وَہُوا

سرائیکی دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔ سرائیکی وسیب ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔

ضلع ڈیرہ غازی خان

اِیہ دریائے سندھ دے سڄے پاسے دے نیڑے اَتے ملتان توں 41 میل مغرب وِچ ہِے۔ آکھیا ویندے جو جیڑھی جا تے ڈیرہ غازیخان واقع ہِے۔ اِتھاں کݙاہیں دریا دا لانگھا ہائی۔ اِیندی بُنیاد 400 سال پہلاں غازیخاں میرانی نے رکھی ہئی۔ ’’تواریخ ڈیرہ غازیخان‘‘ لالہ حکم چند نے لِکھی ہَئی۔ قاضی عبداللہ ڈیروی (عالمِ دین)، آنسہ بخت آور کریم، اُردو، سرائیکی دی معروف شاعرہ ہَن، اَٹک مٹک دیداں، گوہر شب چراغ، آنحضرت دور کی نعتیہ شاعری، اُنہاں دِیاں تصانیف ہِن۔

وَہُوا دا لوک ادب

ضلع ڈیرہ غازی خان دی تحصیل تونسہ دا تاریخی قصبہ ہِے، اَتے اِیہ تونسہ کنُوں ڈیرہ اِسماعیل خان ونڄݨ والی سڑک تے 48 کلو میٹر دے فاصلے تے ہِے۔ اِیہ قصبہ تقریباً 2 سو سال پراݨاں ہِے۔ ہِک روایت بیان کِیتی ویندی ہِے جو اِتّھاں سارا سال پاݨی دِی فراوانی ہُوندی ہَئی کھڄیاں دے وَݨ تے ساول، خوشحالی ہر ویلے ہُوندی ہَئی اِیہ ݙیکھ تے کہیں نے واہ واہ کِیتی وَل اِیہُو لفظ وَہواہ بݨ گیا۔

ٻِیا ݙیکھو

• ڈیرہ غازی خان

• سرائیکی وسیب

ٻاہرلے جوڑ  

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔ ۔ ۔ ۔