افسانیاں دے مجموعے

اِیہ ہِک نا مکمل مضمون ہِے وکیپیڈیا دے شعبہ سرائیکی وِچ اپݨاں حِصّہ پین٘دے ہوئے اِیں مضمون کُوں پورا کرو۔ تھورائیت ہوسوں۔

اِیں مضمون وِچ سرائیکی افسانہ دے کُجھ مجموعیاں دی مختصر تفصیل ہے۔

مصنفین دی ترتیب نال تن٘دِیر

ڈاکٹر سجاد حیدر پرویز

ڈاکٹر سجاد حیدر پرویز انہاں دے ترائے افسانوی مجموعے چھپ چکیٔن ۔اتے ہک سرائیکی افسانہ ست زباناں وچ شائع تھئے۔ انہاں دی کتاب ’’میݙے افسانے‘‘ کوں مسعود کھدر پوش ٹرسٹ دی طرفوں بہترین تخلیقی نثر دا ایوارڈ وی مل چکیٔے۔ انہاں دے افسانوی مجموعے ’’سوجھلا اندھاری رات دا (۱۹۸۰ء)‘‘، ’’سوچاں دے ویورے (۱۹۸۵ء)‘‘ کوں شائع تھئین۔ علامتی/ نیم علامتی انداز وچ لکھے ڳئے انہاں افسانیاں وچ سچ اتے کوڑ دا نکھیڑا کرݨ، دا آہر کیتا ڳئے۔ ایندے بعد ڈاکٹر سجاد حیدر پرویز دے مندرجہ بالا ݙونہاں افسانوی مجموعیاں وچوں انتخاب ’’میݙے افسانے‘‘ دے نال چھاپئے ڳئے ہن۔

ڈاکٹر احسن واگھا

ڈاکٹر احسن واگھا (۱) تھل کرن دریا، (۲) آدی واس، سرائیکی افسانے کوں ہک نواں رنگ (Flavour) اتے نواں مزاج ݙیوݨ والے افسانہ نگار ہن۔ انہاں دے افسانے سیاسی، سماجی تبدیلی اتے نویں سڄاکی نال سرائیکی وسیب دیاں محرومیاں اتے بندے دی نفسیات، نت نویں موضوعات کوں نئی تخلیقی توانائی نال مختلف طرحاں دا بیانیہ پیش کریندن۔ ڈاکٹر احسن واگھا سرائیکی افسانہ نگاروں وچوں فکری فنی تناظر وچ ہک منفرد افسانہ نگار ہن۔

ڈاکٹر احسن واگھا دا ݙوجھا افسانوی مجموعہ ’’آدی واس‘‘ ہے ایں مجموعے دے افسانے قاری کوں غورو فکر دی دعوت ݙیندن۔ انسانی حیاتی دے مسائل دا شکار بے وس لوکاں دی بے وسی کوں موضوع بݨیندے ایہ افسانے علامتی رنگ وچ قاری اتے آپݨا گہرا نقش چھوڑیندن۔

منظور اعوان

’’اݨ سونہیں دڳ‘‘ منظور اعوان دے سرائیکی افسانیاں دا مجموعہ، سرائیکی وسیب دی شہری، دیہی حیاتی دے موضوعات اتے مشتمل ہے۔

ڈاکٹر اسلم عزیز دُرانی

ڈاکٹر اسلم عزیز درانی (اشاعت ۱۹۹۵ء)’’سِجھ دا سنیہا‘‘ انہاں دے سرائیکی افسانیاں دا پہلا مجموعہ ہے۔ ڈاکٹر اسلم عزیز درانی دے افسانوی موضوعات سرائیکی وسیب دے ݙکھ، بُکھ، لوکاں دیاں مشکلات انہاں اُتے تھیوݨ والے ظلم کوں بیان کریندن۔ انہاں افسانیاں وچ منظر نگاری خوب ہے تے موضوع اتے تکڑی گرفت ہے۔

ملک اقبال بھپلا

ملک اقبال بھپلا دے افسانیاں دی کتاب ’’بالو‘‘ ݙو حصیاں تے مشتمل ہے۔ دیہات دے پس منظر کوں اُجاگر کریندے ایہ افسانے اختصار دی خصوصیت وی رکھدن۔

محمد صدیق شاکر

محمد صدیق شاکر، سیرت نگاری دے حوالے نال ہک اہم ناں ہے۔ انہاں دے افسانیاں دا مجموعہ ’’ہنڄوں ٻٹ ٻٹ‘‘ وسیب دے ݙکھاں کوں نمایاں کریندن۔ وسیب دیاں محرومیاں دی گذارن وچوں جھات پیندے انہاں دے افسانیاں دے کردار انفرادیت دا پہلو رکھدن۔

مُکّھاں دی ترتیب نال تن٘دِیر

(نوٹ: اِیں مضمون وِچ ودھارا کرو) (وکی پیڈیا شعبہ سرائیکی تُہاݙا تھورائیت ہوسی)۔

ٻیا ݙیکھو

• سرائیکی افسانہ نگار زنانیاں

• سرائیکی افسانہ

• سرائیکی افسانے دا ارتقاء

• سرائیکی افسانہ لِکّھت کار۔۔۔۔۔۔۔۔