سید طاہر جلیل عظیمی

سید طاہر جلیل عظیمی، سلسلہ عالیہ عظیمیہ دے ہک ذمہ دار رکن تے ہک معروف علمی تے روحانی شخصیت ہن. آپ دا تعلق گوجرانوالہ نال اے تے آپ گوجرانوالہ مراقبہ ہال دے انچارج وی ہن. سلسلہ عظیمیہ دے خانوادہ حضرت خواجہ شمس الدین عظیمی دی زیر شفقت قائم کردہ روحانی اکیڈمی لاہور دے بانی تے پہلے پرنسپل وی ہن. آپ نے مارکیٹنگ وچ ایم بی اے دی ڈگری حاصل کیتی تے ایندے علاوہ پنجاب یونیورسٹی توں طب دے شعبے وچ اعلٰی تعلیم حاصل کیتی نیں تے سینچری ٹاور، فیروزپور روڈ لاہور وچ قائم ہک دواخانے دے مالک وی ہن.

مراقبہ ہال گوجرانوالہ دے قیام دے بعد ایندا انتظام

سلسلہ عظیمیہ دے سربراہ حضرت خواجہ شمس الدین عظیمی ہوراں دی ہدایات تے عمل کریندے ہوئے دیگر وݙے شہراں دی طرح گوجرانوالہ وچ وی مراقبہ ہال قائم کیتا ڳیا تاکہ سلسلہ عظیمیہ وچ بیعت تھیوݨ والے خواتین و حضرات کوں رہنمائی مل سڳے. مراقبہ ہال گوجرانوالہ دا انچارج خواجہ صاحب دے حکم تے سید طاہر جلیل عظیمی ہوراں کوں بݨایا ڳیا جتھوں روحانی رہنمائی دا کم جاری و ساری اے.

روحانی اکیڈمی، لاہور دا قیام

روحانی علوم تے سلسلہ عظیمیہ دے روحانی مشن کوں روحانیت دے متلاشی خواتین و حضرات واسطے عام کرݨ دے کارݨ، خانوادہ سلسلہ عظیمیہ دی اجازت نال روحانی اکیڈمی، لاہور دا قیام عمل وچ آیا جیندا پرنسپل طاہر جلیل عظیمی صاحب کوں مقرر کیتا ڳیا.

روحانی خدمات، لیکچرز، سیمینار تے کانفرنسز دا انعقاد

طاہر جلیل عظیمی، روحانی اکیڈمی تے مراقبہ ہال گوجرانوالہ توں روحانی خدمات فراہم کرݨ دے علاوہ اپݨے منعقد کردہ روحانی سیمینارز، کانفرنسز تے لیکچرز دے ذریعے وی لوگاں کوں روحانی جانکاری ݙیندن. جنہاں وچوں کجھ دی تفصیل اے ہے.

پنجاب یونیورسٹی دے زیراہتمام، خواباں دے موضوع تے لیکچر

پنجاب یونیورسٹی شعبہ جینڈر سٹڈیز تے عظیمیہ روحانی لائبریری پنجاب سوسائٹی دے زیرِ اہتمام خواباں دے اسرار تے انہاں دے زندگی تے اثرات دے موضوع تے سیمینار دا اہتمام کیتا ڳیا ہئی. ایں موقے تے سید طاہر جلیل عظیمی نے خصوصی لیکچر ݙتا. طاہر جلیل عظیمی نے آکھا کہ انسان محسوسات تے حساں دا مرکب ہے تے انسانی زندگی کوں مادی طور تے سمجھݨا کافی نی، ایندا روحانی پہلو وی ہے جیندے توں پہلو تہی نی کریج سڳدی ۔ انہاں نے آکھا کہ ساݙا مادی جسم وقت تے جگہ دا مرہون منت ہے جبکہ نوری جسم انہاں ݙوہاں قیداں توں آزاد ہے ۔

مزید ݙیکھو

• محمد رسول اللہ صلی اللہ علیہ وسلم، خانوادہ سلسلہ عظیمیہ دی ہک تصنیف، سرائیکی ترجمہ، اسماعیل بھٹہ
• حضرت حضرت بابا تاج الدین ناگپوریؒ رحمۃ اللہ علیہ، حضور قلندر بابا اولیاءؒ دے نانا تے پہلے روحانی استاد
• حضور قلندر بابا اولیاء رحمۃ اللہ علیہ، بانی سلسلہ عالیہ عظیمیہ
• حضرت قلندر علی سہروردی رحمۃ اللہ علیہ، حضور قلندر بابا اولیاءؒ دے روحانی استاد
• حضرت خواجہ شمس الدین عظیمی، خانوادۂِ سلسلۂِ عالیہ عظیمیہ
• قلندر شعور، تصنیف، حضرت خواجہ شمس الدین عظیمی، سرائیکی ترجمہ، اسماعیل بھٹہ
• وقار یوسف عظیمی
• میاں مشتاق احمد عظیمی
• سلسلہ عظیمیہ
• روحانی اکیڈمی لاہور