ماچھکہ

ماچھکہ پاکستان دے صوبہ پنجاب دے سرائیکستان دے ضلع رحیم یار خان دا ہک قصبہ یا وستی تے علاقہ اے۔ قدیم زمانے کئوں انہں خطے وچ سولنگی یا سولنکی ذات آباد اہی جو مچھی مارن کیتے ماچھی ذات نال مشہور ہن جنہں وجہ توں علاقے دا ناں ماچھکا سڈیا گیا یا ول مشہور تھیا۔ موجودہ وقت چ وی ذات ماچھی سولنکی بہوں اے۔ سندھ دی تاریخ موجب جیسر راء تے مانک ماچھی سولنکی دی ریاست چ شامل اہا جو سندھ دے ضلع دادو کئوں ماچھکے تائیں اہی۔

ماچھکہ یاماچکہ تحصیل صادق آباد دے پِچادھ اچ دریائے سندھ دی بھِک تے واقع ہے، دریائے سندھ ایں دی وچوں لنگھدا ہے۔ ماچکہ دے ترائے پاسوں سندھ دے ضلع اچ واقع ہن، لَمے پِچادھی اچ ضلع سکھر ، اُبھے پِچھادی اچ شکار پور، لمے پوادھی اچ کشمور ہے۔ ایہ علاقہ ضلع رحیم یارخان دے نال مرید شاخ دے ذریعے ملیا ہویا ہے۔ ماچھکہ دی تریخ ٻہوں قدیم ہے، ایہ علاقہ ماچھی قوم دے سرداراں دریائے سندھ دے کنارے آباد کیتا ہے تے ڈھیر عرصہ تئیں ایں دی حیثیت ہک انج سٹیٹ دی ہے ۔ 1525ء اچ شاہ حسن ارغون دریائے سندھ دے کنارے آباد ماچھی قوم کوں شکست ݙتی۔ ریاست بہاولپور دے عہد اچ ایہ علاقہ امیر بہاولپور ثالث دے قبضے اچ ہا جو میر ناصر خان ایہ علاقہ امیر بہاولپور توں کھس گھدا۔ عباسی حکمراناں 1833ء دے معاہدیاں دے تحت حکومت برطانیہ کوں ملتان فتح کرݨ اچ فوجی امداد ݙتی جیں توں خوش تھی تے برطانوی حاکم سر چارلس نیپٹر نے 1844ء اچ ایہ علاقہ فتح کر تے حکومت بہاولپور کوں ݙے ݙتا۔