اسماعیل بھٹہ

اسماعیل بھٹہ
ڄم پل:	بہاولپور، سرائیکستان
جمݨ ݙیہاڑہ:	یکم دسمبر 1984ء
کم :	ماہر لسانیات، ادیب، محقق، مکینیکل انجنئیر، ایڈیٹر سرائیکی ویکیپیڈیا، سرائیکی وکیپیڈیا دی منظوری

اسماعیل بھٹہ سرائیکی دانشور، افسانہ نگار، محقق تے تحریکی کارکن ہن تے سرائیکی وکیپیڈیا تے ہزاراں مضامین دے لکھاری ہن۔ پیشے دے لحاظ نال ہک محکمے وچ ایس ڈی او (SDO) ہن۔ بہاول پور شہر نال انہاں دا تعلق ہے۔

حالات زندگی

یکم دسمبر 1984ء کوں بہاولپور شہر دے علاقے قریشی کالونی وچ پیدا تھئے۔ پرائمری تعلیم گورنمنٹ بوائیز پرائمری سکول حلقہ نمبر 5، مڈل تے میٹرک گورنمنٹ صادق ڈین ماڈل ہائیر سیکنڈری سکول، ڈی اے ای مکینیکل ٹیکنالوجی کالج تے بی ایس سی انجینئرنگ (مکینیکل ٹیکنالوجی) امپیریل کالج لاہور توں حاصل کیتی۔ ڈپلوما کرݨ دے بعد پنج سال محکمہ واٹر مینیجمنٹ اچ بطور اوورسئیر ملازمت کیتی ول ہک محمکے وچ بطور ایس ڈی او بھرتی تھی ڳئے۔

تعلیمی تے پیشہ ورانہ زندگی

بی ایس سی انجینئرنگ (مکینیکل ٹیکنالوجی) دی ڈگری امپیریل کالج لاہور (Imperial College Lahore) توں حاصل کیتی۔ پیشہ ورانہ طور تے واٹرسپلائی دے محکمے نال منسلک ہن۔

سرائیکی وسیب کیتے خدمات

• سرائیکی وکیپیڈیا تے کئی ہزار مضامین لکھ کے ایندی منظوری ویب سائٹ دا آغاز
• سوشل میڈیا تے سرائیکی صوبے دی تحریک دا پرچار تے سرائیکی جماعتاں دے منشور تے نظریے دی ترویج
• نسلی سرائیکی ڳوتھاں بارے تحقیق تے انہاں دی بیداری تے اتحاد کیتے جدوجہد
• سرائیکی وسیب دے انتظامی سول سیکرٹریٹ دے قیام تے کامیابی دی جدوجہد

سرائیکی وکیپیڈیا تے اہم کم

محمد رسول اللہ صلی اللہ علیہ و سلم (سیرت النبی صلی اللّٰہ علیہ و سلم) • سرائیکی زبان • نسلی سرائیکی ڳوتھاں (Ethnic Saraiki Clans) • مملکت خداداد بہاولپور، سرائیکستان • تاریخ اسلام• تاریخ مسلمین • سرائیکستان دے ذاتاں • سرائیکی شخصیات • سائنسداناں دا انسائیکلو پیڈیا • اسلام (اہلِ سنّت) دے خلفاء دی فہرست • خلافت بنی امیہ ہسپانیہ • یورپ دی تاریخ • تاریخ یونان • سلطنت روما • سلطنت مغلیہ • تاریخ پاکستان • سرائیکی زبان دے لہجے • سرائیکی زبان دا نثری ادب • سرائیکی میڈیا • سرائیکستان سول سیکرٹریٹ