نَواں اَدبی ویہار

تبصرہ

سئیں ابن کلیم ہوراں نے آپݨے تخلیقات وِچ عام رَائج اسلوب تُوں ہٹ تے سِدّھی سادھی ڳالھ کرن دی آھُر کِیتی ہِے۔ اُنہاں نے ڄو وِی ݙِٹھے یا ڄو کُجھ وِی اَچ دے ویہار وچہ وَرتا ابَݨدے اوُکُوں آپݨے اظہار دا وسِیلہ بݨائے۔ اِیناں نظماں دی اَدبی حیثیّت اِیں ڳالُھوں وِی بݨدی ہِے ڄو ساریاں کوجھیاں ڳالھیں کَنُوں مُنہ پھیرن دِی ترغیب ݙتی ڳئی اِے۔ اِیں ادبی ویہار کُوں اَساں نَواں تے نویکلا سماجی ادب آکھسُوں۔ تھِی سڳدے اَدب دِی دنیا دِے وَݙے وݙے، لِکھاری اِیکُوں آپݨی اَݨ بھاند سمجھِن پرسچ آکھݨ کوڑ ویہار دیاں ڳالھِیں کرن تُوں ٻہُوں چنگا اے۔ ساکُوں اَدبی تخلیقات سامݨے گھِن آندیں ہوئیں اِیں ڳالھ سا ضرور خیال کرناں پوندے ڄو اَسّاں سرائیکی زُبان و ادب دی پُراݨی رِیت تے روایت کُوں سامݨے رکھُوں اَتےِ ساڈی قدیم سرائیکی اَدب دِی رِیت تے رِوایت اِیہاں رہی اِے۔ گھراں وِچ دِینی ادب سمجِھ کراہِیں پڑھیا ویندا ھا ڄیندی وجہ توں لوکاں دے ذِہیاں کُوں سوجھلا مِلدا راہندا ہا۔ ہتھُوں اِیں وِی آکھ سڳدے ہیں ڄو قدیم سرائیکی اَدب دِینی تےِ دُنیاوی ضرورتاں کُوں پُورا کریندا ہا انسان اُوہا چنگا ہِے ڄیڑھا آپݨے وسیب وچ چنگائیاں تے سچّائیاں دِی چھاں کریندے۔ ساکُوں آپݨے تخلیقات کُوں لاکاں دے سامݨے پیش کریندے ہوئیں اصلوں ءِی اَجھک تیِ کرنی چاہیدی۔ ڄو دل آکھے لِکھّوں پر گالھ حق دی ہووے۔ انہاں ادبی ڳالھیں داوی ساکُوں اَگوں تے جواب ݙینوݨیں۔

ٻیا ݙیکھو

• ابن کلیم۔
• ہٻڑاس پوتھی۔
• خَطِ رَعنا دے موُجد دَا ہِک وَکھرا تخلیقی اظہار
• ماءٻولی مِٹھی سرائیکی دے محبتیاں کِیتے

حوالہ پوتھی

• مضمون از: سئیں حبیب فائق (سرپرست، ادارہ فروغِ سرائیکی پاکستان، ملتان)۔ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابنِ کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔ صفحہ نمبر: ١١ تُوں ١٢۔

حوالہ جات

MubasherKaleem (ڳالھ مُہاڑ) ١٨:٢٩, ٦ فروری ٢٠٢٢ (PKT)