نَوِیں وَسّوں دِی تریہہ لوک نظم

سئیں ابن کلیم احسن نظامی شاعر ادیب و صحافی دی سرائیکی وسیب دے مسائل اَتے معاملات کُوں بیان کرین٘دی ہوئی ہِک سرائیکی لوک نظم: ۔

لوک نظم

کئی عَالم فاضل ٹُر ڳئے ہِن

لِکھّے ہوئے لفظ اُنہاں دے

بُتھُت تھی تے رُل ڳئے ہِن

کتاباں قلمی لِکھیا ہوئیاں

سِوّی "دِیمک" کھا ڳئی اِے

بے علمی تے بے عملی دی

جگ تے لڳ ڄو بھا ڳئی اِے

لوبھ تُوں ہٹ تے سوچیں چَن!

ڄڈاں ہمدردی دے ویلے ہَن

مخلوق دی تریہہ مِٹاوݨ کُوں

شہر دے ہَر دروازے تےِ

ڳھوڑیاں کِیتے حَوضے ہَن

پاݨی دِیاں سَبیلاں ہَݨ

اِیں لڳدے لوکو شہر ءِچُوں

عِلم تے پاݨی وَیہہ ڳئے ہن

جانوراں دِی تاں ڳالھ اِی وَکھ اِے

اَڄ ڄݨیاں کِیتے پاݨی کَے نِیں

ہُݨ بَندے ترِسّے رَہ ڳئے ہِن

میڈے شہر دے لوگو ݙسّو ہا

او لفظ بھلا وَت زندہ تھِیسن؟

تِرِسّے جی وِی پاݨِی پِیسن؟

تبصرہ

اِیں سرائیکی نظم "نَوِیں وَسّوں دِی تریہہ" ءِچ ڄیڑھی سُنڄاݨ دیاں ڳالھیں کِیتیاں ڳین اُنہاں کُوں اساں اپݨے ہاں تے ہتھ رکھ تے سوچوں تاں وَل ساکُوں پَتہ پوسِی ڄو اِے نرِی شاعری نِیں ہَتھّوں ہِک چِنتے دی ڳالھ ہِے۔ ڄیڑھیاں قوماں آپݨے عِلمی اَدبی خزانیاں دِی سانبھ نِیں کریندیاں اُنہاں کُوں اَڳُوں تے آوَݨ آلیاں زمانیاں ءِچ بیگانیاں سوچاں دا تھوریت تھِینوݨاں پوندے۔ اَسَّاں آپݨے نویں سرائیکی سوچ سنبھال کُوں ڄے نہ وِسار ٻِٹھو سے تاں وَل ساکُوں غیراں دے اَگُّوں مُنہ نہ ݙِکھاوݨاں پوسِی اِینویں تاں اَسّاں پہلے آپݨی ساری عِلمی اَدبی مُوڑِی ونڄا ٻیٹھے ہیں،ہِیں واسطے ساکُوں ڄیلکر کوئی "مُوڑی تھو تھے" آکھے تاں سچ ہوسی اِیں ڳالھ دا نِروار کوݨ کرسی ڄو اَسّاں ڄو کُجھ ہُݨ تئیں وَنڄائے اُو کُوں کِینویں پورا کریسُوں۔ ڳالھ ہِے صرف سوچ دی تے جاݨ سُنݨاݨ دِی ڄیکر اَسّاں آُپݨی سوچ کُوں ڳانݨھے نہ رکھسُوں تاں وَل ضرور ہک ݙُوجھے کُوں مُنہ ݙکھاوݨ جو گے ہوسوں، نہ تاں وَل اِیہو حَال ہوسی۔ ۔

مُنہ دُھوڑ مِٹٰی سِر پایُم

سَارا نَنگ نمُوز ونڄا یُم

کوئی پُچھݨ نہ ویہڑے آیُم

ہَتھُوں اُلٹا عالم کھلدا

کوئی محرم راز نہ مِلدا

ٻِیا ݙیکھو

• ابن کلیم۔

• ہٻڑاس پوتھی۔

• نصیحت سرائیکی لوک نظم

• رشوت لوک نظم۔

• ہِک ہِک تھِی تے ملک بچاؤ لوک نظم

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• ہٻڑاس (پوتھی) آن لائن پڑھݨ کِیتے۔

• گُلِ رعنا ادب سوسائٹی دے ٻئے کتاباں

• سئیں ابنِ کلیم احسن نظامی (مرحوم) دا ٻِیا پورھیا