رنگ پور

سرائیکی وسیب دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔ سرائیکی وسیب ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔

مظفر گڑھ

ضلع مظفر گڑھ سرائیکی دا ہِک اہم شہر ہِے۔ اِیندے شمال وِچ لیّہ، مشرق والے پاسے دریائے چناب تے اِیندے پار ضلع ملتان ہِے، جنوب دے پاسے ضلع بہاول پور تے ضلع رحیم یار خان ہِن، مغرف دے پاسے دریائے سندھ اَتے اِیندے پار ڈیرہ غازی خان تے راجن پور دے اضلاع ہِن۔ مظفر گڑھ دِی بنیاد نواب مظفر خان نے ہِک قلعہ بݨوا تے رکھی ہَئی، علم و اَدب دِی روایت اِبتداء تُوں اِی چلدی آندی ہِے۔

رنگ پور (قصبہ)

رنگ پور دا لوک اَدب

رنگ پور، ضلع مظفر گڑھ دا ہِک تاریخی قصبہ ہِے۔ اِیہ قصبہ، ضلع جھنگ دِی سرحد اُتے ہِے۔ تے اِینکوں رنگ پور کھیڑیاں والا وِی آکھیا ویندے۔ اِیہ قصبہ ہیر رانجھا دی داستان دِی وجہ کنوں مشہور ہِے۔ اِیہ قصبہ مُغل دور وِچ آباد تھیا ہَئی۔ شعر و اَدب دے حوالے نال خلیق ملتانی اِتھوں دِی سُنڄاݨ رکھدن۔ اُنہاں دا اَصل ناں بہاول بخش ہِے تے اُو رنگ پور وِچ 1912ء توں پیدا تھئے تے 1982ء وِچ وفات پا ڳئے۔ چچلاندے پَھٹ (نظم)، تصویر ملتان (نظم)، گلدستہ سرائیکی (نظم)، گنجینۂ وظائف (مرثیے)، اُنہاں دِیاں تصانیف ہِن۔ ساحر رنگ پوری دا تعلق وِی اِیں شہر نال ہِے۔

ٻِیا ݙیکھو

• مظفر گڑھ

• سرائیکی لوک ادب

ٻاہرلے جوڑ  

• ڈاکٹر خالد اقبال صیب دی لائبریری دا ٻِیا مواد

• تاریخ ملتان۔ حصّہ اوّل آرکائیو تھئی ہوئی۔ (آرکائیو ڈاٹ او آر جی) اُتے۔

• ملتان دے وِچ سرائیکی ٻولی دا علمی اَدبی خزانہ جیڑھا انجو انج لائبریریاں وِچ موجود ہِے۔۔۔۔۔۔۔۔