سرائیکی رپورتاژ نگاری

رپورتاژ فرانسیسی زبان دا لفظ ہے تے انگریزی وچ اینکوں رپورٹ (Report) آکھیا ویندے۔ رپورتاژ کوں تمام زباناں وچ خاص اہمیت حاصل ہے اردو وچ ایہ صنف صحافت دی ترقی یافتہ شکل ہے۔

رپورتاژ دی اہمیت

رپورتاژ کوں تمام زباناں وچ خاص اہمیت حاصل ہے اردو وچ ایہ صنف صحافت دی ترقی یافتہ شکل ہے۔ رپورتاژ صحافت تے افسانے دے درمیان دی تحریری صورت ہے۔ ڈاکٹر انور سدید لکھدن:

’’رپورتاژ دے مزاج دی تشکیل وچ افسانہ اتے سفر نامہ دی اصناف نے اساسی کردار ادا کیتے اتے ایندے ادبی تصور اتے صحافت نے غالب آوݨ دی کوشش کیتی ہے۔ رپورتاژ نے آپݨی انفرادی ادبی حیثیت متعین کرݨ کیتے۔ انہاں سب دا خاطرخواہ، استفادہ کیتے۔ ایہ آکھݨ درست ہے جو رپورتاژ نہ صرف خالصتاً افسانہ ہے نہ سفر نامہ ہے اتے نہ صحافتی خبر نامہ، ادیب نے حسبِ ضرورت اتے بقدر ضرورت انہاں سب دے استعمال کوں ضروری سمجھیئے۔‘‘

سرائیکی وسیب وِچ رپورتاژ

سرائیکی وسیب وِچ سرائیکی ٻولی دے صحافی جِہڑیلے کہیں وی اخبار، رسالے یا انٹر نیٹ اُتے بلاگ کِیتے کہِیں پن٘دھ دی وہاݨی یا کہیں سوّب دی وہاݨی یا کہیں تقریب دی وہاݨی دا کَم کار یا مضمون لکھین٘دے ہِن اُوکُوں ادب دی ٻولی وِچ رپورتاژ آکھیا وین٘دے ہِے۔ اِیہ سارے رپورتاژاں وسیب نال ڳوڑھے تعلق اَتے ثقافتی تے رِیتی میلیاں ٹھیلیاں، تقریباں، ݙیہاڑیاں اَتے لوکاں دے مزاج دے بیان دی پارُوں لوک ادب دا سرمایہ بݨ وین٘دے ہِن۔ اِیں پاروں سرائیکی لوک ادب وِچ سرائیکی رپورتاژ نگاری کُوں وی ٻہوں اہمیّت حاصل ہےـ سرائیکی رپورتاژ نگاری وِچ لوک کہاݨیاں، لوک افسانہ، سرائیکی افسانہ، سرائیکی ناول نگاری اَتے ٻئے اصناف دا ڳوڑھا تعلق وی ہون٘دا ہِے اَتے اِنّھاں دے وِچ لوک کہاݨیاں اَتے وسیب دے لوک قصّے وی مِلدے ہِن۔

ٻِیا ݙیکھو              

• سرائیکی کالم نگاری

• سرائیکی تحقیق نگاری

• سرائیکی مضمون نگاری

• سرائیکی سفرنامہ

• سرائیکی افسانہ

• سرائیکی غیر افسانوی نثر

ٻاہرلے جوڑ

• سئیں ڈاکٹر خالد اقبال دی لائبریری ݙیکھو

• سئیں ڈاکٹر خالد اقبال دا تعارف انگریزی وِچ

• ڈاکٹر خالد اقبال صیب دی لائبریری دا ٻِیا مواد ۔ ۔ ۔ ۔ ۔