میان٘والی

اِیہ سرائیکی وسیب دا خِطّہ ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

میان٘والی (ضلع)

جُغرافیہ تے تاریخ

ضلع میانوالی، سرائیکی وسیب دی قدیم تہذیب ثقافت، لوک ادب دا اہم مرکز ہِے۔ میانوالی توں ݙاہ  میل دور روکھڑی دے مقام توں گوتم بدھ دے مجسمے، گندھارا آرٹ دے شاہکار ہِن۔ تاریخی طور تے اِیں علاقے دا ناں دھنوان ہَئی جِہڑا بعد وِچ کرشنوان بݨیا۔ دریائے سندھ دے کنارے آباد ہُووَݨ دی وجہ کنُوں کچھی دا علاقہ وِی آکھیا ویندے۔ میانوالی دا جدید شہر انگریز عہد وِچ بݨیا۔ انگریز عہد دے شروع وِچ میانوالی، بنّوں دی ہِک تحصیل ہَئی۔ 1901ء وِچ اِینکُوں ضلع دا درجہ مِلیا اَتے اِینکُوں ملتان ڈویژن وِچ شامل کِیتا گیا۔ اِیندے بعد اِینکُوں راول پنڈی تے 1955ء وِچ ڈیرہ اِسماعیل خان ڈویژن دے نال شامل کِیتا گیا۔ 1960ء وِچ اِینکُوں سرگودھا ڈویژن دا حِصہ بݨایا گیا۔ ریلوے لائن جیہڑی ملتان توں راول پِنڈی کُوں ویندی ہِے۔ ضلع میانوالی تُوں تِھی کے ویندی ہِے۔

لوک ادب

علم و لوک ادب دے حوالے نال میانوالی سرائیکی وسیب دا ہِک اہم مرکز ہِے۔ معروف اَدبی شخصیات وِچُوں فاروق روکھڑی، ندیم نیازی، سیّد نصیر شاہ، منصور علی ملک، ظفر خان نیازی، پروفیسر سلیم احسن، ڈاکٹر اجمل نیازی، فیروز شاہ، مظہر نیازی، اَسلم دِلبر، افضل عاجز۔

واں بھچراں (قصبہ)

جُغرافیہ

واں بھچراں، میانوالی دا ہِک قصبہ ہِے۔

لوک ادب

واں بھچراں، میانوالی دا ہِک قصبہ ہِے۔ اِتّھوں دے شاعر تے اَدیب، روش ملک نے ہرن جندوڑ، ہَسی تے میانوالی دے شُعراء دا تعارف تے کلام شائع کِیتے۔

پیلاں (قصبہ)

جُغرافیہ

پیلاں (لیاقت آباد) دا ہِک قصبہ ہے۔

لوک ادب

پیلاں (لیاقت آباد) تُوں، ملک عبدالکریم قاسم نے ’’مُسکار‘‘ دے ناں نال ’’تذکرہ شُعرائے پِیلاں‘‘ مُرتب کِیتے۔

حوالہ جات

۔ ۔ ۔ ۔ ۔ ۔ ۔