سائیں اختر حسین

سئیں اختر حسین (اردو: سائیں اختر حسین) (ڄَمَّݨ دی تَرِیخ: ١٩٢٠ء – فوت تِھیوݨ دی تَرِیخ: ١٦ جون، ١٩٨٧ء) پاکستان نال تعلّق رکھݨ والے مہان٘درے پنجابی لوک ڳائیک ہَن۔

حیاتی دا احوال

سئیں اختر حسین ١٩٢٠ء کُوں امرتسر، صوبہ پنجاب (برطانوی ہند) وِچ ڄَمّے ہَن۔ اِنّھاں نے موسیقی دی تربیّت اُستاد بھائی لعل محمد تُوں حاصل کِیتی۔ اُوہ آپ وی ربابیاں دے ٹَٻَّر نال تعلّق رکھین٘دے ہَن اَتے شاہ حسین، بابا بلھے شاہ، لعل شہباز قلندر، شاہ لطیف بھٹائی، اَتے سچل سرمست دے عُرس دے موقع اُتے کافیاں اَتے لوک گیت ڳایا کرین٘دے ہَن۔ ١٩٦٢ء وِچ اُنّھاں نے "عشق پر زور نہیں" دے مہان٘درے نغمہ "دِل دیتا ہے رو رو دہائی ۔ ۔ ۔ کسی سے کوئی پیار نہ کرے" کِیتے پِچھوکڑ اَواز دا اَلاپ ݙِتّا جین٘دے نال اُنّھاں دی دُھم ٻہوں وَدھ ڳئی۔

سئیں اختر حسین نے ملک دے اندر اَتے ٻاہرلے مُلک اَݨ ڳِݨت پن٘دھ کِیتے۔ بھارت وِچ اُنّھاں نے نظام الدین اولیاءؒ، حضرت امیر خسروؒ، حضرت مخدوم صابرؒ، اَتے خواجہ معین الدین چشتیؒ دے مزاراں اُتّے وی اپݨے فن دا مظاہرہ کِیتا۔

اعزازات

حکومت پاکستان نے سئیں اختر حسین دی فنّی خدمتاں دے اعتراف دے طور تے اُنّھاں کُوں ١٩٨٧ء کوں مرݨ دے بعد "صدارتی تمغہ برائے حُسنِ کارکردگی" نال نوازیا۔

وفات

سئیں اختر حسین ١٦ جون ١٩٨٧ء کُوں لاہور، پاکستان وِچ فوت تِھی ڳئے۔ اُوہ لاہور وِچ مومن پورہ دے ڳُستان وِچ پُور ݙِتّے ڳئے۔