اُتّوں آڈرتھی ڳیا اِے
ہُݨ ڄو مقسوم لِکھی ڳیا اِے
بھَانویں کئی وَارِی ڄومَرونڄو
اِیں ٻِل کُوں بیتک ءِچ بھرونڄو
ساݙٰی سَیت پُٹھی تڑپا ڳئی اِے
ہݨ گھر گھر بجلی آڳئی اِے
اَڄ غریب تاں شودا کھاوے کیا
ٻالاں کُوں پاہَنڈدا وے کیا
ڄیڑھی پُونجی اُوندے وَسِّی اِے
سبھو "واپڈا" نے کھسِیّ اِے
شودے دِی گچی پَھسّی اِے
حکومت ڄنہاں دِی آوَنڄّے
اَتے ڄیکر اُندا وَس چلّے
لوکاں کُوں لُٹ تے کھا ونڄے
شالا ویلا چنگا وِی آوِے
غریب کُوں سَوکھا سَاہ آوِے
مہانگ تاں جِند مُکا ڳئی اِے
ہݨ گھر گھر بجلی آڳئی اِے

ٻیا ݙیکھو

• ابنِ کلیم۔
• ہٻڑاس پوتھی۔
• واپڈا تے ہِک نویکلی نظم
• اَساں قیدی تخت لَہور دے نِیں۔
• وطن دا گیت۔