تصوف
تصوف دا لفظ اوں طریقہ کار یا اسلوبِ عمل کیتے اختیار کیتا وین٘دا ہے جین٘دے اُتے کوئی صوفی عمل کریندا ہے۔ تصوف کوں منݨ آلے آہدے ہن جو تصوف قرآنی اصطلاح وچ تزکیہ نفس تے حدیث دی اصطلاح وچ احسان ہے۔ پراݨے صوفیاں دے نیڑے ایہ اللہ سائیں تائیں پہنچݨ دی راہ ہے۔
ݙٹھا ون٘ڄے تاں عملی طور تے تصوف حیاتی گذارݨ دا ہک ایہجا انوکھڑا تے نویکلا طریقہ ہے، جیندا ہکو مقصد ہے تے او مقصڈ ربِ جلیل دی مجرّد آواز تے اوندا مجرّد ݙیکھݨ تے اون٘دا قرب تے نزدیکی حاصل کرݨ ہے۔ تصوف دا ایہ انداز انساں آپݨے آپ کوں پہچاݨݨ اُتے اختیار کر سڳدے۔ تے او وی محض وجدان تے عرفان دے راہوں حاصل کر سڳدے۔ عقل تے علم دے راہوں کائے ناں۔
تصوف دی غرض عشق الہی کنوں نصیب تھیوݨ آلے انعاماں دے سوا ٻیا کجھ وی کائے نی۔ صوفیائے کرام دے سارے اعمال، مجاہدات، کشف وکرامات تے تزکیہ نفس دا محرک وی ذات مطلق دا عشق ہے۔ جیکر کہیں طرحاں اینجھا عشق نصیب تھی ون٘ڄے تاں آدمی تصوف دے جہان وچ ون٘ڄ وڑدے۔ ایں اُچی تے نویکلی منزل توڑیں پُڄݨ کیتے راہ وچ ترائے منزلاں آندن، تے اسنہاں کنوں لنگھݨ ویلے ہی پختگی تے کامیابی حاصل تھیندی ہے، تے آدمی آپݨی منزل مقصود تائیں ون٘ڄ پُڄدے۔ ایہ ترائے منزلاں ایہ ہن:
- فنا فی الشیخ
- فنا فی الرسول
- فنا فی اللہ
صوفیائے کرام مسئلہ وحدت الوجود کوں تصوف دا بنیادی مسئلہ سمجھدن تے این٘دا ایرا ایں ڳالھ تے رکھین٘دن ، جو کُل کائنات محض ہکو خدا ای ہے، اوں کنوں غیر ٻئی کوئی شئے کائنی۔
شریعت وچ تصوف دی کوئی ڳالھ کائنی۔ ٻئے لوکاں دے نزدیک ایہ ناپسندیدہ عمل ہے۔ اینکوں کجھ علماء نے رَد وی کیتے۔ تصوف دی شریعت وچ کائی جاہ کائنی۔ قرآن مجید وچ تصوف بارے کجھ کائنی آکھیا ڳیا تے نہ ہی اسلام دے پیغمبر حضرت محمد ﷺ نے تصوف دے بارے کجھ آکھیا ہے۔
کیونکہ تصوف آلے خدا کوں ڳولین٘دے ڳولین٘دے خود خدا بݨ وین٘دے ہن تے خدائی صفات ظاہر کریندے ہن۔ تصوف دے ناں تے پیسہ ٹکہ زمین جائیداد بݨائی وین٘دی ہے۔ تے وت اوندے زار تے سیاست تے ہیرا پھیری کیتی ویندی ہے۔ تصوف ہک وراثتی کم ہے۔ پیر صاحب دے بعد اوندا پُتر پی بݨدا ہے۔ اتھاں وراثے چلدی ہے۔
تصوف دے مشہور سلسلے ایہ ہن؛
- سلسلہ قادریہ
- سلسلہ نقشبندیہ
- سلسلہ سہروردیہ
- سلسلہ چشتیہ سرائیکی وسیب دا سماڄی اتے تاریخ پس منظر وچ مطالعہ ایں ڳالھ دی نشاندھی کریندے جو اے خطہ امن ، محبت ، رواداری ، عدم تشدد ، برداشت ، انسان دوستی ، تصوف دی خصوصیات نال جڑیا ہویا ہے۔ بھانویں جو اے خطہ صدیاں کنوں استحصال دا شکار ہے۔ جیندی وجہ کنوں ݙکھ، مونجھ، غم ، اداسی ایں وسیب دا استعارہ بݨ ڳئے۔ مگر ایں خطے دا مزا ج صوفیانہ ہے۔ کیوں ایں وسیب دے لوک امن، محبت دے دلدادہ ہن۔ ایں کیتے سرائیکی شاعری دا موہری حوالہ تصوف ہے۔ سرائیکی وچ قدیم اتے جدید یعنی اڄوکے عہد دی شاعری تصوف دی تعلیمات نال لبریز ہے اتے ایہو ای ایندا بݨیادی موضوع ہے۔ ایں دھرتی کوں حضرت بہاؤ الدین زکریا ملتانی، سید جلال الدین سرخ بخاری، مخدوم حمید الدین حاکم، مخدوم جہانیاں جہاںگشت، محکم الدین سیوانی، حضرت خواجہ نور محمد مہاروی، حضرت خواجہ سلیمان تونسوی ، حضرت خواجہ غلام فرید ، جیہاں ہستیاں نے اپݨیاں تعلیمات اتے روشن فکر دے راہیں سوجھل دگ ݙکھائے۔ حضرت خواجہ غلام فرید دے سرائیکی شاعری صوفیانہ اسرار و رموز دا ہک خزانہ ہے۔ انہاں دی شاعری اِتھ وسدے محروم لوکاں کیتے ہک ڈھاڑس ہے۔ کلام فرید ایں خطے دی تہذیبی، تاریخی اتے ثقافتی جزئیات دا امین ہے۔ انہاں دے کلام دی معرفت سرائیکی خطہ اپݨے قومی اتے سیاسی شعور تک پجے۔ خواجہ غلام فرید دی شاعری دا اہم موضوع تصوف اتے عشق دا تسلسل سرائیکی کافی دی صورت وچ اڄوکے عہد (٣٠٠٠ء، کنوں٢٠٢٢ء) تک جاری و ساری ݙسدن۔ عشق اتے وحدت ، اڄو کے عہد وچ نویں رنگ اتے روپ وچ سامݨے آندے۔ ٢٠٠٢ء دے سرائیکی شاعری دے منظر نامے در دید بھنوائوں تاں، اندے وچ سرائیکی کافی جہیں شعری صنف دوبارہ لکھیجݨ شروع تھیندی ݙسدی ہے۔ ایں دی سرائیکی کافی عشق و محبت ، سماڄی مسائل ، تل وطنی روایت اتے تصوف دے مضامین نال گوڑھی جڑت رکھیندی ہے۔سن ٢٠٠٢ء وچ سرائیکی شاعری دے منظر نامے تے'' جیوݨ جوڳ''کتاب لڑی چھپی۔ لکھدن: '' ایندے جوگ وند، شبیر حسن اختر ہن۔ ایں بارے رفعت عباس ''جیوݨ جوگ'' سرائیکی شاعری دی ہک نویں اہر ہے۔ ایہ اہر بندے تے اوندے ورثاء دے اُتے ہک یقین ہے۔ اپݨی پوری ریست نال ایہ اہر تصوف دے اُوں پک وچوں نشری ہے۔ جیہڑھی بندے کوں عاشق بݨا ڈیندی ہے۔ اساں سرائیکی شاعری کوں ااپݨی تل وطنی روایت دے نال نال پورے جڳ دی ریت وچوں نواں ݙیکھݨا چاہندے ہیں۔'' منڈھ قدیم توں گھن تے اڄوکے دور تئیں ''کافی'' سرائیکی خطے وچ تھیوݨ والی شاعری دا معتبر اتے مؤثر روپ ہے۔ اڄوکے دور وچ رفعت عباس سرائیکی کافی کوں ہک نویں رنگ وچ سامݨے گھن تے آندن۔سن ٢٠٠٠ء دے ڈہاکے دے دوران سرائیکی دیاں جو کتاباں چھپ کے سامݨے آئن۔ انہاں وچوں رفعت عباس دی کتاب '' عشق اللہ سئیں جاڳیا'' شمیم عارف قریشی دا شعری مجموعہ، ''نیل کتھا'' سلمان سہو دا کافیاں دا مجموعہ ''کن توں پہلے'' چھپ کے سامݨے آئے۔ انہاں شعری مجوعیاں وچ کافیاں دی زبان تے ٻیان دا نواں ورتارا نظر آندے۔ انہاں کافیاں وچ نا انصافی دے خلاف جدوجہد، رومانیت ، مظاہر فطرت ، وسیبی رویاں دا نواں ورتارا وسیب دے مزاڄ دی مٹھاس واضح نظر آندی ہے۔ ڈاکٹر چانڈیو لکھدن: ''میکوں لگݙے جو کافی دے ساہ (Contant)وچوں خوشبو اَمدی ہے۔ (i) ۔ اپݨے لوکیں نال جڑت دی انہاں دے سماڄی ، تہذیبی تے سیاسی ورتارے نال انہاں دی زبان وچوں۔ (ii)۔ اپݨے عہد دے میوزیکل ردھم وچوں اوندے تال بݨݨ دے عرفان دی (iii)۔ بے خودی یا وارفتگی دے اُوں مزاڄ دی جیہڑھا تصوف یا لوک تصوف دی جھال ݙیندے۔''(٨) نویں سرائیکی کافی اپݨے اندر ہک تخلیقی رس رکھیندی ہے۔ نویں سرائیکی کافی جدید موضوعاتی رحجانات ، لوک تصوف، جبر دے اڳوں مزاحمت ، عشق دی نویں تفہیم دے باوجود کلاسیکی طرز احساس نال وی جڑت رکھدی ہے۔ اڄوکے دور دے نویں سرائیکی کافی لکھݨ آلے شاعراں دے کافیاں بطور نمونہ پیش ہن۔ نمونہ کلام عاشق بزدار: سینگیو کاڄ سُہاوو ویڑھے چندر لہاوو موسم مست بہار اچ سِک دے کُنت وجاوو پھل سر زمین دے گل وچ نچ ٹپ یار مناوو اپݨی پھاہی مونڈھیں چاوو چا ݙکھلاوو آپݨے من دیاں ڳالھ یں کر کے من پر چاوو (٩)
تصوف
[لکھو | ماخذ وچ تبدیلی کرو]- رفعت عباس سرائیکی زبان دے اینجھے شاعر ہن۔ جنہاں کافی جہیں کلاسک صنف کوں ہک واری ول جیندا جاگدا کیتے۔'' عشق اللہ سئیں جاڳیا''۔ (٢٠٠٥ء)، ''مُکھ آدم دا (٢٠٠٩ء)، انہاں دیاں کافیاں دے مجموعے ہن۔ انہاں دیاں کافیاں کلاسیکل اتے جدید اندز فکر نال ہم آہنگ ہن۔ انہاں اڄوکے دور دے موضوعات کوں کافی وچ موضوع سخن بݨائے۔ محمد عارف ، انہاں دی کافی بارے لکھدن: ''انہاں دیاں کافیاں وچ تصوف تے صوفیانہ خیالات دی ہک نویں تشریح تے تعبیر ملدی ہے۔ خالق تے مخلوق دے رشتے د ے حقیقی تے اصلی تعلق دی دریافت رفعت عباس دا شعری کارنامہ ہے۔ '' (١٠) ''مکھ آدم دا '' ایں کافیاں دے مجموعے وچ ٩١ کافیاں شامل ہن۔ کافیاں دے ایں مجموعے وچ وی انہاں اپݨے لطیف جذبات ، احساسات کمال خوبی نال ٻیان کیتے۔ رفعت عباس دی کافی نے وسیب وچ توجہ حاصلی کیتی اتے کافی گوئی ہک تحریک بݨ تے سامݨے آئی۔ حفیظ خان لکھدن: "ویہویں صدی کے چھیکڑ تے اکویویں صدی دی شروعات وچ رفعت عباس دی کافیاں دے ذریعے شروع تھیوݨ آلی کافی گوئی دی تحریک ستمبر ٢٠٠٦ء وچ نمائندہ وسیبی دانش کوں اپݨے پاسے متوجہ کرݨ وچ کامیاب تھی ڳئی۔ کافی گوئی دی ارتقا پذیر روایت کوں ایندے عظیم ماضی توں زمانہ حال دے تناظر وچ جوڑݨ کیتے ''سویل'' ضلع راڄن پور دے زیر اہتمام کوٹ مٹھن وچ ''کافی تے اڄ دا تہذیبی عرفان'' دے موضوع تے عاشق بزدار اتے تاڄ گوپانگ ہک کانفرنس دا انعقاد کیتا۔'' (١١) رفعت عباس دی ہک جدید رنگ دی کافی ملاحظہ کرو: کوئی رب بہادر فوجی نئیں جیہڑھا قبضہ ملک تے کر گھنے کوئی رب بھاڑے دا لشکر نئیں جیہڑھا جنگ کہیں دی لڑ گھنے کوئی رب اُبالہا حاکم نئیں جیہڑھا رہ ٹردیاں کر دھر گھنے رب قاضی کہیں دی بازی نئیں کوئی رب سرکاری مخبر نئیں جیہڑھ سبھ اخباراں پڑھ گھنے(١٢) رفعت عباس دی کافی ویہویں (٢٠) صدی وچ وقوع پذیر تھیوݨ والے تاریخی انکشافات اتے نویں سماڄی ترٹ بھج ، نویں شعور تے نویں سجاکی کوں سامݨے گھن آندی ہے۔
حوالہ
[لکھو | ماخذ وچ تبدیلی کرو]- اڄوکی سرائیکی شاعری دا جائزہ ۔ مصنف : فرحت چغتائی ۔ ناشر: جھوک پبلشرز ملتان