ٻُلھے شاہ

ٻلھے شاہ سرائیکی زبان دے شاعر ہن۔

کتاباں

• دیوان

وفات

١٧٥٧ وچ قصور وچ تھئی تے مزار وی قصور وچ ہے۔

نمونہ کلام

میں ویساں جوگی دے نال، متھے تلک لگا کے

میں ویساں نہ رہساں ہوڑے

کون کوئی جاندی نوں موڑے

مینوں مڑنا ہویا محال، سر تے میہنا چاکے

میں ویساں جوگی دے نال متھے تلک لگا کے

جوگی نہیں ایہہ دل دا میتا، بھل گئی میں پیار کیوں کیتا

مینوں رہی نہ کجھ سنبھال، اس دا درشن پا کے

میں ویساں جوگی دے نال، متھے تلک لگا کے

ایس جوگی مینوں کیہیاں لائیاں، ہین کلیجے کنڈیاں پائیاں

عشق دا پایا جال، مٹھی بات سنا کے

میں ویساں جوگی دے نال متھے تلک لگا کے

میں جوگی نوں خوب پچھاتا، لوکاں مینوں کملی جاتا

لٹیوس جھنگ سیال، کنیں مندراں پا کے

میں ویساں جوگی دے نال متھے تلک لگا کے

جے جوگی گھر آوے میرے

مُک جاون سبھ جھگڑے جھیڑے

لال سینے دے نال لکھ لکھ سگن منا کے

میں ویساں جوگی دے نال متھے تلک لگا کے

مائے نی اک جوگی آیا

در ساڈے اوس دھواں پایا

منگدا ہیر سیال، بیٹھا بھیس وٹا کے

میں ویساں جوگی دے نال متھے تلک لگا کے

طعنے نہ دے پھوپھی تائی

ایتھے جوگی نوں قسمت لیائی

ہن ہویا فضل کمال، آیا ہے جوگ سدھا کے

میں ویساں جوگی دے نال متھے تلک لگا کے

ماہی نہیں کوئی نور الہی

انہد دی جس مُرلی واہی

مٹھیوس ہیر سیال، ڈاڈھے کا من پا کے

میں ویساں جوگی دے نال متھے تلک لگا کے

لکھاں گئے ہزاراں آئے

اس دے بھیت کسے نہ پائے

گلاں تاں موسے نال، پر کوہ طور چڑھا کے

میں ویساں جوگی دے نال متھے تلک لگا کے

ایس جوگی دے سنو اکھاڑے

حسن حسین نبی دے پیارے

ماریوس وچ جدال، پانی بن ترسا کے

میں ویساں جوگی دے نال متھے تلک لگا کے

ایس جوگی دی سنو کہانی

سوہنی ڈوبی ڈونگھے پانی

پھیر رلیا مہینوال، سارا رخت لٹا کے

میں ویساں جوگی دے نال متھے تلک لگا کے

ڈانواں ڈولی لے چلے کھیڑے

مڈھ قدیمی دشمن جیہڑے

رانجھا تاں ہویا نال، سر ٹمک چا کے

میں ویساں جوگی دے نال متھے تلک لگا کے

جوگی نہیں کوئی جادو سایا

بھر بھر پیالہ ذوق منگایا

میں پی پی ہوئی نہال، انگ بھورت رما کے

میں ویساں جوگی دے نال متھے تلک لگا کے

جوگی نول کریندے جھیڑے

کیہے پا بیٹھے قاضی گھیرے

وچ کیدو پائی مقال، کوڑا برا لگا کے

میں ویساں جوگی دے نال متھے تلک لگا کے

بلھا میں جوگی نال ویاہی

لوکاں کملیاں خبر نہ کائی

میں جوگی دا مال، پنجے پیر مناکے

میں ویساں جوگی دے نال متھے تلک لگا کے