ابن کلیم دی نصیحت

اِیہ سئیں ابن کلیم احسن نظامی دے بارے وِچ "سیئں ڈاکٹر مہر عبدالحق" دِی ہِک یادگار تحریر ہِے جیڑھی سرائیکی لوک ادب دے ہِک رسالے ۔ وِچُّوں گِھدّی ڳئی اے۔ لِکّھت ملاحظہ فرماؤ:

منصوبہ بَندی اُتے ہِک وَکھری "نصیحت سرائیکی لوک نظم" ہے، اِے ردیف قافئے دے حوالے نال وݙی خوبصورت اَتے رِدَم والی نظم ہِے۔ اِیندے ءِچ شروع آلے شعر ناصل ءِچ اِیہو ڄیاں نصیحتاں ہِن ڄیڑھیاں ڄو سرائیکی وسیب دے وضع دار پِیُو ماء آپݨی اولاد کُوں شادی ایلے لُ٘کے چھُپے لفظاں ءِچ'اتے شریفانہ اندا ءِچ سمجھاوݨ کِیتے کریندن۔ میں ہِک وضاحت کر ݙیواں ڄا عام طور تے منصُوبہ بَندی تے عمل کراوݨ آلے ادارے عَورت کُوں الزام ݙیندن اَتے ہر طریقے نال ہُوں کُوں ءِی سمجھیندن ڄو او ٻالاں دے جَلدی جلدی ڄماوݨ ءِچ احتیاط کرے "وقفہ ٻہُوں ضروری اِے" حالانکہ حقیقت اِے ہِے ڄو عورت شودی اِیں معاملے ءِچ مجبورِ محض ہِے۔ کم از کم مشرقی ماحول ءِچ تاں او مَرد دے رحم و کرم تے ہوندے اے۔ اِیں ڳالھُوں اے ضروری ہِے ڄو ایہو ڄیں ادارے نِرا پِرا عَورت کُوں سمجھاوݨ دی بجائے مَرد کُوں اِے تلقین کرن ڄو آپݨے اُتے قابُو پاوے، آپݨے جذبات کُوں ہَر ویلے بھڑکائی نہ رَکھّے، سچ تاں اِے ہِے کہ ڄے تائیں مرد کنڑول نہ کریسی خاندانی منصوبہ بندی تے کݙاہیں کنڑول نِیں تھی سڳدا، ہِناں ڳالھیں کُوں طریقے تے وَݙے سلیقے نال اِیں نظم ءِچ سمجھایا ڳے۔ سئیں ابنِ کلیم نے اِیں نظم دے حوالے نال ہِک نوِیں سوچ ݙے تےِ پُوری قوم اُتےِ وݙا احسان کیتے۔ ایں نظم ءِچ شروع توں اخِیر تئیں انہاں دا تخاطب مَرد دِی ذات ہِے' شادی توں گھِن تے مَرݨ تئیں ہر مشکل توں آگاہ کِیتے اَتے ہر نصیحت وݙی عقلمندی نال نظم ءِچ ڈھال ݙتی اِے۔ اَتے اشاریاں اشاریاں ءِچ کمال ہُنر مندی نال اِے مضمون نظم ءِچ ٻدھے۔ اِیں ڳالھ دی ڄتنی تعریف کِیتی ونڄے گھٹ اِے۔ کیا ءِی چنڳا ہووے ڄو منصُوبہ بندی آلے حکومتی ادارے سئیں ابنِ کلیم دی اِیں نظم توں فائدہ چاوِن اَتے اِیندی ریکارڈنگ کرکے ریڈیو تُوں نشر کرِن اَتے اِیکُوں ڈرامائی انداز ءِچ فِلما تے ٹی وِی تُوں وِی ٹٰیلی کاسٹ کرن، ساکُوں یقین اِے ڄو اِیں نظم دا وَݙا چنگا اثر تھِسی اتے منصُوبہ بندی دے چنگے نتائج نِکلسِن۔ مختصر اِے ہِے ڄو اِیں نظم دے لِکھݨ ءِچ دلچسپی کُوں وِی برقرار رکھیا ڳے، مذاق وی ہِے تے حقائق وی ہِن، نصیحتاں وِی ہِن تے سبق آموز ڳالھیں وِی، مںظر نامہ وِی ہِے تےِ انجام توں خبردار تھی ونڄݨ دی تلقین وی۔

ٻِیا ݙیکھو

• ابن کلیم۔

• نصیحت سرائیکی لوک نظم۔

• ہُݨ گھر گھر بجلی آ ڳئی اے

• لُوت ٻُوٹی لوک نظم۔

• ہِک ہِک تھِی تے ملک بچاؤ لوک نظم

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• ہٻڑاس (پوتھی) آن لائن پڑھݨ کِیتے۔

• گُلِ رعنا ادب سوسائٹی دے ٻئے کتاباں

• سئیں ابنِ کلیم احسن نظامی (مرحوم) دا ٻِیا پورھیا