سلسلہ عظیمیہ

سلسلہ عظیمیہ ویہویں صدی دے آخر وچ روحانی علوم کوں سائنسی توجیہات تے دور جدید دے تقاضیاں دے مطابق رائج کرݨ واسطے سید عظیم برخیاء المعروف قلندر بابا اولیاء نے قائم فرمایا. آپ نے ابوالفیض قلندر علی سہروردی دی بیعت کیتی تے دیگر کئی سلاسل دے خانوادہ مقرر تھئے. آپ دے نانا حضرت بابا تاج الدین ناگپوری ولی کامل ہن جنہاں دا مزار تاج آباد، بھارت وچ ہے. قلندر بابا اولیاء دی ابتدائی تربیت آپ نے فرمائی.

بابا تاج الدین ناگپوریؒ، بانی سلسلہ قلندر بابا اولیاء دے نانا تے پہلے استاد

قلندر بابا اولیاءؒ، بانی سلسلہ

قلندر بابا اولیاء نے علی گڑھ مسلم یونیورسٹی توں بی اے کیتا تے قیام پاکستان توں بعد کراچی آگئے. ہک عرصہ ڈان اخبار نال وابستہ رہے. مگر روحانی مشاغل تے تفکر جاری ریہا تـے عبادات و ریاضتاں دے ذریعے روحانی ترقی تھیندی رہی. ایں دوران آپ دی ملاقات ھک نینگر شمس الدین نال تھئی. او نینگر انہاں توں بہوں زیادہ متاثر تھئے کیونکہ او وی روحانی راستے دے مسافر ہن تے حق دی تلاش وچ ہن سو انہاں کوں قلندر بابا اولیاء دی صورت سوجھلے دی کرن نظر آئی. قلندر بابا اولیاء نے نینگر کوں شاگرد دے طور تے قبول فرمایا تے او شمس الدین توں خواجہ شمس الدین عظیمی بݨ گئے.

قلندر بابا اولیاء ١٨٩٨ وچ قصبہ خورجہ ضلع بلند شہر، اتر پردیش، بھارت وچ پیدا تھئے. ١٩٦٠ وچ خواجہ شمس الدین دی ارداس تے سلسلہ عظیمیہ دی بنیاد رکھی، سلسلے دے قواعد و ضوابط مقرر کیتے، روحانی تربیت دا نصاب مقرر کیتا. آپ دی ہک کتاب لوح وقلم سلسلہ عظیمیہ دی ھک مشہور و معروف اردو تصنیف اے جیندے وچ کائنات دے روحانی نظام تے علمی و سائنسی انداز نال وضاحت کیتی ڳئی اے. ایں کتاب دے مطالعے نال سلسلہ عظیمیہ دے طریقہ کار تے وی روشنی پوندی اے جہڑا کہ دیگر سلاسل طریقت توں جدا اے.

تربیتی نصاب

سلسلہ عظیمیہ دے وچ تربیتی نصاب باقی سلاسل توں ایں طرح منفرد اے کہ ایندے وچ روائتی عبادات، وظائف، چلہ کشیاں دے بر عکس زیادہ تر مراقبہ تے تفکر و طرز فکر دے ذریعے روحانی منازل طے کروائے ویندن. اے طریقہ دور جدید نال مناسبت رکھدا اے کیونکہ مراقبہ ایشیاء، یورپ سمیت پوری دنیا وچ مقبول طریقہ کار اے لیکن نال نال سلسلے دے مقرر کردہ کجھ آسان اوراد و وظائف وی ہن جیہڑے کسے وی مرید واسطے مشکل نئیں. سلسلہ عظیمیہ وچ روائتی پیری مریدی، گدی نشینی، جبہ و دستار دے بجائے سادہ تے جدید طریقہ کار اے جیندے وچ فرقہ وارانہ معاملات توں ہٹ کے صرف علمی، تربیتی تے روحانی معاملات ہی زیر بحث رہندن. سلسلہ عظیمیہ دے اکابرین نے اپݨا خانقاہی نظام قائم کرݨ واسطے پاکستان تے بیرون ملک مراقبہ ہال قائم کیتے. جنہاں وچ مرکزی مراقبہ ہال سرجانی ٹاؤن کراچی، مراقبہ ہال پشاور، مراقبہ ہال لاہور، مراقبہ ہال ملتان ، مراقبہ ہال ماسکو وغیرہ قابل ذکر ہن. تمام مراقبہ ہال درحقیقت تعلیمی، تربیتی تے روحانی مراکز ہن جنہاں دے انچارج مقرر کیتے ویندن جنہاں کوں نگران مراقبہ ہال آکھا ویندا اے.

