سرائیکی وسیب

سرائیکی وسیب ودای سندھ وچ جغرافیائی خطہ ہے۔ ایہ روہ روہی تھل تے دامان تے مشتمل ہے۔

مزاحمتی کردار

جیویں انسان دے اندر مزاحمت ہوندی ہے ایویں ہی معاشرہ وی مزاحمتی ہوندے

سرائیکی اَتے سندھی معاشرہ مزاحمتی معاشرے دی عکاسی کریندے ہِن ۔

سرائیک اَتے سندھی معاشرہ ثقافتی طور بہوں وݙے مزاحمتی کردار دے حامل ہن اَتے اپڑی ثقافتی ، جغرافیائی ، تاریخی ، تہذیبی اَتے لسانی مزاحمت کوں بہوں چنڳے طریقے نال استعمال کیتے ۔ ایں وقت اساں ہک جائزہ گھندے ہیں

سرائیک معاشرہ

سرائیک معاشرے نے اپڑی حیثیت کوں مناوڑ کیتے سائنٹیفک طریقے نال جدوجہد کیتی ہے اَتے ثقافتی علامتاں کوں رواج ݙتے ۔ بھل ڳالھ اے ہے جو اساں انھیں چیزیں دا جائزہ گھندے ہیں جو ثقافت دا حصہ بڑیا ہِن ۔ ݙوھر شال ، لسان دا تحفظ ، لکار کھیس ، ڳندی ، کھسہ ، کھیڑی ، گُرڳابی ، تِلے آلی جُتی ، چنری ، لہنگا ، گھاگھرا ، پوپا ، ہسی غرض تمام سُڑہپ دے لوازمات جئیں زندگی کو خوبصورت بڑاوڑ ءِچ بنیادی کردار ادا کیتن ۔۔ مردیں واسطے پٹکا ، گھیرولی شلوار، سجرک ۔ قمیض اُتے ٻوٹے ۔ تمام ثقافتی شئیاں نے مل تے حملہ آوریں دی ثقافت دا مقابلہ کیتے اَتے ایں خطے ءِچ حملہ آوریں ، دراندازیں دی ثقافت کوں اِتھاں نسِڑڑ نہیں ݙتا ۔ دنیا کیا کِنوں کیا تھی ڳئی ہے جدید سائنسی دور آ ڳئے ساݙی پوشاکاں اساݙی روایت تہذیب و تمدن نے جو کردار ادا کیتے یقین کریں کہیں ݙوجھے معاشرے اینجھا کردار ݙیکھائی نہیں ݙتا ۔

سندھی معاشرہ

سندھی معاشرے نے مزاحمت کیلئے سندھی رواج کو فروغ ݙتے ۔ سندھی ٹوپی ، اجرک عورتوں واسطہ چوڑیاں دے ݙیزائن اَتے بئیاں ݙھیر ساراں شئیاں نے سندھی ثقافت کو حملہ آوریں دی ثقافت کِنوں محفوظ رکھے ۔

ہک حقیقت

پاکستان دی کل آبادی 18کروڑ ہے۔ انھاں وچ 2کروڑ سرائیکی ہن۔ آبادی دا 10% ہن۔ سرائیکی علاقہ پاکستان کوں کݨک 70% ، کپاہ 80% ، چاول 35% ، ڳنا 55% ، مکئی 70% ، سبزیاں 75% ،یورینیم 100% ، آبی ذخیرے 70% ،دریائے سندھ تے چناب دی سر زمین ، انب 80% ، کھیر مکھݨ 70% ، تیل 45% ، کوئلہ 20% ، مگر صوبائی ملازمتاں وچ صرف 2% ، وفاقی ملازمتاں وچ 1% ،آرمی وچ 1% ،سول سیکریٹریٹ پنجاب وچ 0.52% ، پبلک سروس کمیشن کائنی۔ سریم کورٹ دا بینچ کائنی۔ میݙیکل یونیورسٹی کائنی۔