ݙیڈھ زبر
ایہ زبر تے الف دی درمیانی صورت ہے، ایہ عموماً دباؤ نال ہم آہنگ ہوندے، ایندے وچ زبان دا مقام زبر کنوں اُچا ہوندے. ایں کوں شُوآ اہدے ہن۔ ایہ کھنھی یا مُنی یا پَوݨی الف ہے.
ایہ ہک سلیبل وچ کائنی ہوندا، ݙو سلیبل وچ ہوندے۔ مثال دے طور تے کَردے(بمعنی کریندے) وچ شُوآ ہے۔ لیکن کَر ݙے وچ عام زبر ہے (شُوآ کائنی)۔۔ سَت وچ زبر ہے تے سَتارھاں وچ شُوآ ہے۔ مَل کے (بھڄ کے) وچ زبر ہے۔ مَلکے (ملکیت) وچ شُوآ ہے۔ ہَل کے وچ زبر ہے تے ہَلکے (کتے) وچ شُوآ ہے۔ سَݙ کے وچ زبر تے صَدقے وچ شُوآ ہے۔ سَڑ کے (بھُڄ کے ) وچ زبر ہے تے سَڑکے (سڑک تے) وچ شُوآ ہے۔ اَٹھ وچ زبر ہے تے اَٹھارھاں وچ شُوآ ہے۔
اَمچور، اَٹھارھاں، سَتارھاں، چَلا، ہَلکا، صَدقے
ایندے کیتے اے پی آئی علامت ə(شُوآ) ہے۔
- شُوآ مختصر واول ہے۔ سرسری واول ہے۔ ادائیگی پوری کائنی۔
- الف دی مختصر صوت ہے۔ چا ݙے وچ الف آندے پر میکوں چاݙے وچ الف دی بجائے شُوآ ہے۔
- شُوآ بغیر دباؤ آلے سلیبل وچ آندے.