سرائیکی وسیب دے لوک گھاٻوٹ

سرائیکی وسیب دی دھرتی اَڄ تُوں نی بلکہ ازل دی زرخیز اَمدی پی ہے، اِتّھاں دی زرعی پیداوار وِچ وݙیاں وݙیاں فصلاں دے علاوہ گھاٻوٹ وی خاص اہمیّت دے حامل ہِن، اَتے اِنّھاں تُوں حُکماء حضرات پورا پورا کَم گِھندے پئن۔ سرائیکی وسیب دا اکثر علاقہ اَباد ہِے پر کُجھ علاقے مثلًا تھل تے چولستان وغیرہ غیر آباد ہِن۔ اِنّھاں غیر آباد علاقیاں وِچُوں چولستان اَتے اِتّھاں پیدا تھیوݨ آلے نباتات تے ٻہوں تحقیق تِھین٘دی پئی اے۔ چولستان وِچ عرب شہزادے اَتے پاکستان دِیاں وڳڑیاں نسلاں جِین٘دے وِچ وݙے وݙے جاگیردار، سرمایہ دار، ساہوکار، زمیندار تے افسر شامل ہِن، چولستان دے اصل سُݨھَپ، چرند پرند اَتے گھاٻوٹ دی نسل کشی کِیتے اَمدن اَتے اساݙی محبّت تے اَمن دے مرکز چولستان بندوخیں نال ساڑ چھوڑیے اِنّھاں دے مقابلے وِچ بقول ڈاکٹر طاہر تونسوی

"یورپ خصوصاً جرمنی دی ہومیو پیتھی نال وابستہ کُجھ حضرات روہی وِچ آ تے اِتّھاں دی لوک نباتاتی شئیں مثلًا لانڑاں، کھپ، کرین، جنڈ، ڈودھک، لونگ، راٹ سٹ، گندی ٻوٹی، گھوڑے وال، لانی، کھار، بوپھلی، پھتوکڑ، چھپری، قطرن، بکھڑا، پرم ݙنّی، گورکھ پان، ڄال، ٻونا ٻوٹی، کھوی وغیرہ تے تحقیق شروع کِیتی اے، اَتے اِینکُوں حکمت دے اعتبار نال بہترین قرار ݙِتّے۔"

کیا ایہ بہتر ناں ہوسے جو حکومتِ پاکستان چولستان ریسرچ سنٹر قائم کرے ڄیکر حکومت اِین٘ویں کرے تاں اَساکوں یقین اے جو اِتُّھوں ٻہوں کُجھ حاصل تِھیسے، اَتے چولستان دی نباتات، معدنیات اَتے ریت دے ذرّات تے تحقیق کرے، ان شاء اللہ اے ریت دے ذرّے سونے تُوں وَدھ قیمتی ثابت تِھیسِن۔

                     

ٻیا ݙیکھو

• سرائیکی وسیب اَڄ وی عظیم اے۔

• ملتان دی لوک تہذیب۔

• سرائیکی وسیب دے لوک پہناوے۔

• سرائیکی وسیب دے لوک مذاہب۔

• ملتان، لوک تہذیب تے روحانیّت دا مرکز۔

ٻاہرے رابطے

• فصلاں دے بارے تفصیل ݙیکھو سرائیکی ٻولی وِچ
• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔۔ ۔ ۔۔ ۔ ۔ ۔ ۔ ۔