حضرت بابا تاج الدین ناگپوریؒ

حضرت بابا تاج الدین ناگپوریؒ

بابا تاج الدینؒ (21 جنوری 1861ء تا 17 اگست 1925ء) دی پیدائش ہندوستان وچ تھئی تے منݨ والے انہاں کوں صوفی تے گرو جی وغیرہ منیندے ہن۔ آکھا ویندا ہے کہ رہائش ناگپور وچ اختیار کیتی۔ نوعمری وچ یتیم تھیوݨ دے بعد پرورش نانی تے چاچا عبد الرحمان نے کیتی۔ ناگپور دے قریب کمتھی (Kamthi) دے ہک مدرسے وچ وی داخلہ گھدا جتھاں آپؒ دی ملاقات عبد اللہ نامی ہک شخص نال تھئی تے ہیں شخصیت توں روحانی طریقیاں دے بارے وچ معلومات حاصل کیتی.

اپݨی جوانی وچ بابا تاج الدینؒ کوں ہک مرتبہ اپݨا لباس اتار کے مکمل طور تے برہنہ تھی کے ہک برطانوی پولو دے کھیݙ دے قریب چلدے پھردے پاتا گیا جینکوں ݙیکھ کے اتھاں موجود خواتین مبہوت رہ گئیاں تے بابا تاج الدینؒ کوں ناگپور دے ہک تیمارستان مجانین (insane asylum) وچ داخل کر ݙتا گیا۔ تیمارستان وچ داخل دیگر مجانین (جمع برائے مجنون) و دماغی مریضاں (جنہاں وچوں کجھ وچ دنیاوی شعور باقی ہوسی) نے تاج الدینؒ کوں گـرو و پیر یا پہنچا ہویا مشہور کر ݙتا تے ایہ گونج تیمارستان دے باہر وی پہنچی تاں لوگ (جنہاں وچ اکثر اپݨے اپݨے مریضاں دے متعلقین ہی ہوسن) دیدار و درشن کیتے آوݨ لگے۔ سزا معاف تھیوݨ دے بعد تیمارستان دے نگہبان نے تاج الدینؒ دے ناں توں مشہوری حاصل کرݨ دی خاطر اپمے کول رہݨ کوں آکھا، آپؒ نے زیادہ عرصہ اس دے کول رہݨ دی بجائے خود الگ اپݨا آشرام (سنسکرت برائے خانقاہ) قائم کرݨ کوں ترجیح ݙتی۔

مزید ݙیکھو

• محمد رسول اللہ صلی اللہ علیہ وسلم، خانوادہ سلسلہ عظیمیہ دی ہک تصنیف، سرائیکی ترجمہ، اسماعیل بھٹہ
• حضرت سلسلہ عظیمیہ
• حضور قلندر بابا اولیاء رحمۃ اللہ علیہ، بانی سلسلہ عالیہ عظیمیہ
• حضرت قلندر علی سہروردی رحمۃ اللہ علیہ، حضور قلندر بابا اولیاءؒ دے روحانی استاد
• حضرت خواجہ شمس الدین عظیمی، خانوادۂِ سلسلۂِ عالیہ عظیمیہ
• قلندر شعور، تصنیف، حضرت خواجہ شمس الدین عظیمی، سرائیکی ترجمہ، اسماعیل بھٹہ
• وقار یوسف عظیمی
• میاں مشتاق احمد عظیمی
• سید طاہر جلیل عظیمی (پرنسپل روحانی اکیڈمی لاہور).
• روحانی اکیڈمی لاہور