یاسمین حمید

یاسمین حمید (اردو: یاسمین حمید) (انگریزی: Yasmeen Hameed) (ڄَمَّݨ دا سال: ١٩٥١ء – ڄَمَّݨ دی جاء: پاکستان) ہِک پاکستانی مصنف زنانی اَتے اردو شاعرہ، ٻولی وٹار اَتے ہِک ماہرِ تعلیم (اُستانی) ہِن۔

کَم کار

یاسمین حمید ہِک تجربہ کار ماہرِ تعلیم، ٻولی وٹار، اَتے اردو شاعرہ ہِن۔ اِنّھاں دے کول ادب، فن اَتے تعلیم دے شعبیاں وِچ ٢٥ ورھیاں تُوں ودھ دا تجربہ ہِے۔ اُوہ لاہور یونیورسٹی آف منیجمنٹ سائنسز وِچ سوشل سائنسز ڈیپارٹمنٹ وِچ "رائٹر ان ریزیڈنس" دی حیثیت نال کَم کرین٘دی پئی ہِن۔ یاسمین حمید دی اردو وِچ پنڄ کتاباں چَھپ چُکیاں ہِن۔ اِنّھاں دی ادبی سان٘جھ اِنّھاں دی شاعری دی پن٘ڄ کتاباں وی ہِن۔ اِیہ کتاباں پنڄ انجو انج ورھیاں ١٩٨٨ء، ١٩٩١ء، ١٩٩٦ء، ٢٠٠١ء اَتے ٢٠٠٧ء وِچ اردو وِچ چَھپیاں ہَن۔ معاصر اردو شاعری دا انگریزی وِچ ٻولی وٹار کر تے اِنّھاں نے انگریزی ادب وِچ حِصّہ گِھدّا ہِے۔

یاسمین حمید اکادمی ادبیات پاکستان دے جَھنڈے دے تَلّے چَھپَّم آلے پاکستانی ادب دے شمارے دی (انگریزی وِچ) مدیرہ وی رہ چُکّی ہِن۔ اِنّھاں نے حکومتِ پاکستان دے زیرِ اہتمام تِھیوݨ آلے ثقافتی / فیشن شو کِیتے انگریزی وِچ سکرپٹ وِی لکّھے ہِن۔ این٘دے توں انج اِنّھاں نے کرکٹ دے فیسٹیول وِچ وی اپݨی خدمتاں پیش کِیتیاں اَتے اِنّھاں نے ١٩٩٥ء وِچ لندن اَتے ١٩٩٦ء وِچ واشنگٹن وِچ اَتے ١٩٩٦ء وِچ پاکستان وِچ ورلڈ کپ کرکٹ کلچرل فیسٹیول وِچ اپݨی خدمتاں پیش کِیتیاں۔ این٘دے توں انج پاکستان دے اخبار روزنامہ ڈان وِچ "کتب اور مصنفین" دے ناں نال ماہانہ کالم وی لکھین٘دی رہی ہِن۔

یاسمین حمید ڈیفنس ہاؤسنگ اتھارٹی، لاہور وِچ لاہور الما سکول دی مالک وی ہِن۔

تعلیم

ایم ایس سی: غذائیاتپنجاب یونیورسٹی– لاہور (١٩٧٢ء)بی ایس سی۔ :ہوم اکنامکس- ہوم اکنامکس کالج پنجاب یونیورسٹی – لاہور(١٩٧٠ء)

تخلیقاں (اردو)

یاسمین حمید نے شاعری دی پنڄ کتاباں اردو وِچ چھاپیاں ہِن:

مُکھ	چَھپَّݨ دا سال	پَنّے
پاس آئینہ	1988	160
حصار بے در و دیوار	1991	160
آدھا دن اور آدھی رات	1996	237
فنا بھی ایک سراب	2001	216
دوسری زندگی (نظمیں ، 1988–2001)	2007	700

ادبی ایوارڈز

• تمغۂ امتیاز ( تمغہ) برائے ادبیات برائے حکومت پاکستان نے سنہ 2008
• 8 مارچ 2006 ، زنانیاں دے عالمی ݙیہاڑے دے موقع تےحکومت پنجاب ، پاکستان دی طرفوں فاطمہ جناح میڈل برائے ادب توں نوازیا ڳیا۔
• فنا بھی ایک سراب مجموعہ کِیتے احمد ندیم قاسمی ایوارڈ برائے شاعری (2001)
• ہجرہ ایوارڈ ہجرہ سال 1417 (جون 1996 – مئی 1997)
• علامہ اقبال ایوارڈ برائے مجموعہ ، آدھا دن اور آدھی رات ۔

اَݨ چھپیل کتاباں

اِنّھاں دا اِیہ کَم چَھپَّݨ کِیتے تیّار ہِے۔

• معاصر پاکستان دا کلام (انگریزی)
• پنڄواں شعری مجموعہ (اردو) جین٘دا مُکھ ہِے بے سامر جوڑوں کی خواہشیں۔

ٻاہرلے جوڑ

• کولن: ڈان (اخبار) پر یسمین حمید دے خطوط