وسیب دے شہراں بارے اکھاݨ

سرائیکی اکھاݨ سرائیکی لوک ادب دا او سَمّل ہے جینُ٘دے اُتّے سرائیکی زبان دا ڄِتّی ماݨ کرنا چاہوے ماݨ کرسڳدی ہے۔ اِنہاں دے ہتھڑیکے سرائیکی وسیب تے سرائیکی قوم دی نفسیات کوں پڑھیا وَن٘ڄ سڳِین٘دے۔ لوکاں دیاں رَویّاں،انسانی عمراں مختلف مرحلیاں،کِھل ہاسے دیاں موقعیاں شہراں تے وستیاں دے لوکاں دیاں مزاجاں تے ماحول بارے مطالعہ اِنہاں اکھاݨاں نال کِیتا ون٘ڄ سڳِین٘دے۔ اِیں سبق اِچ اَساں شہراں بارے کُجھ اکھاݨ پَڑھدے ہَیں:

اُچ شریف

• اُچ جلال ڈَٹّھی تاں غریباں وی اَٹّے مارے

بھلوال

• جِہڑا ویسی بھیلوال،کالی کُنّی نالو نال

ٻنّوں

• فلاݨاں ڳیا ٻنّوں وَل آوے تاں مَنّوں

ٻوہڑ

• ٻوہڑیں رات نہ پووی تاڑیں سَس تے سَوہرا ہووی

پہاڑٰی

• پہاڑ مِیت کِین٘دے،بَھت کھادا تے،وین٘دے

جَلّہ ارائیاں

• جیکر ون٘ڄیں جَلّے اَٹّا ٻدھّیں پَلّے

چنیوٹ

• آئے یار چنیوٹی،شکل سوہݨی نیّت کھوٹی

داجل

• سوکھ نہ سُتّا دا جلی آپݨی سنبھل واݨ

دِلّی

• دِلّی شہر نموناں اندر مِٹی ٻاہر چُوناں

دنیا پور

• چار چیزیں تحفہ دنیا پور

• گاجر،مولی،وڑی تے کھمبُور

کچّھی

• کچّھی سونے دی پچّھی

• کچّھی دایار تے لئی دا انگارا ݙو نہیں بے وفا

کہڑور پکا

• آئے نی یار کہڑوری،لش پَش ڈھیر محبّت تھولی

کِین٘جبھر

• کِین٘جبھر رات نہ پووی،بھان٘ویں اَٹّا پَلّے ہووے

لاڑکاݨہ

• جیکر ہووی نان٘واں،تاں سیل کریں لاڑکانہ،نہ تاں رُل ودابِگانہ

لہور

• لہور دے بانکے کھنسے اِچ وَٹّے

• آے یار لہوری ݙِکھاون دروازہ ٹَپا وِن موری

• ݙِٹّھا لہور نموناں،اندر مِٹّی ٻاہر چُوناں

ملتان

• ملتان دا یار ٻنّا عیدگاہ

• ملتان آئیں دا ہے جائیاں دا نِھیں

• آئی ملتان دی واری،ہئی مِین٘ہ بݨ ڳئی اَن٘دھاری

• چل چلئے ملتان،اُتّھاں وݙّے وݙّے پِلھوان،کھان٘دے

• ڳریاں تے بِدام،مارِن مُکّیں کڈِّھن جان

• شہراں وِچّوں شہر ملتان جِتّھاں ہر دم امن و امان

• مُلتان پِیراں کنوں پُر ہے

• ملتانی دا ہتھ چَلہّے تے ہندوستانی دی زبان

ٻِیا ݙیکھو

• سرائیکی اَکھاݨ
• سرائیکی وسیب
• سرائیکی نثر دیاں اصطلاحواں
• سرائیکی لوک قصّہ۔ ۔ ۔ ۔