سرائیکی ادبی تاریخ تے ادبی بد دیانتی

جدید تحقیق اتے جامعیاتی تحقیق وچ کتابیات دی تفصیل، مصنف داناں، کتاب دا ناں، چھپݨ دا مقام، ادارے دا ناں تے سال اشاعت ،صفحہ نمبر دا اندراج بنیادی شرط ہے۔ جیڑھا تحقیقی عمل وچ حوالہ جاتی مآخذ دی نشاندہی کریندے، ایں تناظر وچ ڈاکٹر سجاد حیدر پرویز دی ایہ کتاب سرائیکی ادبی تحقیق کرݨ والے طالب علماں تے محققین کیتے ٻہوں فائدے مند ہے، ایں کتاب وچ درج ہک کتاب دے مندرجات ملاحظہ کرو:

"سرائیکی لوک گیت" (سلسلہ نمبر 89) "ڈاکٹر مہر عبدالحق دی کتاب "سرائیکی لوک گیت" بزم ثقافت ملتان نے 1994ء وچ چھاپی ہئی، ایندا نواں ایڈیشن بے نام بن تے 1991ء وچ ولا وچھاپے تے ایندے 136 صفحے ہن‘‘^[١]

ڈاکٹر سجاد حیدر پرویز نے اپݨی ایں کتاب "سرائیکی ادب ٹورا تے پندھ" دے صفحہ نمبر 12 توں 48 تائیں دے وچ "سرائیکی ادبی تاریخ تے ادبی بد دیانتی" دے عنوان نال ہک مفصل مضمون لکھیے، جیندے وچ انہاںسرائیکی ادبی جائزیاں دے حوالے نال بحث کریندے ہوئے ایہ لکھیے جو سرائیکی ادب دے سالانہ جائزے ڈاکٹر سجاد حیدر پرویز دی اپݨی عملی کاوش دا نتیجہ ہن تے او لکھدن:

"سرائیکی ادبی ٹور 1993ء جینکوں سرائیکی ادبی بورڈ ملتان چھاپیا ہا، کوڑ تے سچ دا نکھیڑا کر چھوڑاں۔ایںکتابچے تے 22 جنوری 94ء دی تاریخ درج اے۔ اصل وچ ایہ کتابچے فروری دے چھیکڑ تے چھپئے۔ جیڑھلے جو میݙا جائزہ یکم فروری کوں چھپ چکیاہا۔ میݙا دعویٰ اے ہے جو ’’ سرائیکی ادبی ٹور 1993ء‘‘ ایندا چربہ ہے۔ کتاب دا عنوان ’’ میݙی ڈائریکٹری سرائیکی مصنفین‘‘ مطبوعہ یکم دسمبر 93ء صفحہ 143 تے درج میݙی آوݨ والی کتاب دے ناں توں گھِدا ڳئے۔ کتابچے دا پہلا صفحہ سئیں ڈاکٹر طاہر تونسوی نے لکھیئے جیندے وچ لکھدن: میں خود سرائیکی ادب دا جائزہ لکھݨ دا آغاز کیتا تے ایں روایت کوں لوکیں قائم رکھے‘‘۔ ایہ فقرہ خاص مقصد دے تحت لکھیا ڳئے تاں جو میݙا ناںکٹناں نہ پووے۔ کیوںجو 1984ء توں 1992ء تک صرف میݙے ہی جائزے چھپے ہن‘‘^[٢]

ڈاکٹر سجادحیدر پرویز نے اپݨی کتاب دے شروع وچ ݙتے ڳئے مضمون وچ سرائیکی ادبی جائزہ نویسی کیتے اپݨی خدمات دا ذکر کیتے، ایہ بیان کیتے جو حمید الفت ملغانی، بعد وچ ادبی جائزیاں دا کم شروع کیتے۔ کتاب وچ شامل مضامین ایںکتاب وچ 28 کتاباں نے تبصرے ،36 کتاباں نے باقاعدہ مضامین شامل کیتے ڳئین۔^[٣]