ملک نواز احمد اعوان دستکار

ملتان دے عظیم اعوان خانوادہ دِے ہِک فرزند ملک نواز احمد اعوان خطاطی دے لوک فن دی جمالیات، ایندی تاریخ اَتے خطاط صاحبان دے تخلیقی کم تے وَݙی گہری نظر رکھدن۔ آپݨے کاروبار دے حوالے نال اَدھی صدی توں کراچی اِچ رہائش رکھدن جیکر اے آکھیا ونجے ڄو ملک نواز احمد اعوان کلھے اِی خطاطی تے یونیورسٹی دا درجہ رکھدن تاں غلط نہ ہوسی۔ خطاطی دی تاریخ توں پوری پوری واقفیت رکھدن۔ خطاطی دے قواعد و ضوابط اَتے اُصولاں دی پاسداری انہاں کولوں ٻس ہِے۔ خود خطاط ہن پر ایں فن کوں بطور پیشہ نِیں اختیار کیتا۔ انجینئرنگ لائن اِچ چلے گئے پر خطاطی دے فن دا ݙھائی سو توں زیادہ لوکاں کوں علم ݙِتے۔ کئی وَݙے وَݙے مسلّم خطاط صاحبان نے اِنہاں توں ایں فن دیاں باریکیاں سمجھݨ دا فیض پاتے۔ کئی لوکاں کوں خطاطی سِکھا تے ملک اَتے بیرونِ ملک اداریاں اِچ کم کرݨ دے قابل بݨایا۔ خطاطی دے استاداں نال گہری دِلی وابستگی اَتے محبت دی وجہ نال ملک نواز اعوان سئیں نے وی استاداں آلی قدر اَتے منزلت پاتی ہے۔ وَݙے فراخ دِل، ذوق مند، صاحبِ جمال اَتے بے باک ہِن۔

ملک نواز احمد اعوان دے مزاج اِچ وݙی شگفتگی ہِے۔ ڄیندا او ثانی نِیں رکھدے آپݨے پروفیشن دے بعد اُنہاں دا سارا وقت لوک فنِ خطاطی کوں سمجھݨ اَتے سمجھاوݨ تے خرچ تھیندے آپݨے آپ کوں ایں فن کیتے انہاں وقف کر چھوڑے۔ خطاطی دے بارے اِچ کئی مصنفین نے انہاں توں معلوماتی استفادہ کیتے۔ اتے کئی خطاط صاحبان کوں ایں فن دیاں باریکیاں اَتے موشگافیاں توں آگاہ کیتے انہاں دے ایں حوالے نال خطاط صاحبان تے ایݙے احسانات ہِن ڄہڑھے ڳݨوائے نیں ونڄ سڳیندے۔

ملک نواز احمد اعوان اَدھی صدی توں ایں فن دے موتی لٹیندے پَین۔ اِنہاں دا سب توں وݙا وَصف خطاط صاحبان کوں معیاری خطاطی آلے پاسے راغب کرنا ہِے۔ اَتے فنی رموز توں آگاہ کر کے ٹھیک ٹھیک رہنمائی کرنا ہِے۔ اِیں مؤثر انداز نال جو خطاط خود بخود اَگاٖں ودھݨ دے جذبہ نال ترقی کریندن۔

ملتان دی معزز و معتبر فیملی ملک محمود اعوان دا اے عظیم سپوت پچھلے سٹھ سالاں توں کراچی اِچ ٻہہ تے فن خطاطی دے حوالے نال ملتان دا ناں روشن کریندا پَے۔

ٻِیا ݙیکھو

• خطاطی دے لوک فن دے کُجھ ضروری ڳالھیں

• خطاطی دے لوک فن کِیتے ضروری اشیاء۔

• دستکاری وِچ ہَتھ اتے ساہ دی طاقت        

• ملتان دے لوک فنون دے کُجھ مہان٘درے

• ملتان دے لوک فنون دے ݙو مہان٘درے ناں

• ملتان دے کڄھ خطاطاں دے فن دی لاہور اِچ نمائش

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• سئیں ابنِ کلیم احسن نظامی (مرحوم) دا ٻِیا پورھیا

• گُلِ رعنا ادب سوسائٹی دے ٻئے کتاباں۔۔