شیدݨ

اساݙے سرائیکی وسیب دے لوک کھیݙاں دا وَن پوَنّیاں ہِن اَتے شئیت ٻِنّھاں دیساں وِچ اِنّھاں دی مثال وی نئیں مِلدی وسیب دی ہِک ٻہوں مہان٘دری کھیݙ "شیدݨ" وِی ہِے جیڑھی اکثر دِیہاں وِچ ٻالاں دی من بھان٘دی جِن٘د چِھکّوِیں لوک کھیݙ ہِے۔

اے لوک کھیݙ صاف سُتھری تے ہموار زمین اُتّے خانے بݨا تے کھیݙیا وین٘دے۔ اے خانے کولے / چاک یا کہِیں تِکّھے رنگ آلے چھوݙے نال بݨائے وین٘دِن۔ اِنّھاں خانیاں وِچُوں ہِک ڳول ٹِھکری کُوں جِیکُوں "شیدݨ" سݙیا وین٘دے ہِک ڄنگھ تے کھڑا تھی تے بَھن٘وایا وین٘دے تے ݙوجھی ڄنگھ دے پیر دے اَنُوٹھے نال تُھݙّا مار تے ہِک خانے کنُوں ݙُوجھے خانے وِچ پُڄایا وین٘دے، تے اِیں طرح زمین تے بݨیے ہوئے ساریاں خانیاں وِچُوں پیر دے اَنُوٹھے نال شِیدݨ کُوں ٹَپا ٹَپا تے اَخِیرلے خانے تئیں پُڄایا وین٘دے بلکہ اوہُو کِھݙاری کامیاب تِھی وین٘دے یا سمجھیا وین٘دے جِہڑا ہِکّی ڄَنگھ تے کھڑا کھڑا اَخِیر توڑِیں پُڄ وین٘دے۔ ہِک کِھݙاری دی واری مُک وین٘دی ہِے تاں ݙُوجھا کِھݙاری شروع کر ݙین٘دے تے باقی سبھے ٻال ٻالڑیاں تماشہ ݙیکھݨ والے اُون٘دے کرتب، اُون٘دے ہِک ڄَنگھ تے کھڑا تھی کھیݙݨ دی طاقت کُوں ݙیکھ تے داد ݙین٘دِن اَتے چَس چین٘دے ہِن۔ کیوں جو ہِک ٻال دا ہِکّی ڄَنگھ تے ٹَپّے مار مار تے ٹُرݨ کوئی سَوکھا کَم کائے نِھیں اَتے اِین٘دے کِیتے ٻہوں مشقّت اَتے تجربے دی لوڑ ہون٘دی ہِے جِہڑا ٻالاں وِچ اِیہو جئیں کھیݙاں کھیݙ کھیݙ تے آن٘دے۔ وَت جِہڑیلے اُوہ ٻہوں وَدھ تجربہ کر گِھن٘دے ہِن تاں ون٘ڄ تے اُوہ کامیاب تھی سڳدے ہِن۔

ٻیا ݙیکھو

• ٻالیں دیاں لوک کھیݙاں۔

• ہڑبھچ۔

• لُک چھپ۔

• گُݙّی گُݙّے دی شادی۔

• ٻالیں دیاں لوک نظماں۔

ٻاہرلے جوڑ

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔۔ ۔۔ ۔ ۔ ۔ ۔ ۔