الحاج منظور احمد احقر دستکار
خاندانِ قادریہ جیلانیہ دے انہاں بزرگاں اِچوں ٻہوں سارے خوش نویس خطاط اَتے آرٹسٹ تھئے ہن ڄنہاں ملتان دی دھرتی کوں خوشخطی توں مالا مال کرݙتا۔ تھیا اِیں ڄو الحاج منظور احمد احقرؔ سئیں نے ہمدرد پرنٹنگ پریس دے ناں نال ہک نشریاتی ادارہ قائم کیتا ڄیڑھی تحریر خوبصورت لکھی ونجے ہا اُوکوں چھاپ تے عام کر ݙیندے ہَن۔ اینویں سئیں محبوب احمد اویسی ہَن ڄنہاں بوہڑ دروازے دے باہروں تاج محل سینما دے سامݨے یونین پرنٹنگ پریس قائم کیتاہا۔ اے ادارے کتابت اَتے طباعت دا وݙا کم کریندے ریہے پچھلی صدی دے آغاز توں اِی اخیر تئیں اَتے خاص طور تے 1947ء توں پاکستان دے قیام دے بعد انہاں اداریاں نے لوک فنِ خطاطی و خوشنویسی دے فروغ کیتے وݙا اہم کردار ادا کیتا۔ خلیفہ معین الدین سئیں دے ݙو پُتر حاجی منظور احمد احقرؔ اَتے نور احمد ہمزارؔ خطاط و خوشنویس ہَن۔ منظور احمد احقرؔ سئیں دے ترے پُتر حاجی عید احمد قادری، اعجاز رسول اَتے مقبول حسین۔ وَت نور احمد ہمرازؔ دے چار پُتر محمود احمد قادری، سلطان احمد، منظور احمد اَتے معین احمد قادری خطاطی دے فن توں آشنا ہَن۔ بعد اِچ انہاں اِچوں کئی صاحبان نے پرنٹنگ پریس آلے کم کوں ترجیح ݙتی کئیاں نے جلد سازی دے قدیمی تے روائتی فن اتے لوک فن کوں آپݨا کاروبار بݨا گِدا۔[١]
ٻِیا ݙیکھو[لکھو | ماخذ وچ تبدیلی کرو]
حوالہ جات[لکھو | ماخذ وچ تبدیلی کرو]
- ↑ از: "ابن کلیم" "ملتان دے لوک فنون وِچ روائتی خطاطی دا ارتقاء" (١٩٧٠ء تُوں پہلاں)، باہتمام: دبستان فروغ خطاطی (رجسٹرڈ)۔ (غیر مطبوعہ سرائیکی مقالہ)۔