سرائیکی وسیب وِچ ملتان اتے چولستان

سرائیکی وسیب دے لوک

سرائیکی خطّہ بلا شبہ ایہو جِہا خطّہ ہے جتّھاں مزید تحقیقات کرایاں ون٘ڄِن تاں ٻہوں سارے قدیم آثار اتّھوں ظاہر تھی سڳدِن۔ ملتان دا قدیم قلعہ ملتان سرائیکی وسیب دی عظمت دی ہِک وݙّی نشانی تے دلیل دے طور تے موجود اے۔ ایویں دیرہ غازی خان دا قلعہ ہزندوی کُھریاں چا تے سرائیکی وسیب دی قدامت دیاں بانگاں ݙین٘دا کھڑے۔ ڈاکٹر رفیق مغل دی محنت نال چولستان دی بتری (٣٢) ایہو جہیاں جاہِیں ملین جنہاں کوں ٤٠٠٠ تُوں ٣٠٠٠ سال قبل مسیح دیاں وستیاں وی آکھیا ون٘ڄ سڳدے۔ اِنّھاں وستیاں وِچ مِلّن والے اے تھاں ٻہوں انوکھے ہِن۔ ہتھ نال بݨے ہوئے تھاں رَتے رنگ آلے ہِن۔ انھاں وِچ کُجھ موٹے تے وݙے ہِن تے کجھ چھوٹے تے پتلے ہِن تے کُجھ تاں ایہو جہے وی ہِن جیڑھے وادی سندھ وِچ اَج تئیں نی ملیے۔ چولستان دیاں اِنّھاں پُراݨیاں وستیاں وِچوں نکیاں نکیاں ٹنڈیں جنگھیں آلے زناوریں دیاں مورتیاں، سیپ تے پکائی ہوئی مٹی آلیاں چوڑیاں پیہن اے پتھراں دے ٹوٹے تے ٻہوں سارے اوزار مِلین۔ اتھاں پتھر دی صنعت ترقی کرین٘دی پئی ہئی، ایں واسطے پتھر دے چاقوں، برمے، تیر تے رن٘بے وی ملیے ہِن۔ چولستان دیاں انّھاں بتری (٣٢) وستیاں دے آثار (ملتان اے) جلیل پور دی پہلی تے ݙوجھی وستی، سرائے کھوں (ٹیکسلا نال) گوملا دی پہلی آبادی تے رحمان ڈھیری (ڈیرہ اسماعیل خان) توں ملݨ انّھاں اوزاراں نال این٘دا موازنہ کِیتا ون٘ج سڳدے۔

ٻیا ݙیکھو

• سرائیکی قدیم تہذیب۔
• سرائیکی قدیم زبان اتے تہذیب۔
• سرائیکی وسیب قدیم ہاکڑہ تہذیب دا حصّہ۔
• چولستان دے پُراݨے سرائیکی وستیاں۔
• سرائیکی وسیب دی مختلف زمانیاں وِچ ونڈ۔

ٻاہرے رابطے

• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔۔ ۔ ۔ ۔۔ ۔ ۔ ۔ ۔ ۔