سرائیکی ݙوہڑے دے سوہݨپ، ݙو شاکر

ݙوہڑا تے شاکر، اِیں ہِک مِتھ تھئین جو اِنّھاں کُوں اَنجو انج کرݨ ایویں ہِے جیویوں سرائیکی وسیب دے سرائیکی لوک ادب اِچُوں سرائیکی ݙوہڑے کُوں انج کرݨ ہِے۔ سرائیکی ݙوہڑے تے لوک ادب دی ایجھیں عنایت تھئی جو ایکوں ١٩٨٠ء تُوں بیک وقت ݙو ایجھیں نامور شاعر میسّر آئین جِنّھاں دا تخلّص شاکر ہا۔ ݙوہائیں شاکر اپݨے اپݨے وسیب اِچ ٻہوں زیادہ شہرت حاصل کِیتی ہِے۔

شاکر شُجاع آبادی

اِنّھاں اِچوں ہِک شاکر، شاکر شجاع آبادی ہِے اِنّھاں دی شاعری دے موضوعات "وسیب دے مسائل" اپݨی معذوری، ہجر دے ݙُکھ تے سرائیکی وسیب دے روز مرہ ، اِنّھاں دی شاعری کوں ہِک مضبوط بنیاداں تے متعارف کرائے۔ اِنّھاں دی خوش قسمتی نال میڈیا دی سپورٹ (مدد) وِی مِل ڳئی ہِے، لہٰذا ہِک شاعر اپݨے جیندیاں جی، جتنی شہرت ہنڈا سڳدے، اُنّھاں کُوں رب سئیں او عطا کر ݙِتّی اے۔

شاکر مہروی

سرائیکی ݙوہڑے دا ݙوجھا ناں، زندہ راہوݨ آلا، بلکہ کہِیں وی سپورٹ (مدد) تُوں بغیر زندہ راہوݨ آلا ناں شاکر مہروی ہِے۔ اے سئیں احمد خان طارق دے نامور شاگرد ہِن۔ اِنّھاں کوں سئیں احمد خان طارق، اپݨا جانشین سمجھین٘دے ہَن، پر تقدیر شاکر مہروی کُوں اساݙے کولوں چِھک گِھدّے اَتے عین جوانی اِچ جھوک لݙا ڳئے۔ اِنّھاں دے ݙوہڑے اِچ جذبات دی گرمی، جرتِ خیال، لفظیں دا سُوہݨپ، وسیبی منظر، اوندے تلاوزمے، ہجر وصال دے قصّے تے آفاقی قدراں، اِنّھاں کوں مشاعرے اِچ تے مشاعرے تے ٻاہروں ہِک نویکلا مقام عطا کِیتے۔

• میݙے پیش نظر اِنّھاں ݙُونہائیں شاعراں دا موازنہ نئیں، بلکہ پہلا مقصد اے ہِے جو اساݙے قاری کُوں اے پتہ لڳّے جو ایں عہد اِچ ݙو نامور شاعر (ہِکّے تخلّص دے) موجود رہ ڳئین۔

• ݙوجھا مقصد اے وی ہِے جو ہِک شاکر دے کلام کوں ٻئے شاکر دا کلام سمجھیا وین٘دا رہ ڳئے۔ حالانکہ ݙونہائیں دے اسلوب (ڈِکشن) اِچ واضح فرق موجود ہِے۔ اِیں طریقے نال اِنّھاں ݙون٘ہائیں دی آپو اپݨی سُنڄاݨ وی برقرار رہ ویسی اَتے ݙوہائیں دا کلام ہِک ٻئے دے نال منسوب تِھیوݨ تُوں رہ ویسی۔                                      

ٻیا ݙیکھو

• ݙوہڑا اَتے احمد خان طارق۔

• سرائیکی لوک ادب وِچ ݙوہڑا۔

• اڄوکے دور دا ݙوہڑا تے لوک ادب۔

ٻاہرے رابطے

• سئیں ابنِ کلیم احسن نظامی دی لائبریری ݙیکھو۔ ۔ ۔ ۔ ۔ ۔ ۔ ۔