نصیحت سرائیکی لوک نظم
سئیں ابن کلیم احسن نظامی شاعر ادیب و صحافی دی سرائیکی وسیب دے رشوت دے مسئلے کُوں بیان کرین٘دی ہوئی ہِک سرائیکی لوک نظم: [١]۔
نصیحت
[لکھو | ماخذ وچ تبدیلی کرو]سُݨ ڳالھ اِے عقلمندی دِی
ہِئی چَس منصُوبہ بندی دِی
عرشاں تے جوڑ بَݨے ویندِن
اِیں جگ تے وَل رَلَے ویندن
نکاح نبیؐ دی سُنّت ہِے
تے عمل چنگے دِی پُنّت ہِے
ہِک پاسے نعمت شادی ہِے
ٻئے پاسے ایہا بربادی ہِے
سُݨو نصیحت دِی ہِک ڳالھےِ
کثرت ٻالاں دِی جَنجَالےِ
ڄݙاں ذال تُہاڈی آسِی
چڑھنا وَل وَل نہ چوپھَاسی
صبر تحمّل وِچ ڄو ہوسِی
اُو کُوں نہ کوئی خطرہ پوسی
سٹر دا ٻلدا کھاندے ڄو۔!
مُنہ پڄلیندے راہندن او
ڄیڑھے ٹھار ٹھار تے کھاندے ہِن
خوش تھِی ہر دَم راہندے ہِن
او موجاں خوب کریندے ہِن
صِحت دیاں چَسّاں چیندے ہِن
کئی کھاندے پِیندے غم کُوں ہِن
اَتےِ تُن کے رکھدِے کم کُوں ہن
سال پسالی ڈِھڈھ پیا تھیندے
وَت وِی تھَاں پِیا وَر تِیندے
کڄھ کُوں عقل دِی مار وِی ہِے
حَیَاتیِ اُنھاں دِی خُوار وِی ہِے
زیادہ ٻال جَمیدن ڄو۔!
لودھاں پال کھڑیندن او
خرچہ کِتھُوں گھِن تےِ آوِے
ٹبّر سَارا جِند کُوں کھاوے
وَݙّا کُنبہ روندا راہندے
ہِک کمیندے چَٹّہ کھاندے
ڄے ٻال زیادہ ہوسِن تاں
وَت کال زیادہ پوسِن تاں
اَبادی کُوں وَدھاؤ نہ
ڳل ءِچ فَستہ پاؤ نہ
ہر ویلے دِیاں سووچاں ءِچ
خود کُوں مار مُکاؤ نہ۔!
قصّہ کوتا اِے ہِے پِیا
چھوٹا کُنبہ ڄے اِے ہِے پِیا
اُوہو مَوج مَریندا اِے
جگ دا وِی خیال رکھیندا اے
ڄیڑھا اپݨی غرقی غرق ہِے پِیا
کیا پاندا اُو کُوں فرق ہِے پِیا
او دُنیا دا نَہ دین دَا ہِے پِیا
ٻس کیڑا ہِک زمین دا ہِے
اِتھ کماوݨ دے وِچ جُتّا اِے
وِچ قبریں وَت وَنڄ سُتّا اِے
ٻال پِچھُوں وَت روندے ہِس
دَر در پِندے بھَوندے ہِس
کیا فائدہ اُوں اُلاد دا ہِے
ڄَیں نَک کپیا اَجداد دا ہِے
ہِئی کلیم نطامی دِی اِے دُعا
پووی عِلّت نہ گئی گندی ویِ
سُݨ گالھ اے عقلمندی دِی
ہِئی چَس منصُوبہ بندی دِی
ٻِیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابن کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