اردو افسانیاں توں سرائیکی ترجمہ

اردو توں سرائیکی ترجمہ

منزلاں تے پندھیڑے

اردو افسانے کوں سرائیکی ترجمہ کاراں وچوں انجینئر مدثر احمد نے محترمہ پروفیسر منور رؤف دے افسانیاں دا ترجمہ کیتے۔ محترمہ فرحت نواز نے آپݨے افسانوی مجموعے ’’منزلاں تے پندھیڑے‘‘ وچ کرشن چندر، عذرا اصغر تے روشن آراء نزہت دے اردو افسانیاں دا ترجمہ شامل کیتے۔

سرائیکی افسانے کا مطالعہ

اکادمی ادبیات پاکستان (اسلام آباد) دی طرفوں سہ ماہی ’’ادبیات‘‘ ۱۹۹۳ء وچ ڈاکٹر سجاد حیدر پرویز دا مضمون ’’سرائیکی افسانے کا مطالعہ‘‘ دے علاوہ ۱۲، افسانہ نگاراں دیاں تخلیقات دا اردو ترجمہ شامل ہے۔

پارو

معروف اردو افسانہ نگار حمید شاہد افسانیاں دا سرائیکی ترجمہ ’’پارو‘‘ دے ناں نال سرائیکی ادبی بورڈ ملتان دی طرفوں شائع کیتا ڳئے مترجم اصغر عابد ہن۔

سرائیکی توں اردو ترجمہ

سرائیکی کے شاہکار افسانے

امراؤ طارق نے ’’سرائیکی کے شاہکار افسانے‘‘ دے عنوان نال مختلف مترجمین دے تراجم دی کتاب ’’سارنگ لاہور دلوں ۲۰۰۱ء وچ چھاپی ہے۔

ڳالھے دی پوتھی

ملک عبداللہ عرفان دیاں کہاݨیاں دی کتاب ’’ڳالھے دی پوتھی‘‘ ۲۰۰۲ء وچ پاکستان سرائیکی ادبی بورڈ بہاولپور ۲۰۰۲ء وچ چھاپی ہے۔

عالمی افسانے

ڈاکٹر اسلم عزیز دورانی نے عالمی افسانیاں دے تراجم ’’عالمی افسانے‘‘ دے عنوان نال ۲۰۰۵ء وچ سرائیکی ادبی بورڈ ملتان ولوں چھاپی ہے۔

رنگولی

’’رنگولی‘‘ چوݨویں عالمی افسانیاں دا سرائیکی وچ ترجمہ ہے۔ مترجم سعید اختر دی ایہ عمدہ کاوش ہے۔ ایں کتاب وچ بین الاقوامی، افسانہ نگاراں دے افسانیاں دا ترجمہ ہے۔ انہاں تراجم دی ایہ خوبی ہے جو سرائیکی زبان دے ٹھیٹھ الفاظ وچ ݙوجھی زبان دے لفظاں کوں تے خیال کوں ڈھالیا ڳئے۔ مترجم سعید اختر سیال لکھدن:

’’سرائیکی ادب وچ شاعری ہمیشہ اڳاں رہی اے تے ہݨ تک ایندا راج ہے مگر آہستہ آہستہ سرائیکی نثر دے کم کوں اڳاں ودھاوݨ دی ضرورت محسوس تھیندی پئی اے۔ ٻہوں سارے دوستاں نے ایہ کم کیتا وی ہے۔ نویں سِروں پراݨیاں کہاݨیاں، افسانیاں، ناول، سفر نامے لکھیندے پئے ہن۔ میں پنڄ مہینے وچ بین الاقوامی لکھاریاں دے افسانیاں کوں سرائیکی زبان وچ ترجمہ کیتے۔‘‘

وادیٔ سندھ کی عورت کا مقدمہ

’’وادیٔ سندھ کی عورت کا مقدمہ‘‘ دے عنوان نال سرائیکی زبان دے معروف افسانہ نگار حفیظ خان دیاں سرائیکی کہاݨیاں دا ترجمہ، پروفیسر شمیم عارف قریشی نے کیتے۔ اے کتاب ۲۰۰۷ء وچ ملتان انسٹیٹیوٹ آف پالیسی ریسرچ ملتان دی طرفوں شائع تھئی ہے۔ ’’خواتین کی سرائیکی تخلیقات میں عورت‘‘ جیندے وچ معروف سرائیکی افسانہ نویس خواتین (مسرت کلانچوی، بتول رحمانی، بنت احمدانی اتے شیما سیال) دے افسانے شامل ہن۔‘‘ ایں کتاب کوں ڈاکٹر طاہر تونسوی نے مرتب کیتے تے اے ۲۰۰۶ء وچ سرائیکی ادبی بورڈ ملتان ولوں چھپی ہے۔

پنجابی توں سرائیکی ترجمہ

پنجابی زبان توں سرائیکی زبان وچ پروفیسر میاں مقبول دی کتاب ’’ہفت اقلیم‘‘ چھاپی ہے۔ ایں کتاب کوں سیٹھ آدم جی تاجر کتب لاہور نے ۲۰۰۴ء وچ شائع کیتے۔ سرائیکی ترجمہ ڈاکٹر سجاد حیدر پرویز نے کیتے۔

سرائیکی زبان اچ قصے کہاݨی توں جو پندھ شروع تھیا ہئی۔ ہݨ سرائیکی افسانے دی صورتحال، تراجم دی روایت، اوندے اثرات دی وجہ نال تکنیک تے موضوع وچ ٻہوں حد تک تبدیلی آندی ݙسدی پئی ہے۔ سرائیکی افسانہ مستقبل وچ ارتقاء دِر اڳاں ودھدا پئے۔

ٻیا ݙیکھو

• سرائیکی افسانہ

• سرائیکی افسانے دا ارتقاء

• سرائیکی افسانہ لِکّھت کار

• افسانیاں دے مجموعے

• سرائیکی افسانہ نگار زنانیاں

• سرائیکی افسانیاں دے تراجم

حوالہ جات

۔ ۔ ۔۔ ۔ ۔ ۔ ۔