پاک پتن

سرائیکی وسیب دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

پاک پَتݨ / پاکپتن / پاک پتن (ضلع)

جُغرافیہ

پاک پتن ہِک تاریخی اَتے قدیم شہر ہِے۔ پاک پتن دا قدیمی ناں اجودھن ہَئی۔ اِیہ تاریخی قصبہ حضرت بابا فریدؒ دِی آمد تئیں کئی واری آباد تِھیندا تے تُرٹدا بَھڄدا رہیئا۔

تاریخ

رگ وید آف اِنڈیا دے مُطابق اجودھن (پاک پتن) دیپال پُور تے قبولہ دیاں تہذیباں 25 ہزار سال پُراݨیاں ہِن مگر صرف 5 ہزار سال دے تاریخی حقائق سامݨے آندِن۔ پاک پتن صدیاں تُوں علم و لوک ادب دَا گہوارہ ہِے۔ حضرت بابا فریدؒ سرائیکی زبان دے عظیم صوفی شاعر دا تعلق اِیں شہر دے نال ہِے۔ حضرت بابا فریدؒ دے بارھویں سجادہ نشین حضرت ابراہیم فرید ثانیؒ  وِی قادِرُ الکلام شاعر ہَن۔

لوک ادب

پاک پَتن دِی اَدبی تنظیماں وِچ مجلس اُفکارِ نَو، مجلس بابا فریدؒ، انجمن وارث شاہ، مجلسِ تعمیر لوک ادب، حلقۂ اَربابِ فریدؒ، حلقۂ فروغِ لوک ادب قابلِ ذکر ہِن۔ مولانا مسلم نظامی دِی کتاب ’’انوار الفرید‘‘ حضرت بابا فریدؒ دِی سوانح حیات بارے مستند کتاب ہِے۔ پاکپتن تُوں پندرہ روزہ مجلّہ ’’سرحد‘‘، ’’نوٹس‘‘، ’’بندگی‘‘ اَتے ’’پاکشیا‘‘ وی چھپدے رہندِن۔

ملکہ ہانس (قصبہ)

جُغرافیہ

ملکہ ہانس، ضلع پاکپتن دا تاریخی قَصبہ۔

لوک ادب                                                

ملکہ ہانس، ضلع پاکپتن دا تاریخی قَصبہ اَتے ناموّر شاعر وارث شاہ دا رہائشی شہر، جِتّھاں اُو ملکہ ہانس دے محلّہ بٹہ دی مسجد وِچ آن رھیئے۔ ہِیر رانجھا دِی لوک داستان، اُنہاں اتھاہِیں منظوم صورت وِچ لکھی۔ سترھویں صدی عیسوی دے عالمِ دین اَتے شاعر مولوی عبداللہ عبدی ملکہ ہانس دے راہوݨ والے ہَن۔ اُنہاں دِیاں تصانیف وِچوں رسالہ مہندی، تحفۃ الفقہ، معرفتِ اِلٰہی خیرُ العاشقین، حِصار اِیمان، رسالہ فِقہ ہندی شامل ہِن۔

حوالہ جات

۔ ۔ ۔ ۔ ۔ ۔ ۔