اُستاد خلیل الرحمٰن چشتی اتے ٻئے دستکار

اُستاد خلیل الرحمن چشتی[لکھو | ماخذ وچ تبدیلی کرو]

اے فن پارہ خطِ ثلث دی زبردست کمپوزیشن اِچ ہے اَتے آیت استاد خلیل الرحمن چشتی نے آپݨی تخلیقی صلاحیت نال لکھی ہِے۔ خلیل الرحمن چشتی منشی طفیل احمد قادری دے شگرد ہَن۔ زیادہ عمر روزنامہ ’’اِمروز‘‘ اِچ کتابت کیتی وَت اردو بازار ملتان دے نیڑے پراݨی غلہ منڈی اِچ ’’دارالخطاطی‘‘ دے ناں نال ادارہ بݨا تے خطاطی دا کم کریندے ریہے۔ اتھاں انہاں دے کئی شگرد بݨے۔ آپ خطِ ثلث، خطِ نسخ اَتے خطِ نستعلیق دے لاجواب خطاط ہَن۔ عرب مُلکاء اِچوں انہاں کوں اخباراں دی زیب و زینت کیتے دعوت ݙتی گئی ہئی۔

اُستاد خلیل الرحمن چشتی دے ہِک مہاندرے شاگرد عاشق اِلٰہی[لکھو | ماخذ وچ تبدیلی کرو]

اے فن پارہ اُستاد خلیل الرحمن چشتی دے ہِک مہاندرے شگرد عاشق اِلٰہی دا خطِ نستعلیق اِچ رقم شدہ ہِے۔ عاشق اِلٰہی نے ملتان دے کئی اخباراں اِچ کتابت کیتی۔ سنگِ مر مر دے سِلھاں تے وی کتبیاں دِی کتابت اَتے کھدائی دا وِی انہاں نے وݙا کم کیتا۔

اُستاد خلیل الرحمن چشتی دے ہِک ٻئے مہاندرے شگرد[لکھو | ماخذ وچ تبدیلی کرو]

اُستاد خلیل الرحمن چشتی دے ہِک شگرد حافظ حبیب الرحمن ملتانی دے تخلیق کیتے ݙو فن پارے۔

اُستاد سئیں محمد سلیم چشتی[لکھو | ماخذ وچ تبدیلی کرو]

ملتان دی روایتی خطاطی دے ہِک ٻئے استاد سئیں محمد سلیم چشتی دے ہتھ دا لِکھیا ہویا ہِک بیضوی طغریٰ۔ خطِ ثلث دے لفظاں کوں ٻہوں سوہݨے انداز اِچ بیضے دی شکل اِچ کمپوز کیتا ڳے۔ استاد سلیم چشتی سئیں وی ملتان اِچ خطاطی دا سنگھار ہَن۔ انہاں دے ٻہوں شگرد وی ہَن۔ انہاں دا کم وݙا نفیس اَتے قبولِ عام ہئی۔ کئی اخباراں اِچ کتابت دا کم کیتا وَت ڄݙاں کمپیوٹر اِچ اخباری لکھائی تھیوݨ لگی تاں اُنہاں نے پازیٹو میکنگ دا کم دی ٻہوں عرصہ کیتا۔

ابنِ کلیم احسنؔ نظامی موجدِ خطِ رعنا دے ہِک شگرد[لکھو | ماخذ وچ تبدیلی کرو]

[لوک فنِ خطاطی]] دا اے فن پارہ 1399ھ وِچ لکھیا ڳے۔ آیت دی اُتلی لائن خطِ نسخ اِچ وِچلی خطِ ثلث اِچ اَتے تلویں لائن خطِ نستعلیق اِچ لکھی ڳئی ہِے۔ اَتے بسم اللہ خطِ رقعہ اِچ ہِے۔ اے ترے آیتاں بٹر پیپر تے ڈائرکیٹ پیلیکن انک نال لکھیا ڳین، اے شہکار فن پارہ حافظ محمد سراج سعیدی دا لکھیا ہویا ہِے۔ ڄہڑھے ڄو موجدِ خطِ رعنا ابنِ کلیم دے شگرد ہَن۔ اَتے خطاط ہفت قلم دا مرتبہ رکھدن۔^[١]