سلسلے دے قیام توں بعد ٢٧ جنوری ١٩٧٩ وچ امام سلسلہ سید عظیم برخیاہ حضرت قلندر بابا اولیاء وصال فرما ڳئے تے اپݨے بعد سلسلے دے زمہ داریاں حضرت خواجہ شمس الدین عظیمی دے سپرد فرما ڳئے جہڑے موجودہ خانوادہ ہن تے سلسلے دے تعلیمات پوری دنیا وچ علمی و عملی انداز نال پیش کریندے پے ہن.

سلسلے دا روحانی مرکز

سلسلہ عظیمیہ دا روحانی و تربیتی مرکز سرجانی ٹاؤن کراچی وچ ہے جتھاں ہر سال ٢٧ جنوری کوں قلندر بابا اولیاء دا عرس منایا ویندا اے جیندے وچ پوری دنیا توں لوگ شرکت کریندن. مرکز وچ ہک جامع مسجد، مرکزی مراقبہ ہال، مزار قلندر بابا اولیاء، زائرین واسطے رہائشی بلاک، لنگرخانہ وغیرہ شامل ہن. مرکزی مراقبہ ہال دے زیر نگرانی ملک سمیت دنیا دے کئی شہراں وچ مراقبہ ہال قائم کیتے ڳن. انہاں مراقبہ ہالز وچ سلسلے دے تعلیمات تے مبنی کتاباں تے لیکچر ݙتے ویندن تے انہاں دی تشریح کیتی ویندی اے. انہاں کتاباں وچوں لوح و قلم (قلندر بابا اولیاء)، مراقبہ (خواجہ شمس الدین عظیمی)، پیراسائیکالوجی (خواجہ شمس الدین عظیمی)، خطبات ملتان (خواجہ شمس الدین عظیمی) وغیرہ قابل ذکر ہن.

مزید ݙیکھو

• حضرت حضرت بابا تاج الدین ناگپوریؒ رحمۃ اللہ علیہ، حضور قلندر بابا اولیاءؒ دے نانا تے پہلے روحانی استاد
• حضور قلندر بابا اولیاء رحمۃ اللہ علیہ، بانی سلسلہ عالیہ عظیمیہ
• حضرت قلندر علی سہروردی رحمۃ اللہ علیہ، حضور قلندر بابا اولیاءؒ دے روحانی استاد
• حضرت خواجہ شمس الدین عظیمی، خانوادۂِ سلسلۂِ عالیہ عظیمیہ
• بدر عظیمی
• عبیداللہ درانی
• ڈاکٹر عبدالقادر
• عائشہ قیوم عظیمی
• محمد نواز عظیمی
• فاروق حیدر عظیمی
• وقار یوسف عظیمی
• میاں مشتاق احمد عظیمی
• سید طاہر جلیل عظیمی (پرنسپل روحانی اکیڈمی لاہور).
• روحانی اکیڈمی لاہور
• مرکزی مراقبہ ہال، کراچی
• مراقبہ ہال، لاہور
• مراقبہ ہال، ملتان
• مراقبہ ہال، بہاولپور
• مراقبہ ہال، گوجرانولہ