سرائیکی وسیب اَڄ وی عظیم اے

سرائیکی وسیب دا نقشہ

سرائیکی وسیب تاریخ دی شکست و ریخت اَتے حملہ آوراں دی زیادتیاں دے باوجود اڄ وی سرائیکی وسیب دُنیا دے ݙُو ترہائی ملکاں دی اَبادی تے رقبے تُوں وَدھ ہِے، اَتے سرائیکی وسیب آبادی، آمدنی تے پیداوار دے لحاظ نال نہ سرف پاکستان دے تمام علاقیاں بلکہ دُنیا دے ادھ توں زائد ملکاں توں زیادہ ہے۔ تاریخی تے جغرافیائی لحاظ نال اِین٘دی افادیّت اَڄ وی مسلمہ ہِے۔ سرائیکی تہذیب ایشاء دے ساریاں تہذیباں کنوں جغرافیے دے لحاظ نال سبھ کنوں وݙّی تہذیب اے۔ اے تہذیب پنج لکھ مربّع میل تے پھیلی ہوئی اے۔ چولستان وِچ ملن آلا گنویری آلا ہڑپائی تہذیب دا ہم عمر اے۔ چولستان بارے ٹوڈ لکھدے: "روائتیں کنوں پتہ لڳدے جو اے علاقے ہمیش کنوں غیر آباد نہ ہَن، انّھاں دی بربادی اُوں ویلھے شروع تھئی جݙاں دریا ہاکڑہ سُڳ ڳیا۔ ۔۔۔ جیڑھا سندھ وِچ روہڑی، بکھر تے اُچ دے مقام تے آ مِلدا ہا۔" کوٹ ڈیجی، گنویری والا تے جلیل پور دی طرح ملتان وی اپݨی قدامت دی مثال آپ ہِے، وادی سندھ دی تہذیب دی واحد مثال شہردا ہے، ایندے نال دے سارے شہر زمین وِچ دفن تھی ڳِن، پر سرائیکی لوکاں دی اپݨی دھرتی نال محبّت تے بہادری دا اے ثبوت اے جو اے شہر اَڄ وی اپݨی مکمل شان و شوکت نال آباد ہِے تے اپݨے وسیب دیاں ثقافتی سرگرمیاں دا مرکز بݨیا کھڑے۔

ٻیا ݙیکھو

• سرائیکی وسیب قدیم ہاکڑہ تہذیب دا حصّہ۔
• سرائیکی قدیم زبان اتے تہذیب۔
• سرائیکی وسیب وِچ ملتان اتے چولستان۔
• چولستان دے پُراݨے سرائیکی وستیاں۔
• سرائیکی وسیب دی مختلف زمانیاں وِچ ونڈ۔

ٻاہرے رابطے

• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔ ۔ ۔ ۔ ۔ ۔ ۔ ۔ ۔ ۔