خَطِ رَعنا دے موُجد دَا ہِک وَکھرا تخلیقی اظہار

تبصرہ

سئیں ابنِ کلیم ھُٹن تائیں ہِک صَاحبِ طرز خطّاط تےِ خوشنویس دے طور تےِ مشہُور تے مقبول رِیہن، تِے اِیں حیثیّت وِچ ملکی تِے بینُ الاقوامی اِمتیاز حاصِل کیتے نِے ۔ "خطِ رعنا" انہاں دِی اُپج تِے اختراعی صَلاحیّت دا واضح ثبوت ہِےـ پچھلے کُجھ عرصے تُوں انہاں دِی تَوجّہ شاعری دِی طرف وِی تِھی ڳئ ہِےـ سرائیکی زبان ءِچ ٻالاں کِیتے نظماں دِاہِک مجموعہ اَلّولولی او پہلے اِی شائع کر چُکن، ھُݨ او معَاشرتی مَسائل تےِ مبنی عام فہم انداز دے نظماں دَا اےِ مجموعہ اِی شائع کریندے پین، انہاں نظماں ءِچ انہاں دَا سماجی شعُور وِی موجُود ہِے، تے اپݨے وسیب دے مسائل نال وابستگی دَا اظہار وِی تِھین٘دے، ہِک سچّے فن کار دِی طَرحاں ابنِ کلیم وِی اپݨے وسیب نال گھنڈے ہوئے ہِن، تے وسیب دے ہِک باشعور فرد دِی حیثیّت وِچ اپݨے رَدِّعمل سے اظہار دا سلیقہ وِی رکھیندِن انہاں نظماں دِی عمومی اپیل انہاں کُوں وسیب دے لوکاں ءِچ ضرور مقبول بݨیسِی ـ انہاں نظماں دِی اصَل اہمیّت اےِ وِی ہِے ڄواےِ "خطِ رعنا" دے مُوجد داہِک وَکھرا تخلیقی اظہار ہِے۔

ٻیا ݙیکھو

• ابنِ کلیم
• ہٻڑاس پوتھی۔
• ماءٻولی مِٹھی سرائیکی دے محبتیاں کِیتے

حوالہ کتاب

• مضمون از:سئیں پروفیسر اسلم انصاری ۔ از: کتاب: "ہٻڑاس" (سرائیکی وِچ موضوعاتی تے مزاحمتی نظماں)۔ شاعر: ابن کلیم احسن نظامی۔ چَھپَّݨ دا سال: جنوری ١٩٩٦ء۔ نشر کرݨ آلے: گُلِ رعنا ادب سوسائٹی ملتان۔ صفحہ نمبر: ٤۔

حوالہ جات

• ۔ ۔ ۔